JEREMIYA 22:3 - Kemethajüh (N) (Re-editing) Bible (BSI)

³ “Hi Apvüwa, hi nthu na atsentsa nu kemeshonwa salo nthu kiza. Nyu mechu ketenwa kwen wina nyu ma mechu kebenwa khweya. Asangthu, magha-maghangthu, nu denyi-demathu nkhichi nsala, nu kemetha pen hawi kesami nkemithu npathila.

JEREMIYA 22:3 Iomraidhean Croise

2 SAMUEL 23:3

Israel Nyizawa na khidha; Israel kekhwewa na hi wi khi: “Kadimiwa na atsentsa sen nu kadisa, ma Anyiza kemessikü wina kekhangsen,

2 KADIMITHU 24:4

nu tsüdi miwi ma anyi kesami nkemithu tsüdi pathi kesa ghena. Apvüwa na tsüghena kesami teshi pi Manasseh cü meyala.

Job Lesüshen 22:9

No denyilethu nkiqala kesa ketan nye, isala magha-maghangthu nkenen sa nu mathu ji la khuyale sa.

Job Lesüshen 24:9

Anyi nkemehaithu na aba nkemi tsangathu pi nssümaghathu sa den nu ketha-uwa tsangathu pi mathu men kedhi sala ssiya den.

ZAKECI 68:5

Anyiza, kemetha kekinyijjen wi hangketenwa tsüna, magha-maghang nu denyilethu noncca nu khweden.

ZAKECI 82:4

Nkemehai nyi kekhang wina mathu hangshaya.

ZAKECI 94:21

anyi kemehaithu kematang cho kiden, nu ma kesazzi nkemithu meshensa pi shü thsü ketenthu tsü.

ZAKECI 94:6

Mathu na denyilethu, nu magha-maghangthu tsü pathi, nu kijünyi ithu yyi wi kahangthu tsü la pathiden.

BVÜKESHHU 22:21

“Asang tsü metenmesha nyelela pasha nsala, kepaghenanye nthu la Ejipt wi asang sale.

BVÜKESHHU 22:22

Denyile nyelela magha-maghang metenmesha nsala.

KEMETSAJÜH 23:10

Khiela aggü kemechan kaghawen tsü npaphighela nyelela magha-maghangthu lli tsü nkaya nsala.

ISAYA 1:23

Nccülikesathu na nyu kematang nu kaghanfü pvüshangthu; mathu na keshüthangla aju nu alaa yaben den. Mathu na ajühkaghatenpen wi magha-maghangthu sheipi nten, nyelela denyi-demathu na mathu kaghatenjüh sengho chi lela kina cü nten.

ISAYA 58:6

“Hi yamvu kebenwa kezi tsüna hale: Kepasha mighe ssüli nu jühtsentsa nkesen sun keqhanthu tsü khu pi nu nyu ma pasha ketenthu ya kekhen nmila bvü thsüa.

ISAYA 58:7

Nthu kedsakejjü pi kaghamathu gishü dsa nu nthu jjen sha pi ajjen nkemi ketha-uthu cülo. Athsümeni pi kimessü ketenthu mphi thsü, nu nthu shilithu nkiqala nsala.

JEREMIYA 19:4

Hi ha sale ben, kepaghenanye anyithu na hi yisha nu ahhanshathu sapi acenpvü kepathu kinyi nu apen hawa nakhidha— acenpvü tsüthu tsüna mathu nu mathu bamyithu nyelela Judah kadimithu na tsü cüki nchütha kesathu. Mathu na kesami nkemithu jjü pi apen hawa ha pongdha,

JEREMIYA 22:17

Isala no tsü npvü-kemene kenmvu ketan muden; no kesami nkemi nyi pathi, nu yasayala wi n-nyithu pasha. Apvüwa na khidha.

JEREMIYA 26:16

Tsaseng wi accülikesathu nu anyithu na keqhaikedithu nu atusenjüh-kechüthu wi khi, “Anyi hawa na Apvüwa ithu Nyiza nyan wina ithu wi ajühkhi, ma pi shü thsü yishü le.”

JEREMIYA 5:28

nu mehaitsü ghanja pi kunon yadha. Ciwi mathu kekuli nkemehai na asakhen nmi. Mathu na magha-maghangthu kemeshon nyelela atsentsa pi nyu mathu pasha ketenthu cü nten.

JEREMIYA 7:23

Isala hi mathu Nyiza sa nu mathu ya inyi sa thsüle kesa ghena mathu ya ijüh kinalo kiza. Hi mathu kizala hi ayenkhukechithu tsü nie nu hanglo isathu pala tsüdi wi mathu ghena mehai ben na kiza.

JEREMIYA 9:24

Keujüla anyi pahan na kapvü mvu lethu, ma hi chü nu mesheshikeya ghena nkapvüthu yishü, kepaghenanye hi ghaliki kesa ben, nu atsentsa kemeshon tsü saden. Ha kesathu hi nenden, Hi Apvüwa, hi khidha.

NONKEGÜ 3:36

Khathansha wi ajüh kekaghatenpen wi atsentsawa tsü kemili khe ma chüben.

EZEKIEL 18:12

Ma ketha-uthu mechu, nyu tengdsa, nu nyu ma ji kennathu na khiteshan pi ma kwen wi chi ketheng tsü pi thengya den. Ma Anyiza nkechüthu kekinyipenthu wi wa nankenontssü atsikezhüthu tsü kinyi,

EZEKIEL 18:7

Ma thola mechu nyelela tengdsa nten. Ma nyu ma wi pala nnathu khiteshan pi ma kwen wi chi ketheng tsü khuneng pi cüden; ma ghama ketenthu ghanja, nu athsümeni pi kemissü ketenthu cüden.

EZEKIEL 22:7

Anyunutiwa wi thola ma bajja nyuwakü nsa. No asangthu mechu nu denyilethu nu magha-maghangthu mechu dsaden.

EZEKIEL 45:9

Apvüwa Kekhangwa na khi, “Nthu na sie mtsü sami ghodha le, Israel Kekhang kesenthu! Nthu yasayala nu kepasha kekuli tsü teshilo. Mangwa na meshon nu atsentsa khe tsü salo. Nthu na khiela inyithu yyi wina mathu jügüshi neng nbendha. Hi kemisintsa Apvüwa, hapi nthu kizaben.

JOEL 3:19

‘Egipt na ayyikeshü kesü ceng ben, nu Edom na yasa ketheng sa, kepaghenanye manyi na Judah yyi ssikesali, nu manyi kesami nkemithu pathia.

LEVIYEN 19:15

“Ajühkekaghakhi wi atsentsa nu kemeshon wina khidhilo; ketha-uwa nkhichi nu kebenwa messi nsa lalo.

AMOS 5:15

Nkemehaiwa tsü nanmeghü, nu kemeshonwa tsü ghaliya, nu ajüh kekaghatenpen wi atsentsawa ya ben thsülo. Apvüwa na mizzatenti hawa nyithu khili kecu hang kebenthu nantizenchila mechü le.

AMOS 5:24

Tsüti kesawa nye, ajühtsentsa ya akuzatssü ti nu ketsatan na aghakutssü na khiela qha nketen ti lle wa thsülo.

MIKA 3:11

Anyunutiwa wi kekhang kesenthu na alaa ghena kekhangsen, keqhaikedithu na athün ghena Ayenwa tsü khimetha, nu atusenjüh-kechüthu na apisa ghena mathu ccücakechi mukeya khuchi; nu mathu tsüdila Apvüwa na mathu ssiten le nkaden. Mathu na khiben, “Apvüwa na ithu ssi keten ghena ithu miwi nkemehai mangla gho nben.”

MIKA 6:8

Nyele, Apvüwa na mangwa mehai khe pi ithu kizadha. Ma ithu wi yamvu kebenwa na ha: mangwa meshon khe tsü kesa, ghaliki kesa pi keccüca, nu satemeni nu ithu Nyiza ssinu kahang.

MALAKHI 3:5

Kemisintsa Apvüwa na khiben, “Hi nthu jawi ghola ajühkaghaten den: nu hi wan kedema sa ketenthu, keqhezathu, milikemesa cüki kekhithu, mellidsa ketenthu kutimen mechu ketenthu, denyilethu, magha-maghangthu, nu asangthu miwi mathu ghena kekiyiwa saya ketenthu, nu hi kinyikü nketenthu tsüdi shunla khishiaben .

MATHI 23:23

“Nthu nkenyeghekesathu! Ayenkesansithu nu Farisithu, nthu ghena khatila qhethiketen saten nu! Nthu na aghang wwenja hathu, ccügüshi, aghantsa, chülakhwen lela gishü tagha wi kesü pi Anyiza cüden, isala nthu na Ayenwa wi kesansijüh aghutiwa, kemeshon, nanketizen, nu atsentsa hathu teshiden. Nthu na hathu ha nu kepa wi la nteshila kesau.

AYENZHÜNENG 10:18

Ma maghamaghangthu nu denyilethu nanketizen cü metsiden; nu ma asang na ithu jawi hang ketenthu tsü tizen, nu kedsakejjü nu athsümeni pi mathu cüden.

AYENZHÜNENG 24:17

“Asangthu nu maghamaghangthu kemeshonwa tsü nkhichila nsala; amenkepvü khiteshan ghena denyilewa thsümeni khuya nsala.

AYENZHÜNENG 24:7

Anyi thowa na no Israel nyi ghan sen wa ma magha sa thsü nyelela pi nssümagha sa jeü khe ma pi shü thsüaben. Hatinu nthu jawi nkemehai ha samethaben.

AYENZHÜNENG 25:1

“Keujüla Israel nyi meshu keni ajüh kaghakhipen wi kicennali südhe wa nu kesü kesami nmi nu kepawa na sazzile khia.

AYENZHÜNENG 27:19

“ ‘Anyi thowa na asangthu, maghamaghangthu, nu denyilethu kemeshonwa tsü nkhichi ten khe ma Anyiza kishen-keshi pvüaben.’ “Anyi tsüdila ‘Amen’ khineng ben.

JAMES 1:27

Abawa Anyiza tu wi atsentsa nu kemetha keccüna tsüna ha: Magha-maghangthu nu denyi-demathu na ketizen sa keben wi mathu nantizenchi, nu ayyi nkemehaiwa wi methasi benkeya.