JEREMIYA 47:2 - Kemethajüh (N) (Re-editing) Bible (BSI)

² Ma khi, “Ghangchilo! aghawa atssü na dugho tendha, nu aghaku kesü ti di pi atssüdan saben. Tsüthu na ayyi nu ma miwi keben tsüdi mejjenphon shaben, anyunutithu nu ciwi kahang anyithu la. Anyithu na kekiqa khie shagha; ayyi wi anyi tsüdila qaishüca saaben.

JEREMIYA 47:2 Iomraidhean Croise

ZAKECI 24:1

Ayyi nu ayyi wi keben tsüdila Apvüwa ji; anyi nu ciwi hang kebenthu tsüdila ma ji.

ZAKECI 50:12

‘Hi ghama lela no wi kedsakejjü khie nben, kepaghenanye ayyi nu ciwi kebenthu tsüdila iji.

ZAKECI 96:11

Anongheyalo, ayyi nu atssanthu! Ghamolo, atssükedone, nu ciwi kahangli kebenthu tsüdi;

ZAKECI 98:7

Ghamo chilo, atssükedone, nu ciwi hangkebenthu tsüdi; akhwi salo, ayyi, nu ciwi hang kebenthu tsüdi!

ISAYA 14:31

Ghadhi nu qaila kekiqa khielo, nu Filistin nyunutithu tsüdi! Nthu tsüdila messi ntsa yalo! Aghawa na nikhukethong sen nu ghoden, tsüna leben kejjan süpahizithu le.

ISAYA 15:8

Moab kemeggü tsüdi wi kiqai zaben. Efraim nu Beerelim nyuti wila tsü zaben.

ISAYA 22:1

Hawa ha Kemanthi Yyiketijüwa ghena ketsijüh kesü. Mangsa ben nu? Mangkesa na anyunutiwa wi anyi tsüdila ajjenmili wi anongü ben nu?

ISAYA 28:17

Ajühtsentsa pi ma gi kemthsü ketegüji, nu ketsatan pi kemtong ketegüji saaden.” Aghayi-caghamo sa sengho no maghaki keten milikemesa tsüdila mo pi bvüaden, nu atssüdan na gho nthu na yazishu keben tsü yasa den.

ISAYA 59:19

Nishuwa na wala niduwa kecu wi anyi tsüdila ma kekhang nu ma kediwa tsü messiden. Ma aghaku tssüketi ti nu ameghü kekhang ti ghoben.

JEREMIYA 1:14

Ma hi wi khi, “Keyasa na aghawa na gilli pongca sen nu ayyi hawa wi hang kebenthu tsüdi miwi dugho den,

JEREMIYA 46:12

Mizzatentithu na nthu kejüghe keya zayadha, nu mathu tsüdila nthu kiqai zayadha. Süpahi kesü na nyu ccümeshüya nu manyi qho ayyi wi khuliduben.

JEREMIYA 46:13

Babylonia Kadimi Nebukhadnezzar na Ejipt ssikaghashen kegho wi Apvüwa na hi ccüneng. Ma khi,

JEREMIYA 46:20

Ejipt na ameshü ghala kemehai kesü ti, isala aghawa na mti keten nikho kesü gho ma ssisa.

JEREMIYA 46:24

Ejipt nyithu pi kejügheya thsüdha; aghawa anyithu na mathu nkayadha. Hi Apvüwa, hi khidha.”

JEREMIYA 48:39

Moab pachazighedha! Maghala qailo! Moab na kejügheyadha! Tsü yasadha, nu tsü kevü wi mizzatenti tsüdila ma nankeqheben. Hi Apvüwa, hi khidha.”

JEREMIYA 6:22

Apvüwa na khiben, “Aghawa diyyi kesü wina anyithu na ghoden; aghawa kelensie wi diyyi kesü na aghi ghena kidenben.

JEREMIYA 8:16

Ithu ghinyithu na Dan nyunutiwa wi bendha; ithu na mathu goru kekhou hhai zaben. Mathu goru na khou chithu ayyiwa na mabenla kedheggü den. Ithu ghinyithu na ithu yyi wi keben tsüdi, ithu nyunutiwa nu anyithu tsüdi dediale ghodha.”

DANIEL 11:22

Anyi kesü le kesü lela ma kematangwa na Anyiza jjen wi keqhaikediwa lela khu aben.

NAHUM 1:8

Ma atssüketi kekhang ti ma ghinyithu yasatha saaden; ma ma matang ketenthu kesun pi shü wa thsüden.

1 KORINTHNYI 10:26

Kepaghenanye Ntsawajüh na khiben, “Ayyi nu ciwi kebenthu pala tsüdila Apvüwa ji.”

1 KORINTHNYI 10:28

Isala keujüla anyi kesü na nthu wi “Ha atsikezhüthu kekinyi tsse le” kiza lethu, anyi nthu kekizawa ghena nu kechükeza ghena tsü ndsa lalo—

JAMES 5:1

Nthu kebanthu khili ijühkinalo! Ketizen kesa na nthu miwi gho keten ghena qai pi kuhonlo.

CCÜCAKECHI 17:1

Tsaseng wi tangnyilo tagü ja wi kesü ma kwen wi ahikhu tagü sen ketenwa hi wi gho nu khi, “Ghalo, hi aghaku kejon kete wi anyunuti sa ketheng, nza keqheza menkedsawa tsü khati meten cüten khe pi no ccücaden.

CCÜCAKECHI 17:15

Tangnyilowa la hi wi kiza, “No atssü miwi donki keben keqheza menkedsa nzawa kemu tsüna mizzatentithu, anyithu, ashicüthu, nu ajühjjathu.