Apvüwa na ahhansha kesa kemecang han tsü ma nen nu ma ketanla hati khi, “Anyi kekuli ghena hi kishen-keshi pi ayyi wi nchi nengdha; anyi ma kepvüza tsü wina ma kemeshen nmehai kesa tsü hi chüben. Hi haseng witsü nansü ti ayyi wi kahangli keben tsüdi meyasa nengdha.
Metuketen makesü na anyi tsüdi miwi ghoden, nu hawa ha ayyi wi katsüha kesa wi sazzi keten tsüti le. Anyithu na hang keben chu nkemehai nu kedeja na mathu leben pong ben, nu mathu na zuli shüden.
Nthu mangkesa na kaghashen ben mvu ben nu? Nthu ha miwi la metenya mvu ben kwe? Israel, nli na ayisü ketan sadha, nleben nu no kemeshen na nkhangladha.
Nli wina cü nccü kecu ngwo wi mangla kemetson nmidha, mesa-mena, khumakhujü, yisüyaghathu na ngwo pongdha; n-mmi wi ayisüthu sa nmetha nu nqhan ladha. Adeli mangla pi n-nyen ladha.
Tsaseng wi ma hi kiza, “Anyi hathu leben papi jeng thsü, mathu khuna tecu thsü, nu mathu nyon nmu thsü lalo, isanu mathu ya nmu, za meya nyelela chüshi meya thsülaben. Mathu na kheneng hi wi gho nu mehaiyathu keyishü ghena.”
Isala mathu na nkina nu nmeshen chitha sa. Tsüti kesawa nye, mathu na mathu leben-dhu nu nkemehai na mathu kekiza ti sa, isala mehai kayi kesawa nyela nmehai pfüpfü wa.
kepaghenanye mathu leben na jengdha, mathu akhuna tecu nu mathu nyon na jangdha. nyelethu, mathu nyon na mu, mathu khuna na za, nu mathu leben na chüshiya kesa; isanu mathu na hi wi gho nu hi mathu sa pi mehai cüa kesale, Anyiza na khi.’
Kepaghenanye ma leben wi pala nkemehai kemeshenwa tsüna ma ssi wa nyu pathi, keqheza sa, pala kepa wi nkemehaithu sa, ghanfü, milimesa, nyu nanmeghü isa thsüden.
Jisu na mathu jüh tsü zaya nu luneng, “Anyi kesakinaathu khe mehai kebenthu na dawa kechüwa nsen la mehai. Hi anyi kesamithu khe ketsatanthu ciyale nghole.”
Mathu na Anyiza chüben, isala ma ji ma kekinyikü-u tsü pi ma ncüla, nyelela ma nsengla. Tsüti kesawa nye, mathu kemeshen na ma men nkemi nu mathu leben kaghacang tsüna kejang pi pongdha.