JEREMIYA 26:2 - Kemethajüh (N) (Re-editing) Bible (BSI)

² Apvüwa na hi wi khi, “Kekinyijjen ccühha wi ngan nu hi pi no kecü tsüdila pi anyi Judah nyunutithu wina kinyile keghothu wi thangchilo. Mangla nteshi lalo.

JEREMIYA 26:2 Iomraidhean Croise

JEREMIYA 1:17

Jeremiya, kidenya nu wa hi no khilo kekizathu tsüdi pi mathu kizalo. No khili mathu nmessila, isalethu no mathu jawi benkeya sengwi hi no sapi messi kayi thsüden.

JEREMIYA 1:7

Isala Apvüwa na hi wi khi, “No ghanyi mtsü benle nkhila, isala hi no kesun pi chi keben nyithu wi wa nu hi no ya khilo kekiza tsüdila pi mathu wi kizalo.

JEREMIYA 19:14

Tsaseng wi Apvüwa na hi kesun pi ma ketsijüh pi thangchilo kesa pen tsü teshia. Hi ciwi Kekinyijjen ccühha wi du ngan nu anyithu tsüdi kizala,

JEREMIYA 23:28

Atusenjüh-kechü thowa na aman man khe tsüna aman wile nkhithu yishü, isala thowa na hi ketsijüh zaya khe atsentsa tsüpi nkhithu yishü. Amatsi pi awhengsu kaghapeli chithu ma kemehai mangwa ben nu?

JEREMIYA 25:2

Hi Judah nu Jerusalem nyithu tsüdi wi khi,

JEREMIYA 28:5

Tsaseng wi keqhaikedithu nu Kekinyijjen wi ngan keben anyithu tsüdi keben wina hi Hananiya wi khi,

JEREMIYA 36:10

Tsaseng wi anyithu tsüdila kina keben wi Baruk na kezhüllu wi hi khi kechi tsüdila sichi. Ma Kekinyijjen wi Shafan tsawa Gemariya ajühkekaghaten wi kezhüwa jjenkeshondhi wina ha si. Ma jjenkeshondhi na ajüh kekaghatenpen tangwa wi Kekinyijjen khweti-jenka Ketheüwa kete witsü.

JEREMIYA 42:4

Hi luneng, “Isathu mantsadha. Nthu na kekhi ti hi Apvüwa ithu Nyiza wi khie na, nu ma mangwa khi khe hi pi nthu kiza na. Hi mangla pi nthu kuthi nben.”

JEREMIYA 7:27

“Tsalina Jeremiya, no ajüh hathu tsüdi pi inyithu kizaben, isala mathu na njüh kinachi nben; no mathu ciben, isala mathu no nusha nben.

EZEKIEL 3:10

Anyiza na khineng, “Keshü nyiwa, tetsaki gho nu hi pi no kiza keben tsüdi meshen yalo.

EZEKIEL 33:7

Tsalina keshü nyiwa, hi Israel mizzatentiwa ghena no pi aghikehie kesü sa thsüben. No hi pi no kecü kekitsanthu tsüpi mathu nkizathu yishü.

EZEKIEL 40:4

Ma hi wi khi, Ghangchilo, Keshü nyiwa: Hi pi no ccüca keben ha kiden-kesha nu kina nu mehaitsü ghangyalo, kepaghenanye ha ghena no ssinu hewi ghoben. No no kemu tsüdi pi Israel nyithu kizaaben.”

MATHI 28:20

nu hi pi nthu kekiza tsüdi pi mathu sansi nu nieya thsülo. Hi keshüthangla wa kahang sakhen kecu wi lela nthu ssi benden.”

Luk Zhükechi Jühtheü Kemehaiwa 19:47

Jisu na atsathangla Kekinyijjen wi nyu sansi. Keqhaikedi ntsathu, Ayenkesansithu, nu anyi ccülikesathu na ma pathi mvu sa,

JOHAN 18:20

Jisu na luneng, “Hi keshüthangla anyithu jawi tsüdi sansiden; nu anyithu na gho Sinagogthu nu Kekinyijjen wi saghuya lethu, hi mathu sansile. Hi khiela kekuthi wina mathu wi mangla nkhi.

JOHAN 8:2

Ma ghanenwa wi mitu na Kekinyijjen wi gho neng. Anyi tsüdila ma vüla donkiya nu ma shagha mathu sansi shhu.

KEKULI 20:20

Hi nthu ghena kemehaiwa tsü mangla nkekhenengla pi anyithu jawi nu ajjen wi la nthu sansi.

KEKULI 20:27

Kepaghenanye hi mangla nkekhenengla Anyiza kemeshen tsüdi pi nthu kiza chidha.

KEKULI 5:25

Tsaseng wi anyi kesü ghola mathu wi kiza, “Kinalo! Nthu anyi pi atssüzü sa thsü kesathu tsüna wala Kekinyijjen wi nyu sansi bendha le!”

KEKULI 5:42

Mathu atsathang wila nhandhila Kekinyijjen wi nu nyu jjen wi Jisu, Messiya cüki Jühtheü Kemehaiwa tsü pi nyu sansi.

AYENZHÜNENG 12:32

Hi nthu kekiza tsüdila salo; ciwi gilli nyelela nkecen mangla nsala.

AYENZHÜNENG 12:5

Nthu mizza tsüdi yyiwi Apvüwa na apen kesü kessi pi anyithu ma tuwi gho ma kinyi thsüben.

AYENZHÜNENG 4:2

Hi ahza pi nthu kecü tsü miwi mangla pi nwwala, nu mangla senbvü nsala. Apvüwa nthu Nyiza na ahza khukechi hi pi nthu kecüthu tsü nie yalo.

JOSHUA 8:35

Israel nyithu, nza nu ghanyithu, nu asang mathu jawi hang kebenthu maben saghu keben tuwi Joshua na Mosa yenkhukechithu tsüdila sichia.

CCÜCAKECHI 22:19

Nu keujüla anyi kesüla lesüshen ha wi atusenjüh-kekhi jühthu sen bvü lethu, lesüshen ha wi zhü ketheng Kemetha Nyunutiwa nu kahang chan bi wi tsü Anyiza na ma sheiwa tsü khusen bvüaben.