JEREMIYA 3:2 - Kemethajüh (N) (Re-editing) Bible (BSI)

² Yyishiphon shonithu wi ghangchilo. Ciwi no keqheza menkedsa kekuli nkesa pen khiewi ben nu? No Arab nyi kesü na ayyikeshü wi nyu pale hie keben ti alen katen wi no kenenthu hie ben den. No keqheza menkedsa kekuli sapi ayyiwa nakhidha.

JEREMIYA 3:2 Iomraidhean Croise

ADECHHÜ 38:14

Tsalina Tamar na ma denyile thsümeni mphi keten tsü kemili, nu alikeshanthsü kesü pi ma mmi shanbhonya nu wa Timnah wi kewalen anyuti kesü Enaim kedulen wi donki wa. Judah tsa pvükhenwa Shela na pvüza wadha kesa ma chüben, isala ma pi Shela wubvü npi sa thsü.

1 KADIMITHU 11:3

Solomon na ma wubvü kadingathu meza tagü yaya, nu meshibvüthu la meza kecheng na ben. Mathu na ma sapi Anyiza wina khapeghe bvü thsüa,

2 KADIMITHU 23:13

Josiya na Jerusalem na nishuwa, Oliv Yikha na acülawa wi Kadimi Solomon na nankiqanan atsikezhüthu Sidon cenpvü nzawa Astart, Moab cenpvü Khemosh, nu Ammon cenpvü Molek kekinyi ghena kekinyipenthu sa ketheng tsü sapi anyan kekinyen sa thsüa.

ZAKECI 106:38

Mathu na kesazzi chü nketen ghanyithu pathi, nu tsüthu kepathi ghena ayyiwa tsü nakhia.

KEMETSAJÜH 23:28

Mathu na teng kedsathu ti no hie nu anyi kejon sapila ntsatan thsüladen.

KEMETSAJÜH 7:11

Ma keshüthangla aleben-jjan nu kejüghe nmila alentonti wi,

JEREMIYA 12:12

Ayyikeshü kemisi tsüdi wi anyithu na yasa ghodha. Hi ayyi tsüdi yasalo aghi kesunchia; thola yazishu hangya nbendha.

JEREMIYA 2:20

Kemisintsa Apvüwa na khiben, “Israel, no matsü kesie wakea wi no hi kekhang meya mvula; no ijüh nkina nu hi nkinyi mvula. Yyishiphon kemisi tsüdi miwi nu achanton kemejjü tsüdi cakhu wi keqheza cenpvüthu kinyi wa.

JEREMIYA 2:23

No khatinu no ketanla no n-nakhile, no khiela Baal nkinyile khiya mehai nu? No ayyiketijü wi khati sami, nu no mangwa sadha khe ghangchilo. No sunsiesa ghala na jigü mvu nu bvü kegoe keten ti sa,

JEREMIYA 2:7

Hi mathu ssigho ayyi kemehai wi chi, mathu ya asu kemehaithu nu kemehai kepa wila sen nu anongheya thsüle kesalina. Isa nan mathu na iyyi yasadha; hi diyyi pi mathu kecü tsü nakhidha.

JEREMIYA 3:1

Apvüwa na khiben, “Keujüla npvüza kesü na ma wubvü yisha, nu tsüwa na ma wuba teshi theng nu npvüza kepa wi wubvü sa wa lethu, ma nzawa tsü ssineng keya jüh nmi. Hati kesa wina ayyiwa tsü nakhi waben . Isala Israel, no no kenen nyi kejon saghodha, nu khili hi wi ghoneng le saben man!

JEREMIYA 3:13

No sazzi nu hhaghe pi Apvüwa n-Nyiza shundhale kesa ketan chüyalo. Achanton kemejjü tsüdi cakhu wi no kenen pi asang cenpvüthu cüdha nu no iyenkhukechithu nkinala le kesa khishilo. Hi Apvüwa, hi khidha.

JEREMIYA 3:21

Yyishiphon miwi kemagha hhai kesü zaben; tsüna Israel nyithu na qai nu nanketizen khie, kepaghenanye mathu na kesami wi hang gho, nu Apvüwa mathu Nyizawa malia.

JEREMIYA 3:9

nu njüghetha sa. Ma ayyiwa nakhia, nu ma alon nu achantonthu kekinyi wina keqheza kekuli sa.

JEREMIYA 7:29

Anongülo, Jerusalem nyithu; nthu lissen ca pi khalalo. yyishiphon shoni wi keshü khwi salo, kepaghenanye hi Apvüwa, hi aghepvü nu inyithu meya mvuladha.

EZEKIEL 16:16

No nthsümeni pahan pi no kekinyipenthu keji sa, nu keqheza menkedsa kesü ti ngwo pi anyi tsüdila cüa.

EZEKIEL 20:28

Hi mathu ssi shhugho hi ayyi pi mathu cüle khishi ketheng wi tsü chi cü. Mathu na ayyishiphon kemisi nu achanton kemejjüthu kemu wi mathu na tsüthu cakhu wi ahhansha sa. Mathu na ahhansha kesathu kemecang wi nu kisengtssü sengho kekinyi wina hi ya ilebenminu thsüa.

Luk Zhükechi Jühtheü Kemehaiwa 16:23

ma keshü yyi (Hades) wi ben nu ketizen sa ntsa nu ghangchi nan kelensie wi Lazar na Abraham kete wi keben muya.

AYENZHÜNENG 12:2

Nthu na wala ayyi nkaya keten witsü anyithu na ayikha kemisi, yyishiphon, nu achanton cakhu wi mathu cenpvü kekinyipen tsü tsüdila yasalo.