JEREMIYA 2:3 - Kemethajüh (N) (Re-editing) Bible (BSI)

³ Israel, no iji ketan sagho; no itsanqai kemetha sagho. Hi agükeccü nu wan kededi kesun pi no patena ketenthu tsüdi miwi chi. Hi Apvüwa, hi khidha.”

JEREMIYA 2:3 Iomraidhean Croise

BVÜKESHHU 22:29

Matsü wina nthu asu, kisengtssü, nu oliv deli pi hi kinyilo. “Nthu tsa tssütsewa tsüpi hi cülo.”

BVÜKESHHU 23:16

“Nthu na alli wwi wa keten wi Matheükedhi Kho tsü salo.” Vvüthimeyi wi nthu na alli wi asu wwi pvügho saghuya lethu Kelishu Kho tsü salo.

ISAYA 41:11

“Nthu miwi aghepvü ketenthu na nyu nchala kejüghekeya tsü chüyaben. Nthu ssikesali ketenthu na shüaben,

ISAYA 47:6

Hi inyithu miwi aghepvüyadha; hi mathu pi iji nsala kea ti sa: Hi mathu pi no kekhang kekhu wi chi, isanan no nanketizen pi mathu nccücala; keqhaithu tuwi lela jükhajügha sa.

JEREMIYA 12:14

Apvüwa na khiben, “Hi Israel jenphonthu, hi ayyi pi inyi Israel kecü tsü yasa kesathu ghena ajüh pahan nkhithu yishüben. Hi aghang kesü pfüshi kea ti gheshighena nyithu tsü mathu diyyithu wina mathu sen bvüaden, nu mathu wina hi Judah kekasha yaden.

JEREMIYA 2:4

Apvüwa jüh kinalo nthu Jakob shicü, nthu Israel mizzathu.

JEREMIYA 30:16

Isala khili tsü nyu nthu meji ketenthu tsüdila mejiaden, nu nthu ghinyithu tsüdila ghan sen nu atssüzüthu ti bvüaden . Nthu pasha ketenthu tsüdila pashaden, nu nthu ji shuya ketenthu tsüdi tsanqai shuyaden.

JEREMIYA 50:7

Mathu kemuthu tsüdi mathu ssikaghashen. Mathu ghinyithu na khiben, ‘Mathu na sami pi Apvüwa shun, tsalina ithu na kuli kesa ha nsazzi le. Mathu bamyithu na Apvüwa nondi, nu mathu lela ma wi ajühtsentsa sa keben-ule.’

JOEL 1:3

Tsü cüki pi nthu tsangathu kizalo; mathu na pi mathu tsangathu kizaben, nu tsüthu na pi tsü shiwa bvüye wi kizaben.

AMOS 6:1

Nthu ghena khatila qhethiketen saaten nu, nthu Zion wi lekete hang nu Samaria wi yazishu benle meshen ketenthu, nthu mizzatenti keti Israel hawa wi anyi kedithu, anyithu na nthu wi kekiqa bha wa ketenthu!

HABAKKUK 1:11

Tsaseng wi mathu na ameghü ti kewheng nu pfüden, anyi hathu kekhang tsüna mathu cenpvü.”

ZEKHARIYA 1:15

nu hi mizzatenti ceen nu kecca wi anonkwen kebenthu miwi lebentsu ntsa saben. Kepaghenanye hi inyithu miwi leben ketsu zan neng keben wi mizzatenti tsüthu na inyithu sapi ketizen sa kayi ntsa sa thsüa.

ZEKHARIYA 2:8

Anyi kesü le kesü lela nthu kihhethu tsüna ituwi ma men keben ntsawa kihhe ben.” Tsalina Kemisintsa Apvüwa na ma nyithu yasa kesa mizzatentithu ghena ketsijüh hapi hi cü nu kesunchi:

SHICÜSI 18:12

Israel nyithu na amapi kaghapengla mukeya atuwa wi kemehai ntsawa oliv deli, kisengtssü, nu asu pi hi kecü tsü tsüdi pi nthu cüben.

ROMNYI 11:16

Keujüla amesa be atuwa tsü pi Anyiza cü lethu, amesa tsü mabenla ma ji sadha; nu keujüla achanton ma ghazan pi Anyiza cü lethu, ma cünathu la ma ji sadha.

ROMNYI 16:5

Shalom pi manyi jjen wi kemetuli keten kemehu la cüben. Shalom pi Asia yyi wi anyi Khrista nondi tegü keyawa ipvüshangwa Epaeneta cüben.

EFESANYI 1:4

Ayyi npi kesachi tu wi na Anyiza na Khrista wina ithu pi ma ji sale kessi yadha, isanu ithu ya ma tu wi metha nu nsazzi thsüle kesalina. Ma ketizen ghena

AYENZHÜNENG 14:2

Nthu na Apvüwa nthu Nyiza ji; ma ayyiwi hang keben anyithu jawi nthu kessi pi ma nyithu sayadha.

AYENZHÜNENG 26:19

Ma nthu sapi ma sakechi mizzatenti kepathu miwi diki cüden, nu nthu na ma nyan keseng, nu kinyikü sengho ben. Ma khishiketheng ti nthu na ma nyithu saben.”

AYENZHÜNENG 7:6

Nthu na Apvüwa nthu Nyiza ji ghena hati salo. Ayyiwi anyi tsüdi jawi na ma nthu kessi pi ma nyi ntsa sayadha.

JAMES 1:18

Ithu yala ma sakechithu jawi abi atuwa saya thsüle kesalina ma ketanla ma kemeshen pi atsentsawa jüh wina ithu pvüghaya thsü.

1 PITOR 2:9

Isala nthu na kessikeya mizza, kadimi keqhaikedithu, kemetha mizzatenti, Anyiza nyithu, Anyiza kekuli amankesathu tsü pi thangchilo kessiya, ma kejang wina nthu cishi pi ma kewegü, amankesa wi chiya kesawa tsü.

CCÜCAKECHI 14:4

Mathu na nzathu ssinu keqheza kesami nsa; mathu na pvünyimethathu. Mathu na Khaghanenizzawa na khiewa wa khe ma seng nieden. Mathu na ayyi wi anyithu ja wi na hangshaya nu pi atuwa sa Anyiza nu Khaghanenizzawa kinyi ketenthu.