JEREMIYA 2:2 - Kemethajüh (N) (Re-editing) Bible (BSI)

² ketsijüh hapi Jerusalem nyi tsüdi wi thangchilo. “No kepvünyi tsüwi khati leben tsentsa sa, nu ishinyi meshhu wubanyi sa wa tegü wi no khatila hi ghali khe hi tsü meshenben; no ayyikeshü nu amacü pi chi nketen pen wi lela hi nie.

JEREMIYA 2:2 Iomraidhean Croise

ZAKECI 129:1

Israel, nghinyithu na no ghanyi keben wina khatila no meten-mesha khe pi ithu kizalo.

BVÜKESHHU 14:31

Israel nyithu na Apvüwa ma kekhang wina Ejipt nyithu miwi khangya kesa mukeya wi mathu na Apvüwa messi, nu mathu na Apvüwa nu ma maghawa Mosa nondi ya.

BVÜKESHHU 16:8

Tsaseng wi Mosa na khi, “Apvüwa na minulen lethu asa nu aghanen lethu amesa pi nthu kedsa mvu chu cüben, kepaghenanye nthu na khati leben- nkaghajüh khi pi ma shun khe ma zayadha. Nthu na ishinyi shun keben tsüna Apvüwa shunben le.”

KEMETSAJÜH 1:20

Kinalo! Kemetsawa na alentonti nu asenkesapen wina no ciben,

Kesaki khwi 3:11

Zion nzathu, ghola Kadimiwa Solomon ghangchilo. Ma keshanyi, anonkeghe nu kenong tsathang wi ma jja na pi ma li miwi chi kecü kadiliwenwa tsü pvüden.

Kesaki khwi 3:6

Ayyikeshü wi annikekhu kesü ti shhugho, hankedemvu nu mirr, asenkesathu na pi jeü keten han ti kesa ha mangwa nu?

ISAYA 58:1

Apvüwa na khiben, “Saya kemehai chu misikhhali jishachilo! Inyi Israel kesami cüki pi mathu kizalo!

JEREMIYA 11:6

Tsaseng wi Apvüwa na hi wi khi, “Judah nyunutithu nu Jerusalem lentontithu wi walo. Hi ketsijüh tsüpi ciwi thangchi, nu anyithu ya hi cenkethenjüh jjügi kina nu tsüthu nieya thsülo.

JEREMIYA 19:2

nu Hinnom Yyiketijü wi Apfükegi Khweti- jenka kedulen wi walo kiza. Ciwi ma pi hi cü keten ketsijüh tsüpi khilo sa.

JEREMIYA 2:1

Apvüwa na hi kizala,

JEREMIYA 2:6

Mathu na hi nkhichi, hi Ejipt wina mathu kekasha cü lela, nu aghansha wi mathu len tsütson sen nu wa; ayyikeshü nu ayyiku kebi, keqha nu kemessi yyi, thola hang nketen, nu thola wa nketen pen wi tsü.

JEREMIYA 3:4

“Nu no khili hi wi hati khiben, ‘No iba, nu no hi ghanyi keben wina hi ghaliden.

EZEKIEL 16:22

No keqheza menkedsa kesü sala nan-kenontssü kahang tsüwi kutitanla no ghanyi wi kemessü nu no ketanla njjü wi kuweng keben tsü khiela meshenchi n-nan.”

EZEKIEL 16:60

Isala hi tsü no ghanyi keben wi no ssinu cenkethenjüh sa ketheng tsü nyuwaküden, nu hi no ssinu anuphanla benketen cenkethenjüh kesü saaden.

EZEKIEL 16:8

“Hi pvüdhi wa neng nan, no nyu ssinu kinansuliwa kesa tsü cu kebenla hi muya. Hi agwomejuwa ameiwa pi no kemessü tsü whengbhonya nu no ssinu kenenli le khishichi. Anle, hi no ssinu keshanyi jüh cenya, nu no iji saya.” Hawa ha Kemisintsa Apvüwa na khi.

EZEKIEL 23:19

Ma kaghala tsü Ejipt wi keqheza menkedsa kesü kesa tsüti keqheza menkedsa sa kayi wa.

EZEKIEL 23:3

Manyi ghanyi Ejipt wi hang keten wi manyi pvünyimetha wi hang meyala keqheza menkedsa sa wa.

EZEKIEL 23:8

Ma Ejipt wi ma pvünyimetha bhataghakea tsü wi keqheza menkedsa sa keshagha kekuli tsü nteshi. Ma kaghala tsü wi nyu ma ssimehai nu ma pi keqheza menkedsa ti sa.

HOSEYA 11:1

Apvüwa na khiben, “Israel na ghanyi kesü sa keben wi hi ma ghali, nu Ejipt wina ma cishi pi itsa saya.

HOSEYA 2:15

Hi ma kheni keben kemeshentsse lli tsüpi ma cü neng nu Kekivvü Yyiketijü tsü sapi kaghangkeben-jenka kesü sa cüaden . Ma Egipt wina keshhugho ma kepvünyi tsüwi ti ma hi luneng ben.

HOSEYA 2:17

Hi khiela ma ya Baal nyan teng thsü nbendha.

HOSEYA 2:7

Ma ma zipvüzathu jügü waden, isala mathu ghangya nben. Ma mathu bhaben, isala mathu muya nben. Tsaseng wi ma hati khiben, “Hi iwuba atuwa wi kheneng whaden — hi kheni tsü khili miwi mehai nan.”

HOSEYA 8:1

Apvüwa na khiben, “Kemessi hhai sa chilo! Aghinyithu na amumu ti iyyi wi juchi dugho tendha! Inyithu na hi mathu ssinu cenkethenjüh tsü pakhhi nu hi kesansijüh tsü shunla hhagheben.

HOSEYA 9:10

Apvüwa na khiben, “Hi hatu wi Israel muya tegü wi tsüna ayyikeshü wi kemeshentsse na shigü keben mukeya ti kesa. Hi nthu bamyithu muya tegü wi tsüna khhaghabvü nyün tegü ti kesa. Isala khathansha wi mathu na Peor Yikha wi ghoya khe mathu na Baal kinyi wa nu mathu na wan mathu nen keten cenpvüthu ti nankiqanan sa.

JONA 1:2

Ma khi, “Anyunuti ketiwa Nineve wi katsü walo, nu ajühkhi pi tsü matanglo; ma nyithu na khatila gheshighena khe hi chüben.”

MATHI 11:15

Nthu na akhuna ben lethu kina yalo!

Luk Zhükechi Jühtheü Kemehaiwa 12:13

Anyitenti jawi meshu kesü na Jisu wi khi, “Kesansiwa, icünyuwa ya iba keben pi ishinyi theng kecü tsü gishü pi hi cülo kizalo.”

AYENZHÜNENG 2:7

“Apvüwa nthu Nyiza na khatila nthu kekuli alentagha wila sawegü pi nthu cü khe tsü meshen yalo. Nthu na ayyikeshü kedi hawi keqoedeja keten wi ma nthu nonccaya. Ma amapi jügha ha chuli nthu ssi benden, nu nthu na nthu nsenthu keyishü tsüdila benya thsüa.

AYENZHÜNENG 33:3

Apvüwa na ma nyithu tizen nu ma jithu tsü khweden. Tsalina ithu na ma ccü wi kukedu, nu ma yenkhukechithu tsü nieden.

AYENZHÜNENG 8:2

Meshenyalo, Apvüwa nthu Nyiza na nthu matsü kesiela ayyikeshü wi amapi jügha keqoedeja keten chuli nthu ssigho, agükeccü kesunchi pi nthu leben pienan, isanu ma nthu na mangwa sa mvuben, nu nthu na ma yenkhukechi tsü nie tenla nye khe chüyale kesalina.

JAMES 4:4

Anyi keqhezathu! Ayyiwa ssinu apvüshang kesa tsüna Anyiza ghinyi saben le kesa tsü nthu na nchü kwe? Anyi thowa na ayyiwa ssinu apvüshang saten khe ma ketanla ma pi Anyiza ghinyi saben.

CCÜCAKECHI 2:4

Isala hi hawa ghena no shunben: no kheni hi kaghali tsü teshidha.