JEREMIYA 17:2 - Kemethajüh (N) (Re-editing) Bible (BSI)

² N-nyithu na yyishiphon shoni wi achanton kemejjü ccü tsüdi wi Asherah cenpvü nzawa kekinyipen nu zensu pieki pi ketheng wi tsü

JEREMIYA 17:2 Iomraidhean Croise

2 KHENICÜKI 24:18

Tsalina anyithu na Kekinyijjen wi mathu bamyithu Nyiza Apvüwa nkinyila, nu atsikezhüthu nu acenpvü nzawa Asherah tsiketonthu tsü kinyi wa. Mathu na kesami hathu kesa ghena Apvüwa lebenketsu sengho Judah nu Jerusalem miwi chia.

2 KHENICÜKI 33:19

Kadimiwa kekhie kesa nu Anyiza na tsü keluneng, nu ma leben npi khapeghekeya wi kesamithu —ma nkemehai kekuli, Anyiza nkechü kekinyipenthu nu ma kesa acenpvü nzawa Asherah tsikezhü nu ma atsikezhü kekinyi —tsüdila atusenjüh-kechüthu cükikezhü wi zhütheng.

2 KHENICÜKI 33:3

Ma ma ba Hezekiya na yasa kesa Anyiza nkechü kekinyipenthu tsü sapfü neng. Ma Baal kekinyipenthu, acenpvü nzawa Asherah tsikezhüthu sa, nu ghotsithu kinyi.

ZAKECI 78:58

Mathu na Anyiza nkechü kekinyijjenthu tsü sapi ma ya aghepvü thsüa, nu atsikezhüthu tsü ghena ma sapi lebentsu thsüa.

BVÜKESHHU 34:13

Tsüti kesawa nye, mathu kekinyipen tsü whengshi, mathu lon kesheng kemethathu tsü yasa, nu mathu cenpvü Asherah mechantsithu tsü pashü cülo.

ISAYA 1:29

Nthu na achantonthu kinyi keten nu kemetha chan ja kesa ghena nthu leben güccü ben.

ISAYA 17:8

Kekinyi pen mathu kwen pi kesathu tsü n-nondi laben, nyelela mathu kwen pi kekuli Asherah cenpvü tsikezhü nu hankedemvu kemecang ghena kekinyi penthu tsü n-nondila ben.

JEREMIYA 2:20

Kemisintsa Apvüwa na khiben, “Israel, no matsü kesie wakea wi no hi kekhang meya mvula; no ijüh nkina nu hi nkinyi mvula. Yyishiphon kemisi tsüdi miwi nu achanton kemejjü tsüdi cakhu wi keqheza cenpvüthu kinyi wa.

JEREMIYA 3:23

Ithu na yyishiphon shoni wi acenpvü kepa wi kekinyi ghena ithu kekiqa mangla mu meya. Israel ghena kekiqawa tsüna Apvüwa ithu Nyiza wi ketan ghoden.

JEREMIYA 3:6

Josiya na kadimi sa keben wi Apvüwa na hi wi khi, “No nza ajüh tsentsa nkesawa Israel katsü na mangwa sadha khe mudha ma? Ma hi wina bvü wa yyishiphon kemisi tsüdi wi nu achanton kemejjü cakhu tsüdi wi keqheza menkedsa kekuli sadha.

JEREMIYA 7:18

Ghanyithu na achan saghu, shenpfüthu na anni sa, nu kinyibvüthu na awheng saghu pi mathu na Tangwi Kadijja le ci keten cenpvü nzawa tsü ghena amesa güben. Mathu na hi nkenensa la kisengtssü meyisha pi acenpvü kepathu la kinyi.

EZEKIEL 20:28

Hi mathu ssi shhugho hi ayyi pi mathu cüle khishi ketheng wi tsü chi cü. Mathu na ayyishiphon kemisi nu achanton kemejjüthu kemu wi mathu na tsüthu cakhu wi ahhansha sa. Mathu na ahhansha kesathu kemecang wi nu kisengtssü sengho kekinyi wina hi ya ilebenminu thsüa.

AYENZHÜNENG 12:2

Nthu na wala ayyi nkaya keten witsü anyithu na ayikha kemisi, yyishiphon, nu achanton cakhu wi mathu cenpvü kekinyipen tsü tsüdila yasalo.

PENDHENYI 3:7

Israel nyithu na Apvüwa mathu Nyizawa tsü teshia; mathu na Baal nu Asherah tsikezhüthu kinyi wa nu sami pi Apvüwa shun.