JEREMIYA 43:2 - Kemethajüh (N) (Re-editing) Bible (BSI)

² Tsaseng wi Hoshaiya tsa Azariya, Kareya tsa Johanan nu kepa wi ammikesa nyi tsüdi hi wi khi, “No milimesaben, Apvüwa ithu Nyiza na ithu wala Ejipt wi nhang lalo kesa no nkesun chile.

JEREMIYA 43:2 Iomraidhean Croise

ISAYA 7:9

“Israel na ma ghazen nyunutiwa miwi nkhangki, nu Samaria na Kadimiwa Peka miwi nkhangki le. “Keujüla no kenondi ben meya lethu no la benya nben.”

2 KHENICÜKI 36:13

Zedekiya na Kadimi Nebukhadnezzar matang shun, Nebukhadnezzar na ma meten pi jühkeya wi ben thsüle Anyiza nyan wina kishen thsü theng. Ma ma leben-dhu mtsü nu khapeghe sen Apvüwa, Israel Nyiza wi kheneng ngho mvula.

1 PITOR 5:5

Tsü makesü nthu anyi pvünyithu la keqhaithu jüh nkinathu yishü. Nthu tsüdila khokho tu wi ccatssü kesa yen tsü pvü yalo; kepaghenanye Ntsawajüh na khiben, “Anyiza na kekapvüwa tsü shunden, isala nanketizen pi ccatssü keten nyi cüden.”

JAMES 4:6

Isala Anyiza nanketizen khuchi keten tsüna tsü miwi khangki. Ntsawajüh na khi keben ti, “Anyiza na kekapvüwa shunden, isala nanketizen pi satemeni ketenwa cüden.”

JEREMIYA 43:1

Hi Apvüwa mathu Nyiza na pi mathu kizalo hi kesun kechi tsüdila pi anyithu kizakhia.

JEREMIYA 42:1

Tsaseng wi süpahizi ccülikesathu tsüdi pi Kareya tsa Johanan, nu Hoshaiya tsa Azariya saghu pi anyi kepapa kesa tsüdi ssigho

JEREMIYA 40:8

Tsalina Nathaniya tsa Ishmael, Kareya tsa Johanan, Tanhumeth tsa Seraiya, Netofa wi Efai tsathu nu Maaka wina keghowa Jezaniya na mathu nyithu ssinu Mizpah wi Gedaliya wi wa.

JEREMIYA 13:15

Israel nyithu, Apvüwa na khidha! Satemeni nu ma jüh kinalo.

KEMETSAJÜH 16:5

Apvüwa na kekapvü nyi nanmeghüden; ma khiela mathu yala kemeten-kemesha nmula shhuya thsü nben.

JEREMIYA 41:16

Tsaseng wi Johanan nu ma gweghe keten süpahizi ccülikesathu na Ishmael na Gedaliya süthi nu Mizpah wi keben anyithu ssinu atssüzüthu sa wa keten süpahithu, nzathu, ghanyithu, nu ajjenkehie kedithu miwi benya.

KEMETSAJÜH 30:9

Keujüla hi kejon benya lethu hi no nsenla mehai le khiya mehai. Isala keujüla hi ketha-u sathu, hi ghanfü nu anyankekinyen sengho iNyiza cüya mehai.

KEMETSAJÜH 8:13

Apvüwa kinyikü tsüna nkemehaiwa nankemeghü. Hi kekapvü nu kinankele, nkemehai lenthu, nu atsentsa nkenye jühthu tsü nanmeghü den.

ZAKECI 123:4

Matsü sie mtsü kebanthu na ithu kimenni, nu nyu kepasha kekapvüthu na ithu n-nyuwa bendha.

ZAKECI 119:21

No kekapvüthu tsü satekü den; njühkhukechi nkeniethu na kishen-keshi muyaden.

ZAKECI 12:3

Ajühtsentsa nkekhi mili tsü ya ceen ben wa thsülo, O Apvüwa! hatinu kekapvü jüh khi keten pang khenlo,

BVÜKESHHU 9:17

No khilila kinankele nu inyithu ya nbvü thsüla hhagheben.

BVÜKESHHU 5:2

Isala kadimiwa na keü, “Apvüwa tsüna thowa nu? Hi mangkesa na ma jühkina nu Israel nyi yala bvü thsüa nu? Hi Apvüwa tsü nchü, nu Israel nyithu ya bvü thsü nben.”

ADECHHÜ 19:14

Tsaseng wi Lot na ma demmi sale kebenthu wi wa nu khi, “Shagha nu wan apen ha teshilo, Apvüwa na anyunuti ha yasale bendha.” Isala mathu na ma ponsa benle meshen wa.

JEREMIYA 18:18

Tsaseng wi anyithu na khi, “Ithu na Jeremiya ghena pala pahan kuli na! Keshüthangla ithu kecükegwe thsüle kesa ghena keqhaikedithu, ithu lentsütson thsüle kesa ghena kemetsathu, nu Anyiza ketsijüh khi thsüle kesa ghena atusenjüh-kechüthu na ben. Ithu na ma kemeshensa jüh khi nu ma mangwale khiten khe tsü nkinala na.”

JEREMIYA 42:5

Tsaseng wi mathu na hi wi khi, “Apvüwa ithu Nyiza na ikhang ghena ajüh khuchi pi no kecü tsüdi nkinala lethu, Apvüwa yala atsentsa nu jühtsentsa kesa chüza sala ikhang kematangwa salo.

JEREMIYA 42:20

nthu na keshü qo kesazzi kesü saaben. Nthu na hi Apvüwa ithu Nyiza wi nthu ghena khielo, nu nthu na ma ajüh khukechi tsüdila saaben le khishitheng.

JEREMIYA 44:16

“Ithu na no Apvüwa nyan wina ithu kekiza tsü kina nten.

ISAYA 9:8

Apvüwa na Israel kadiyyi nu Jakob shicübvüghathu tsüdi miwi ketizen kesa pi chile khidha.