JEREMIYA 26:3 - Kemethajüh (N) (Re-editing) Bible (BSI)

³ Anyithu na tsü zaya nu mathu kekuli nkemehai teshiyala nchü na. Mathu na tsüti saya lethu hi mathu kekuli nkemehai tsüdi ghena kededi pi cüle kiden keben tsü wina hi kemeshen kemili yaden.”

JEREMIYA 26:3 Iomraidhean Croise

1 KADIMITHU 21:27

Elijah na ajüh kekhi cen seng wi Ahab na ma thsümeni mezüqhe, tsüthu khushia, nu aleshithsü pvüya. Ma kedsakejjü nsen mvula aleshithsü mphi nu jen, nu ammijangthi nu ahathanathi la kegoe.

1 KADIMITHU 21:29

“No Ahab na khatila ituwi ma ketanla ma satemeni khe muyadha ma? Ma hati kesa ghena ma kahang tsüwi hi kededi sengho ma miwi chi nben, tsüna ma tsawa kahang tsüwi hi kededi sengho Ahab theghi miwi chiben.”

JEREMIYA 26:13

Nthu na sen nu hang keten yenthu tsü teshi nu kuli kebenthu tsü teshi nsathu yishü, nu nthu Pvüwa Anyiza jüh nkinathu yishü. Keujüla nthu na tsüti saya lethu ma keyasa sengho nthu cüle khi ketheng wina ma kemeshen kemiliaben.

JEREMIYA 26:19

Kadimi Hezekiya nu Judah nyithu na Mika pi nshü thsü. Tsüti kesawa nye Hezekiya na Apvüwa kinyikü nu ma kenenwa saya le sa. Tsalina Apvüwa na kededi sengho mathu miwi chile khi ketheng tsü ma kemeshen kemilia. Khili ithu na ithu ketanla qhethiketen sengho ithu miwi chiya zzidha.’

JEREMIYA 36:3

Judah nyithu na hi sen nu mathu miwi ghole keben kededithu cüki tsüdi zaya nu mathu kekuli nkemehai wina kheneng sen nu hi wi gho nashe, isathu hi mathu gheshighena kekuli nu kesamithu teshi cüaden .”

JEREMIYA 36:7

Mathu na Apvüwa wi khie nu mathu kekuli nkemehai wina kheneng ghoyala mehai le, kepaghenanye Apvüwa na ma leben ketsu nu keminu pi anyi hathu pateqhe theng.”

EZEKIEL 12:3

“Tsalina keshü nyiwa, kushinyi kesü ti ntsanqai bhenya, nu aghaja tsü npi kegho wi alentsen chilo. Nu anyi tsüdila no apen kepa wi bvü tendha le kesa muya thsülo. Kahhaghe nyi tsüthu na no chüshiya mehaile.

EZEKIEL 18:21

Keujüla anyi nkemehai kesü na kesami nsala nu iyenthu nie wa, nu kemeshon nu kemehai kuli wa lethu, ma shü nben, isala hangya metsi ben.

HOSEYA 11:9

Hi ileben ketsu wi no meten nben; hi Israel yasa neng ntendha. Kepaghenanye hi Anyiza khe anyi nye. Hi Kemethawa, hi no ssiden. Hi ileben ketsu sennu no wi gho nben.

JOEL 2:14

Apvüwa nthu Nyiza na ma kemeshen kemili, nu asu kejon sawegü pi nthu cüla mechü. Isathu nthu na asu nu kisengtssü pi ma kinyiya mehai.

JONA 4:2

Tsalina ma kekhie sa, “Apvüwa, hi ajjen npi keteshi wina no hati saaben le kesa nkhi kwe? Tsalina hi apiketsü sa nu Spain wi bvü wale sa! No kaghali nu nanketizen Nyiza, keshüthangla lebensie, ccatssü, nu keshüthangla no kemeshen kemili nu nyu meten ncü laten kesa hi chüben.