JEREMIYA 17:12 - Kemethajüh (N) (Re-editing) Bible (BSI)

¹² Ithu Kekinyijjen na anyankethang kadipen ti adechhü wina ayikha kemisi miwi ben.

JEREMIYA 17:12 Iomraidhean Croise

ZAKECI 103:19

Apvüwa na ma kadipen pi tangwi chitheng; ma tsüdi miwi kadimiwa.

ZAKECI 96:6

Anyankethang nu ajenkeben na ma vü; kekhang nu atsikemehai na ma Kekinyijjen pong ben.

ISAYA 6:1

Uzziya Kadimiwa na keshü mapi hi Apvüwa mu. Ma ma kadipen kemisi ntsa miwi donki nu anyankethang nu ma gwokemejuwa kaghazu na Kekinyijjen maben pong.

ISAYA 66:1

Apvüwa na khiben, “Tang tsüna hi kadipen, nu ayyi na iccü kennipen. Isathu nthu na ighena ajjen khati kesa saya mehai nu apen khati kesa pi hi hang thsüya ben nu?

JEREMIYA 14:21

No khishikethengthu meshenchi, nu ithu n-nanchi nsala; kejüghekeya sengho Jerusalem miwi nchila, n-nyankethang kadipenwa wi tsü. No ithu ssinu cenkethenjüh kesawa tsü npakhhi lalo.

JEREMIYA 3:17

Tsü tsüwa na kegho wi Jerusalem pi ‘Apvüwa Kadipen’ isa ciben, nu mizzatentithu tsüdila gho ciwi saghu nu hi kinyipen. Mathu na mathu leben kedhu nu nkemehai na mathu kekiza tsü nsa laben.

EZEKIEL 1:26

Tsankevü miwi safir pi sa ketheng kadipen kesü mu, nu kadipen miwi donki kebenwa na anyi kesü ti muben.

EZEKIEL 43:7

Keshü nyiwa, hi kadipen hewi ben. Hi hewi Israel jawi hang nu anuphanla mathu miwi kekhang senden. Israel nyithu le mathu kadimithu lela acenpvü kepathu kinyi nyelela mathu kadimithu kamangthu pi apen kemetha hawa wi vhü nu inyan kemetha tsü tsü nakhiya nbendha.

MATHI 25:31

“Anyi Tsawa na Kadimi sa kegho wi tangnyilothu tsüdi ma gweghe gho nu ma kadipen wi donki,

IBRINYI 12:2

Ithu nyon pi Jisu ithu kenondi kedegü nu sa cencu kecüwa tsü ghangki ya nalo. Ma anonkeghe na ma hie kebenwa tsü ghena kross miwi kejüghe keyawa tsü pi ma men nkemi sa, nu ma khili Anyiza kadipen ajewa wi ben wadha.

IBRINYI 4:16

Tsalina ithu na kempvüza sa nu Anyiza kadipen nanketizen benwa tsü tetsaki wa nalo! Ciwi ithu na nanketizen yaya nu ithu kekiqa nsenthu keyishü wi nanketizen tsü muyaben.

CCÜCAKECHI 3:21

Hi khangya nu khili iBa kadipen wi ma kete wi donki keben ti khangkeyathu ya hi kadipen wi ikete wi donkiya kemehai pi cüden.