JEREMIYA 4:2 - Kemethajüh (N) (Re-editing) Bible (BSI)

² nthu na inyan wina kishenya kemehai na ben. Isathu mizzatenti tsüdila hi ya sawegü pi mathu cülo kesa khieben, nu mathu na hi sengben.”

JEREMIYA 4:2 Iomraidhean Croise

ADECHHÜ 22:18

Mizzatenti tsüdila hi sawegü pi nshicübvüghathu kecü ti pi mathu la cülo khieben, — kepaghenanye no hi ayenkhukechi tsüdi kenie ghena.”

1 KADIMITHU 3:6

Solomon na luneng, “No keshüthangla kaghali keti pi nmaghawa David ccücale, nu ma ntuwi tsatan, jühtsentsa, nu kemeshonwa sa. Nu no ghaliki kesa keti pi ma ccüca nu atsa kesü nansü ma mithon wi kekhangsen kebenwa pi ma cüle.

ZAKECI 72:17

Kadimiwa nyan ya khiela mali nkeya; aghani keben chu ma nyan thang kebenwa sa. Anyiza na sawegü pi kadimiwa kecü ti mizzatentithu tsüdi ya sawegü pi mathu cülo ma wi kekhiewa sa.

ZAKECI 99:4

Kekhang kadimiwa, no mangwa na meshon khe tsü ghaliden; no Israel wi atsentsawa tsü pieki cüdha; no ketsatan nu kemeshon tsü senghodha.

ISAYA 45:23

Hi khishikechi tsüna atsentsa, nu tsüna kemiliya nben. Hi kishen nu khishi theng: Anyi tsüdila ituwi gho nu akhutsüben, nu ijühkina le khi kishenben.

ISAYA 45:25

Hi Apvüwa, Jakob shicü tsüdila kikasha yaden, nu mathu na keseng pi hi cüden.”

ISAYA 65:16

Anyi kesü le kesü lela ayyi hawa wi kesawegü khie ketenwa na ajühtsentsa sa keten Anyiza na sawegü pi cülo khieben. Thowa na kekishen kesü sa khe ajüh tsentsa sa keten Anyiza nyan wina kishenben. Wakea gükeccüthu tsü mali nu nchüla ben.”

JEREMIYA 10:10

Isala Apvüwa, no tsü atsentsa Nyiza le, no hangkeben Nyiza, nu anuphanla kadimiwa le. No nlebentsu shaghathu ayyi na kedheggü den, mizzatentithu na nleben ketsu wi kethanya nben.

JEREMIYA 12:15

Isala hi mathu ssibvü kea sengwi hi mathu nantizen chiden; hi mizzatenti kesüsü ssineng gho mathu yyi nu diyyiwa wi chiaben .

JEREMIYA 12:16

Keujüla mathu na mathu leben tsüdi pi inyithu keccüna yaya nu mathu na kuti tsüwi inyithu sansi pi Baal nyan wina ‘Apvüwa na hangkeben ghena’ tsüti kishen thsü kesa ti kishen lethu, mathu la inyithu ti sa nu mehai kayi yaden.

JEREMIYA 16:19

Apvüwa, no kekhwe nu kezü pi hi cü ketenwa tsü le; no agükeccü wi hi kiqa ketenwa le. Mizzatentithu na ayyi kenten wina no wi gho khiben, “Ithu bamyithu na milikemesa cenpvüthu tsü khe kepa wi mangla nmi, ma men nkemi tsikezhüthu tsü khe kepa wi mangla nmi.

JEREMIYA 3:17

Tsü tsüwa na kegho wi Jerusalem pi ‘Apvüwa Kadipen’ isa ciben, nu mizzatentithu tsüdila gho ciwi saghu nu hi kinyipen. Mathu na mathu leben kedhu nu nkemehai na mathu kekiza tsü nsa laben.

JEREMIYA 33:9

Jerusalem na ighena anonkeghe, kenyuwakü, nu ashhükesa bvüwa saaben; nu ayyi wi mizzatenti tsüdila hi Jerusalem nyithu ghena pala kemehai kuli kechi nu ben kayi keya sengho anyunutiwa kecü cüki za keya wi messi nu kinün waben.”

JEREMIYA 5:2

Nthu na Apvüwa kinyile khiten lela, nthu na mangwa khi khe tsüti sa nten.

JEREMIYA 7:5

“Nthu kahang yen nu nthu kekulithu kemililo. Nthu khokho tuwi kemeshonwa saya.

JEREMIYA 9:24

Keujüla anyi pahan na kapvü mvu lethu, ma hi chü nu mesheshikeya ghena nkapvüthu yishü, kepaghenanye hi ghaliki kesa ben, nu atsentsa kemeshon tsü saden. Ha kesathu hi nenden, Hi Apvüwa, hi khidha.

HOSEYA 2:19

Israel, hi no pi iwubvü saaden; Hi ajühtsentsa nu leben tsentsa saaden; Hi ghaliki keten nu nanketizen pi no ccüca nu no pi anuphan iji saaden.

JOEL 2:12

Apvüwa na khiben, “Isala khili lela atsentsa wi leben khapegheya nu zi, qai, nu anongü sennu hi wi kheneng gholo.

ZEKHARIYA 8:8

nu niduwa nu nishuwa na mathu ssi neng ghola Jerusalem wi hangben. Mathu na inyithu sa, nu hi mathu Nyiza sa, ketsatan nu jühtsentsa sennu mathu miwi kekhang senden.

MALAKHI 1:11

Ayyi ccügwen kesü na wa pahanwa kecu wi anyithu na hi kinyi ben. Apen tsüdi wi mathu na hankedemvu mecang pi hi kinyi nu keya qo ahhanshathu khuchi ben. Mathu tsüdila hi kinyikü ben le!

1 KORINTHNYI 1:31

Tsalina Ntsawajüh na kekhi ti, “Anyi thowa na kapvüten khe Apvüwa ghena kapvü thsülo.”

2 KORINTHNYI 10:17

Isala Ntsawajüh na kekhi ti, “Anyi thowa na kapvü mvuten khe Apvüwa kuli kechi cüki ghena kapvü thsülo.”

GALATIANYI 3:8

Ntsawajüh wi Anyiza na Judah nyi nkenyethu kenondi ghena pi ma tu wi meshonya ben kesa khitheng. Tsalina Jühtheü Kemehaiwa na Abraham wi kiza, “No wina Anyiza na sawegü pi anyi tsüdila cüben.”

AYENZHÜNENG 10:20

Apvüwa nthu Nyiza tsü kinyikü nu ma ketan kinyilo. Ma wi jühtsentsa sa nu ma nyan wi ketan nthu na kekhishithu salo.

AYENZHÜNENG 4:30

Pala hathu ha tsüdi nthu miwi gho nu nthu na agükeccü wi keben witsü nthu na asakhenwa Apvüwa wi wa nu ma jühkina ben.

AYENZHÜNENG 6:13

Apvüwa nthu Nyiza kinyikü, ma ketan kinyi nu ma nyan wina ketan nthu jühkhishi tenlo.

FILIPPINYI 3:3

Atsentsa ahyukahan saya kesathu tsüna ikhang khe mathu nye, kepaghenanye ikhang na Anyiza Ghamu wina ma kinyi nu ikhang Khrista wi kahang ghena anonghe den. Ikhang na kenondi pi asajjü kekuli miwi chi nten.

RUTH 3:13

Shita hewi ben lalo, ishinyi ghanen wi wala ma no nonccaya benla nye khe chüya na. Tsüti sayaben lethu, mehaidha; isani tsüti saya nben lethu, hi hang kebenwa Anyiza nyan wina kishenben, hi no nonccaya ben. Tsalina ghanen wi kecu hewi jen ben lalo.”

1 SAMUEL 20:3

Isala David na luneng, “No khatila hi nen khe nba na mehaitsü chüben, nu ma mangwa sale kiden pen khe no ya chü thsü ntenle kesa centheng, kepaghenanye tsüna no patena ntsa saben. Hi shükesa na acükha kesütan sadhale kesa hi hang kebenwa Apvüwa wina ntuwi kishenben!”