JEREMIYA 17:7 - Kemethajüh (N) (Re-editing) Bible (BSI)

⁷ ‘Isala kenondi pi imiwi chi ketenwa sawegü pi cüden.

JEREMIYA 17:7 Iomraidhean Croise

ZAKECI 125:1

Apvüwa nondi ketenthu na Zion yikha ti, khiela zankeju meya, khiela kuli meya.

ZAKECI 146:5

Jakob Nyiza pi ma kekiqawa saya, nu Apvüwa ma Nyiza wi maghaki ketenthu na kemihhi ntsa,

ZAKECI 2:12

kedheggü nu ma ccü wi kukedulo; nyelethu ma wan ma leben tsu, nu no ya shü tsüthu keyishü ghena. Ma pi atsonhi sa keyathu na kemihhi ntsa.

ZAKECI 20:8

Anyi tsüti kesathu na mathu ccü meshü nu khuliaden, isala ithu tsü shagha nu zükeqhe nganya ben.

ZAKECI 34:8

Apvüwa na khatila mehai khe no ketanla tsü bhashi yalo. ma wi ken-nie mukeyathu na kemihhi ntsa.

ZAKECI 40:4

Apvüwa nondi ketenthu na kemihhi ntsa, mathu na atsikezhüthu wi nwa nyelela milikemesa cenpvü kekinyithu ngweghe.

ZAKECI 71:5

Kadi ntsawa Apvüwa, hi kaghang pi nmiwi chiden; hi ghanyi keben tsü wina hi no nondi gho.

ZAKECI 84:12

Kekhang ntsawa Apvüwa, no nondi ketenthu na khatila anonghe nu!

KEMETSAJÜH 16:20

Mangwa pi no sansi cü khe tsü kina kaketsü saya, isathu no haicen yaden; Apvüwa nondi yalo, isathu no anonghe yaden.

ISAYA 30:18

Isalela Apvüwa na nthu nantizen chicüle hieben. Ma ketizen pi nthu miwi chileben kepaghenanye ma keshüthangla kemeshonwa tsü kuliden. Mathu kenondi pi Apvüwa miwi chi ketenthu na anonkeghe ntsawale.

ISAYA 61:3

Accükwenkeshü mithon wi anonkeghe, nu kenong pi Zion wi anongü kebenthu cü thsü, ahathakina mithon wi keseng khwi kesü pi cülo kesalina. Mathu na Apvüwa ma ketanla achanthu pi sheng ketheng tsüti saaben. Mathu tsüdila kemeshonwa saaben, nu Anyiza na sakechithu ghena nyu na ma sengben.

JEREMIYA 39:18

Hi no nonccaya nu no pi shü thsü nben. No kenondi pi imiwi kechi ghena hi no kahang heisha nu bvü yaben. Hi Apvüwa, hi khidha.”

DANIEL 3:28

Kadimiwa na khi, “Shadrak, Meshak, nu Abednego, hathu Nyiza sengle! Ma ma nyilo kesun pi ma nondi nu ma kinyi keten hathu ha kekasha cüle. Mathu na hi ahza khukechi tsü nkinala mathu Nyiza ketan khe acenpvü kepa tuwi kukedu nkinyile kesa ghena mathu kahang khuchi.

ZEFANIYA 3:12

Hi anyi satemeni nu ccatssü ketenthu pi ciwi chi nu mathu na hi wi kekiqa bha ghoben.

EFESANYI 1:12

Isathu, ithu Khrista wi kaghang keben atuwa sa keyathu Anyiza nyankethangwa tsü seng nalo!