JEREMIYA 43:9 - Kemethajüh (N) (Re-editing) Bible (BSI)

⁹ “Alon keti pahan khuya nu pi anyunuti hawa wi kidhan jjen kedulen tuwa akhemikedha cakhu wi chhüvhülo, isanu Israel nyithu pahan ya no tsüti sa keben tsü muya thsülo.

JEREMIYA 43:9 Iomraidhean Croise

CCÜCAKECHI 18:21

Tsaseng wi tangnyilo kesü na kenyeggülon keti kesü piekiya nu pi atssükedone non wi khalachi nu khi, “Babilon ketiwa tsüna hati nu pi yasa-yala wi khalachiaben nu khiela nmu nengdha.

KEKULI 21:11

Ma ikhang wi ghola Paul geshi keqhan tsü khu pi ma ccükwen bhenya nu khi, “Hawa ha Kemetha Ghamu na khiben: Jerusalem wi Judah nyithu na hati nu ageshi keqhan ha pvüwa bhenya nu pi Judah nyi nkenyethu kwen wi chiaben.”

NAHUM 3:14

Vüya le kesa ghena atssü de pi kidenya, nu nkhweti satezüya! Yimecanglonthu saale kesa ghena aniesha ponya, nu mecanglon saale kidenya!

HOSEYA 12:10

“Hi atusenjüh-kechüthu ccüneng nu kemanthi kejon pi mathu cü, nu hi atusenjüh-kechüthu miwi na kekitsan pi inyithu cü.

EZEKIEL 4:1

Anyiza na khi, “Keshü nyiwa, kemecanglon kesü khuya, nu pi ntuwi chi, nu tsü miwi alenlen sa qhai pi Jerusalem nyunutiwa mithon saya.

2 SAMUEL 12:31

nu ciwi anyithu meten pi achan kahanji, amkhu, nu ampvüthu cüh, nu mathu ya yyimecang-lonthu sa thsü. Ma Ammon nyuti kepathu wi la anyithu tsüdi pi tsü makesü sa thsü. Tsaseng wi ma nu ma nyithu na Jerusalem wi kheneng wha.

JEREMIYA 43:8

Ciwi Apvüwa na hi kiza,

JEREMIYA 43:10

Tsaseng wi mathu wi hi Apvüwa Kekhang ntsawa, Israel Nyiza na imaghawa Babylonia Kadimi Nebukhadnezzar ssigho apen ha wi chiaben, nu ma ma kadipen pi no alon pi chhüvhü kethengthu miwi sa nu ma kadi nithsüjjen pi ma miwi shigheden kizalo.

JEREMIYA 44:30

Hi Judah Kadimiwa Zedekiya pi Babylonia kadimiwa Nebukhadnezzar, ma ghinyi ma pathi mvu kebenwa kwen wi chikea tsüti Ejipt kadimiwa Hofra pi ma ghinyi ma pathi mvu kebenwa kwen wi chiaben .”

JEREMIYA 25:19

Hawa ha anyi kepathu ahyiwa tsü jjü keyathu nyan tsüdi kezhü: Ejipt kadimiwa nu ma cakhu wi kedithu nu ccülikesathu; Ejipt nyithu tsüdi nu asang Ejipt wi kebenthu tsüdi; Uz yyi wi kadimithu tsüdi; Filistin nyunuti hathu wi kadimithu tsüdi Ashkelon, Gaza, Ekron, nu Ashdod wi hang kebenthu; Edom, Moab, nu Ammon nyithu tsüdi; Tur nu Sidon wi kadimithu tsüdi; Mediterranean yyi tsüdi wi kadimithu tsüdi; Dedan, Tema, nu Buz nyunutithu; Anyi alissen cah pi milute pvü ketenthu tsüdi; Arabia kadimithu tsüdi; Ayyikeshü wi mizza tsüdi kadimithu; Zimri, Elam, nu Media kadimithu tsüdi; Aghawa kelensie nu akete wi kesüsü kadimithu tsüdi; Ayyi miwi keben mizzatenti tsüdila tsü njjüthu yishü. Asakhen ntsawa Babilon kadimiwa na tsü jjüben.