JEREMIYA 17:3 - Kemethajüh (N) (Re-editing) Bible (BSI)

³ nu agheja wi ayikha shoni tsüdi wila kinyiden. Nthu na nthu yyi tsüdi wi kesami sa kethengwa tsü ghena hi nthu ghinyithu ya nthu keben-keyeng nu nthu tsanqai menkebenthu tsü senbvü thsüaden .

JEREMIYA 17:3 Iomraidhean Croise

2 KADIMITHU 24:13

nu Kekinyijjen nu kadijjen wi keben tsüdi pvü nu Babilon wi wa. Apvüwa na npi wina khi ketheng ti Kadimi Solomon na Kekinyijjen wi kesen ji suna pi ahyikhuthu kesa tsü Nebukhadnezzar na tsüdila pakhhia.

ZAKECI 78:58

Mathu na Anyiza nkechü kekinyijjenthu tsü sapi ma ya aghepvü thsüa, nu atsikezhüthu tsü ghena ma sapi lebentsu thsüa.

ISAYA 27:9

Israel nyithu kesami teshi pi cüle keben tsüna acenpvü kepapa kesa kekinyijjen wi alonthu tsü kihhecha, nu hankedemvu kemecang ben, nyelela acenpvü nzawa Asherah tsikezhüthu tsü nmitha sa ccüla saaden.

JEREMIYA 12:12

Ayyikeshü kemisi tsüdi wi anyithu na yasa ghodha. Hi ayyi tsüdi yasalo aghi kesunchia; thola yazishu hangya nbendha.

JEREMIYA 15:13

Apvüwa na hi wi khi, “Hi inyithu na ayyiwa tsüdi wi lela kesami kesa ghena mathu meten cüle kesalina aghinyithu kesunchi nu inyithu keben-keyeng nu atsanqaithu shupvü bvü thsüaden .

JEREMIYA 20:5

Hi pala mathu ghinyithu ya anyunuti hawa keben-keyeng tsüdi shuya, ma ji nu ma tsanqai tsüdi, nu Judah kadimiwa keben lela nu pala tsüdi pvü nu Babylonia wi waden.

JEREMIYA 21:13

Jerusalem, no alon kesü na deshentijü miwi shhugho keben ti no ayyiketijü miwi donkiben. Isala hi no ssinu kaghashen den. No anyi kesüla no ssikaghashenya nben nyelela nkhweti pvüqhe dughoya nbenle khiden.

JEREMIYA 26:18

“Hezekiya na Judah kadimi sa keben jüwi Moresheth wi atusenjüh-kechüwa Mika na anyithu tsüdi wi Apvüwa Kekhang ntsawa na hati khiben le kesa khi, ‘Zion pi alli kesü ti chhüaben, Jerusalem na yasa pi kenbonki kesü saaben, nu Kekinyijjen yyishiphon wa tsüna ayinong kesü saaben.’ ”

NONKEGÜ 1:10

Ghinyithu na ma nu ma keben-keyeng tsüdi tengyadha. Ma mathu na Kekinyijjen wi duketen mu, Ciwi Apvüwa na Anyiza nkechüthu ya du thsü nten.

EZEKIEL 16:39

Hi no pi mathu kekhang kekhu wi chi, nu mathu na no apen khiewi pi keqheza menkedsa nu atsikezhü kekinyipenthu satheng khe zansha piaden. Mathu na nthsümenithu nu alon menkedhu tsanqaithu khuya nu no kemessütha teshiaben .

EZEKIEL 23:46

Hawa ha Kemisintsa Apvüwa na khiben, “Anyi khang kesü ssigho manyi patemessi nu manyi tsanqai shuyalo.

EZEKIEL 6:3

Israel yikhathu ya Kemisintsa Apvüwa jüh kinalo kiza lo — hi Kemisintsa Apvüwa na mangwa pi ayikhathu, yyishiphon thu, kaghakuthu, nu ayyiketijüthu kiza ben khe ha kinalo kiza lo. Hi njünnu kesü kesun pi anyithu na khiewi atsikezhüthu kinyiten khe yasa cüden.

LEVIYEN 26:30

Hi ayikha wi nthu na kinyi keten penthu tsü yasa, hankedemvu pi kekinyipenthu tsü pakhhi, nu nthu kamang pi nthu tsikezhüthu na khuli keben kete wi khalachiaben. Hi inonkehi wina

MIKA 3:12

Tsalina nthu ghena Zion pon pi alli kesü ti sa, Jerusalem na yasa pi nbonki ketheng kesü sa, nu Kekinyijjen yyishiphon wa tsüna ayinong kesü saaben.

ZEFANIYA 1:13

Mathu keben-keyeng shuya nu mathu yenthu yasa cüden. Mathu na khiela mathu na sa keben ajjenthu witsü hang nu mathu na kemeshentsse lli ca keben wi mukeya kisengtssü tsü jjüya nben.”