JEREMIYA 32:5 - Kemethajüh (N) (Re-editing) Bible (BSI)

⁵ Zedekiya ssinu Babilon wi wa ben, nu hi ma wi npi kekuli chu ma ciwi benla ben. Ma Babilon nyithu ssikesali lela haicenya nben. Hi Apvüwa, hi khidha.”

JEREMIYA 32:5 Iomraidhean Croise

2 KHENICÜKI 13:12

Anyiza na ma ketanla ithu kessiwa nu ma keqhaikedithu na hewi tutuwa sen nu khou chile ithu cipi aghi wi nthu ssisa thsüle kidenben. Israel nyithu, Apvüwa nthu bamyithu Nyizawa tsü ssikaghashenle nsa lalo! Nthu na khangya nbenle!”

2 KHENICÜKI 24:20

Tsaseng wi Anyiza ghamu na keqhaikediwa Jehoiada tsa Zekhariya miwi gho. Ma wa anyithu na ma kemu pen wi ngan nu maghala khi, “Apvüwa Anyiza na nthu mangkesa na ma yenkhukechithu tsü n-niela nu nthu ketanla ketizenkesa sengho nthu miwi chiya ben nu keüben! Nthu na ma teshi kesalina ma la nthu teshidha le!”

KEMETSAJÜH 21:30

Anyi kemetsa, chüshikeya, nu palakechü -— tsüna no kiqa meya keujüla Anyiza na no matang ben lethu.

JEREMIYA 2:37

Nthu na jüghela nkhwenca sen nu Ejipt wina kheneng bvüaden . Hi Apvüwa, hi nthu na nondi ketenthu tsü teshidha; nthu na tsüthu wi mangla kekiyi muya nben.”

JEREMIYA 27:22

Tsüthu tsü sen nu Babylonia wi wa ben, nu hi tsüthu cüki npi meshen neng kechi chu tsüna ciwi benlaben. Tsaseng wi hi tsüthu tsü sengho nu pi apen hawa wi chi neng cüaben. Hi Apvüwa, hi khidha.”

JEREMIYA 32:24

“Babilon nyithu na anyunutiwa tsü yasale kesalina ayyi pi aghikehiepenthu zhüki pi tsü vüyadha, nu mathu na kaghashenben. Aghikesa, kekhhwenthi, nu kesakinaa ghei ghena anyunutiwa pi mathu kwen wi du thsüaden . Nthu na khi kegho jüh tsüdi sadhale kesa nthu na muya mehai.

JEREMIYA 32:6

Apvüwa na hi kekiza,

JEREMIYA 33:5

Pahan na Babilon nyithu ssikaghashen, nu mathu na hi ilebenketsu nu keminu wina kihhesha cü keten kamangthu tsüpi ajjenthu pongti saaben. Hi anyunuti hawa nyithu na nkemehai sakeathu tsü ghena hi tsü teshidha.

JEREMIYA 37:10

Keujüla nthu na Babylonia süpahizi maben chaya nu mesa-mena keyathu ketan teshi pi mathu nithsüjjen wi chi lela anyi tsüthu na shagha nu anyunutiwa ha mechang shaben.”

JEREMIYA 39:4

Kadimi Zedekiya nu ma süpahizi tsüdila mangwa saben khe mukeya wi mathu na aghaja wi anyunutiwa tsü teshiale kiden. Mathu na kadi sanku teshi nu ajjen-keshon keni zanghu ketheng khweti-jenka wi wa nu Jordan Yyiketijü kepeghe wiwa bvüya.

JEREMIYA 39:5

Isala Babilon süpahizi na mathu jügü sen wa Jerikho deshentijü kete wi Zedekiya ghanya. Nu mathu na ma ssinu Kadimi Nebukhadnezzar na Hamath yyi wi Ribla nyunuti wi keben wi wa, nu Nebukhadnezzar na ma miwi ajühkaghaten.

JEREMIYA 39:7

Tsaseng wi ma Zedekiya nyon kuhoshia nu ssinu Babilon wi wale kesa ghena amighe ssüli pi huya.

NONKEGÜ 1:14

“Ma hi kesami tsüdila chüya, nu tsüthu tsüdi bhenghudha; Ma tsüthu pi isun wi hugi cü, nu hi tsü kekiyan pvü nu nchala. Apvüwa na hi pi nankemeghüthu cü, nu hi mathu matangkeya nmila.

EZEKIEL 12:12

Mathu miwi kekhang sen keben kaditsawa na ma khhi pi ma depfü wi chipi nu atsankejang wi mathu na ma ghena ajjen-keshon wi aku pabhi ketheng wi tsüna shagha bvüaden . Ma ma nyon qhanbhonya nu khiewa waten khe mu nben.

EZEKIEL 12:13

Isala hi kaghanthsü zanshigü pi ma ghong yaden. Tsaseng wi hi ma ssi Babilon nyunutiwa wi wa nu ciwi ma apen tsü nmula shüaben.

EZEKIEL 17:15

Isala Judah Kadimiwa na hhaghe nu ketsikinathu kesun pi Ejipt wi goru nu süpahithu khie wa thsü. Ma haicenya ben kwe? Ma tsü sennu bvüya mehai kwe? Ma keponghu tsü bheghe nu kemeten mu meyala bvüya nbenle!

SHICÜSI 14:41

Isala Mosa na khi, “Isalethu nthu mangkesa na Apvüwa jüh nkina mvula saten nu? Nthu na mehaiya nben!