JEREMIYA 17:4 - Kemethajüh (N) (Re-editing) Bible (BSI)

⁴ Nthu na hi pi nthu kecü yyiwa tsü teshi thsüaben, nu nthu na nthu nchütha kesa yyi wi nthu ghinyithu kekuli sa thsüaden, kepaghenanye ileben ketsu na anni ti anuphanla mecang ben den.”

JEREMIYA 17:4 Iomraidhean Croise

1 KADIMITHU 9:7

hi ayyi pi inyithu Israel cü ketheng witsü mathu khushi piaben. Israel na anyi tsüdi tuwi nankeqhewa nu nyu pangbi sa ben.

2 KADIMITHU 25:21

tsüna Hamath yyiwi. Ciwi kadimiwa na mathu kiccü nu pi shü thsüa. Tsalina Judah nyithu tsü mathu yyiwi na ssinu kushiyyi wi wa.

NEHEMIYA 9:28

Khathansha wi kecca na gho neng khe, mathu na sami neng wa, nu no kheneng mathu ghinyithu ya mathu miwi khangya thsüa. Isala khathansha wi mathu na leben khapegheya, nu no mathu hangsha yalo khie khe, no matsü tsüdi wi tang wi ben nu zaya nu no nanketizen kedi wina mathu kekashaya.

ISAYA 14:3

Apvüwa na Israel nyithu ya kinaa nu agükeccü wi, nu nyu mathu meten pi kekuli kekhang sa thsü kegho wina ccaya thsüaben.

ISAYA 30:33

Matsü kesie wa kesa wi Assiriya kadimiwa mecang le kesalina apen kiden ketheng kesü wi anni sa ntsa pi theng. Tsüna dhu nu meza ntsa, nu achan pi misikhhali nbonkitheng. Apvüwa na annikeqhe hathakessashi pi tsü mecang thsüaden .

ISAYA 5:25

Apvüwa na ma nyithu miwi alebentsu nu kemeten pi ma nyithu cüle ma kwen zankiyadha. Ayikhathu na kuliden, nu keshü kamangthu pi alentonti wi chiden, isalela Apvüwa leben kekha na ma sakhen sa nben, Tsaseng wi lela kemeten pi cü le ben.

ISAYA 50:11

Nyu pathi le acho kiden ketenthu, nthu cho ghena nthu na dedi aden. Apvüwa na ma ketanla tsü sagho thsüaben; nthu na ketizensa ntsa saaben.

ISAYA 66:24

“Mathu na shhu keten wi hi matangla keshunthu keshü kamang muben. Mathu dsa keten gheithu na khiela shü nben, nu mathu mecang keten nni la nün nben. Mathu na anyi tsüdi ghena nankiqanan saaben.”

JEREMIYA 12:7

Apvüwa na khiben, “Hi Israel yishadha; hi kessikeya mizzatentiwa teshidha. Hi hi ghali keten nyithu pi mathu ghinyithu kekhang kekhu wi chidha.

JEREMIYA 15:14

Hi mathu pi ayyi nchütha kesa pen wi mathu ghinyithu magha sa thsüaden, kepaghenanye ileben ketsu na anni ti anuphanla mecang den.”

JEREMIYA 16:13

Tsalina ayyi hawa wina nthu jügüshi pi nthu nu nthu bamyithu la nkechü yyi kesü wi chiaben . Nu ciwi nthu na ghaja ghanan acenpvü kepathu kekuli saaden, nu hi nanketizen mangla pi nthu ccüca nten.’ ”

JEREMIYA 18:23

Isala Apvüwa, mathu na acho sapi hi pathiale sa keben tsüdila no chüben. Mathu nkemehai nu mathu kesami teshi pi ncü lalo. No nlebentsu keben wina mathu miwi kuli nu pasha pi khalalo.”

JEREMIYA 2:14

“Israel na nssümagha kesü, ma nssümagha kesa wi npvügha. Isathu mangkesa na ma ghinyithu na ma jügü nu?

JEREMIYA 22:28

Hi keü, “Kadimi Jehoiakhin tsüna ayyipfü pacha pi khala nu thola meya mvula kesa tsüti sadha kwe? Tsü ghena ma nu ma tsangathu ssinu mathu na nchütha kesa yyi wi bvüdha kwe?”

JEREMIYA 5:19

Mathu na khathansha wi hi mangkesa na hathu ha sa nu keü lethu, Jeremiya, mathu wi kizala, mathu na mathu yyi wi hi wina khapeghe wa asang cenpvü kekuli sa wa kesalina mathu na mathu yyi nkenye wi kijünyi thu kekuli saaben le kizalo.”

JEREMIYA 5:29

“Isala, hi Apvüwa, hi hathu ghena kemeten pi mathu cüden; hi mizzatenti hawa miwi ajukhi yaden.

JEREMIYA 7:20

Tsalina hi Kemisintsa Apvüwa, ileben keminu nkemehai tsü meyisha pi Kekinyijjen hawa miwi chiaben . Hi tsü meyisha pi anyithu, asahangthu, nu achantonthu nu yangdsaketenthu tsüdi miwi lela chiaben . Ileben keminu tsüna thola patenenya nketen nni ti saaben.

NONKEGÜ 1:12

Ma pvüdhiwa ketenthu tsüdi wi khi, “Hi ghangchilo! Anyi thola hi kinaa ti npi sa, Apvüwa na ma lebentsu keben wi kina sengho imiwi kechi tsü.

NONKEGÜ 5:2

Ithu keben na kijünyi thu kwen wi bendha; asangthu na ithu yen wi hangben.

EZEKIEL 21:31

Hi ileben keminu na annikeqhe ti teshi pi nmiwi kechi wi no tsü chüyaden. Hi no pi anyi pala keyasa chü ntsa, nu kedaggü kwen wi chiaben .

EZEKIEL 7:24

Hi mizzatenti nkemehai ntsathu ssi nu hewi gho mathu ya nthu jjenthu nkaya thsüaden . Nthu jawi kezü ntsathu na hi mizzatentithu yala nthu kekinyipenthu yasa kegho wi mathu kempvüza nmila thsüaden .

AYENZHÜNENG 28:25

“Apvüwa na nthu ghinyithu ya nthu miwi khangya thsüaben. Nthu na alen kesü wi mathu ssikaghashen ben, isala nthu na mathu wina alen tsüdi wi bvüzigheaben, nu ayyiwi anyi tsüdila nthu miwi mangwa khati sadha khe muya nu mathu qhethiketen saben.