JEREMIYA 3:3 - Kemethajüh (N) (Re-editing) Bible (BSI)

³ Tsalina atsankegho kheneng pi nu pathsü tsan la ngho ladha. No ghang pi keqheza menkedsa nyi ti sadha; isala no jüghe nben.

JEREMIYA 3:3 Iomraidhean Croise

ADECHHÜ 19:34

Dhitsüwa wi anga keqhaiwa na ma pvünonwa wi kiza, “Hi khija iba ssijendha; shita la ma ya adinaya thsü nu no wa ma ssijenlo. Isanu ishinyi qho ishinyi ba wina ashicü muya na.”

NEHEMIYA 9:17

Mathu na tsü n-niela hhaghe; no kulikechi tsüdi malia; mathu na no amankesa kulikechi tsüdi malia; Mathu wikesa wina mathu ccülikesa kesü kessiya, nu mathu ssi neng sen Ejipt wi nssümagha kesa wi wa thsüle kesalina, Isala no kesami teshi pi cü ketenwa Nyiza; no nanketizen nu kaghaliwa, wan aghepvü nten. No nanketizen na di mtsü; no mathu teshi nsa.

KEMETSAJÜH 21:29

Ketsatan nyithu na mathu ketanla mathu chütiben; gheshighenathu na mathu saya kemehai chu nkenye ghe saden.

ISAYA 5:6

Hi kepaghathu ya tsü shigübhon thsüaden . Hi tsü sametha nyelela tsü chhü ntendha, tsüti kesawa nyela ataqae nu aghazüthu ya tsü kejibhon thsüaden . Hi akulu lela atsangho pi tsü miwi nchi thsüla ben.”

JEREMIYA 14:1

Apvüwa na kemegi cüki pi hi kiza,

JEREMIYA 14:22

Mizzatenti tsikezhüthu kesüla atsankegho kesunchiya nben, akulu na ma ketanla atsangho dugho thsüya nben; Ithu na ithu kahang pi nmiwi chiben, O Apvüwa, ithu Nyiza, kepaghenanye no pala hathu ha sachi ketenwa tsü le.

JEREMIYA 14:3

Kebanthu na mathu maghathu kesun pi atssü bha; mathu na atssükhang wi wa, isala atssü mu meya; mathu lakhü kaghacang pvü nu gho neng . Accükwenshü chükivvü, nu mathu mmi pi kuthiben.

JEREMIYA 14:4

Ciwi atsan nghola kesalina ayyi na keqha, allikecathu na leben güccü, nu mathu mmi pi kuthiben.

JEREMIYA 36:2

“Kezhüllu kesü khuya nu Judah nu Israel, nu mizzatentithu tsüdi cüki pi no kekiza tsüdi pi tsü miwi zhüya. Josiya na kadimi sa keben wina gho khili kecu hi no ccüneng kegho tsüdi zhüya.

JEREMIYA 5:24

Hi leghe nu mapeghe tsangho chicü nu amapi kaghapengla allikewwi tsü khuchi cüten lela, nthu na khiela hi kinyiküle meshen chi nten.

JEREMIYA 5:25

Tsüti kesawa nye, nthu kesami na pala kemehai hathu wina nthu ghüdhiben.

JEREMIYA 5:3

Ntsakhiwa Apvüwa na jühtsentsa kesen tsü ghangden. Ma nthu kihhe cü, isala nthu tsü nkhichi; ma nthu pacha cü, isala nthu chü meya mvula. Nthu na leben-dhu nu nthu kesami wina kheneng meya mvula.

JEREMIYA 6:15

Mathu na nankiqanan kekuli hathu kesa wi jüghe ten kwe? Nyele, mathu na njüghetha; mathu na kejüghe yen la nchü. Tsalina hi mathu meten kecü wi mathu la nyu kekhuli ti khuliaben; nu tsüna mathu ghena asakhen saaben. Hi Apvüwa, hi khidha.”

JEREMIYA 8:12

Inyithu, nthu na nankiqanan kekuli hathu sakea ghena njüghe kwe? Nyele, nthu na njüghetha; nu nthu na kejüghe yen la nchüle! Tsalina hi nthu meten kecü wi nthu na nyu kekhuli ti nthu la khuliaben, nu tsüna nthu ghena asakhen saaben. Hi Apvüwa Kekhang ntsawa, hi khidha.”

JEREMIYA 9:12

Hi keü, “Mangkesa ayyiwa yisha nu qha pi ayyikeshü kesü ti sa nu thola ciwi nwa ladha nu? Thowa na metsa nu ha meshenshiya mehai nu? No thowa ya hapi kepa wi kiza thsüle khimetha chi nu?”

EZEKIEL 3:7

Isala Israel nyithu kesütanla kina mvu nben; mathu na ijüh lela kina nben. Mathu tsüdila leben-dhu nu njüh matangden.

LEVIYEN 26:19

Hi nthu lebenkedhu kekapvüwa tsü yasa cüben; ciwi atsan na nghola nu nthu yyi na keqha pi amighe kekhang ti saaben.

AMOS 4:7

Nthu lli na atsankegho nsenthu yishü ntsa keben wi hi tsü khunengya. Hi atsankegho kesun pi anyunuti kesü miwi chi, isala kepawa miwi tsü nchi. Atsan na alli kesü miwi gho thsü, isala kepawa na keqha thsüa.

AMOS 4:8

Dighe pi nzüla, anyunuti keni-kecheng wi anyithu na atssü muya benshe sala anyunuti kesü wi wa, isala ciwi kejjü qo nmi. Ciwi lela nthu na hi wi kheneng ngho.

ZEFANIYA 2:1

Nkemejüghe mizzatentiwa;

ZEFANIYA 3:5

Isala Apvüwa na khili kecu anyunutiwa witsü ben; ma khiela nsazzila kemeshonwa tsü saden. Ghanen kaghapengla kemeshonwa sengho ma nyithu nkecü sa nten. Isala nketsatan nyithu na ciwi la kesazziwa tsü saki nu jüghe nten.

HAGGAI 1:11

Hi kemegi sengho ayyi miwi — yyishiphon thu, allithu, kemeshentsse llithu, oliv jathu — yangdsaketen tsüdi, anyi nu asahangthu, nu nthu kekuli tsüdi miwi chidha.”

AYENZHÜNENG 28:23

Atsangho thsü nben, nu nthu yyi na khang pi amighe ti saben.

IBRINYI 12:25

Tsalina kiden-keshaya, nu khi kebenwa jüh tsü nkina mvu nsala. Ayyi wi Anyiza ketsijüh kekhiwa jüh tsü nkina mvula kesathu na bvü meyala. Isalethu, keujüla ithu na tang wina khi kebenwa jüh tsü nkina mvula lethu, khati nu bvüya ben nu!