JEREMIYA 10:3 - Kemethajüh (N) (Re-editing) Bible (BSI)

³ Anyi hathu keccüna tsüna ma men nmi. Ayinong wi achanton kesü shüchiya, achan kuhothu na atsanqai pi hoya,

JEREMIYA 10:3 Iomraidhean Croise

ZAKECI 115:4

Mathu cenpvüthu tsüna rükatssü, nu suna pi kesa, tsüna anyithu kwen pi kezhü.

ISAYA 45:20

Apvüwa na khiben, “Saghu nu gholo, mizzatenti nyithu, kadipen keqanca wi hang keyathu tsüdi; nthu jüh kaghaten le kesa ghena gholo! Anyithu na achan pi tsikezhü kesa sengho saghu, nu mathu hangshaya nketen cenpvüthu wi kekhiesa ketenthu, anyi tsüthu tsüna mangla nchütha!

JEREMIYA 1:16

Inyithu na sami kesa ghena hi kemeten pi mathu cüden, mathu na hi yisha nu ahhanshathu sapi acenpvü kepathu cü, nu atsikezhüthu sa nu tsüthu kinyi.

JEREMIYA 10:8

Mathu tsüdila kejima kejüphon. Mathu na achan pi atsikezhü wi mangwa chüshiya mehai nu?

JEREMIYA 14:22

Mizzatenti tsikezhüthu kesüla atsankegho kesunchiya nben, akulu na ma ketanla atsangho dugho thsüya nben; Ithu na ithu kahang pi nmiwi chiben, O Apvüwa, ithu Nyiza, kepaghenanye no pala hathu ha sachi ketenwa tsü le.

JEREMIYA 16:19

Apvüwa, no kekhwe nu kezü pi hi cü ketenwa tsü le; no agükeccü wi hi kiqa ketenwa le. Mizzatentithu na ayyi kenten wina no wi gho khiben, “Ithu bamyithu na milikemesa cenpvüthu tsü khe kepa wi mangla nmi, ma men nkemi tsikezhüthu tsü khe kepa wi mangla nmi.

JEREMIYA 2:5

Apvüwa na khiben: “Nthu baqhaithu na kethenjüh khati kesa sengho hi matang nu? Mangwa na mathu sapi hi wina bvü thsü nu? Mathu na ma men nkemi atsikezhüthu kinyi, nu mathu ketanla mangla nkenye nyi sadha.

LEVIYEN 18:30

Apvüwa na khi, “Hi ayen khukechithu tsü nielo nu anyi nthu tuwi na ayyi ciwi hang ketenthu kekuli yen tsü n-niela, nu hathu ha kekuli ghena nthu sapi nmethala nsala. Hi Apvüwa nthu Nyiza.”

MATHI 6:7

“Nthu na kekhie kesa wi Anyiza nkechüthu na kekhie kesie kesalina Anyiza na mathu kekhie kina cübenle meshen keten tsüti ajjügi nkemi jüh kejon nkhi lalo.

KEKULI 19:26

Nu nthu la chü nu muben, Efesa wi ketan nyela Asia yyi tsüdi wi Paul na anyi kwen pi kezhü cenpvüthu hana acenpvü nyele kesa khi pi anyi kejon ssi deja sen nu bvüdha.

ROMNYI 1:21

Mathu na Anyiza chüben, isala ma ji ma kekinyikü-u tsü pi ma ncüla, nyelela ma nsengla. Tsüti kesawa nye, mathu kemeshen na ma men nkemi nu mathu leben kaghacang tsüna kejang pi pongdha.

1 PITOR 1:18

Kepaghenanye nthu bamyithu kahang yen ma men nkemi wi tsüna mang pi nthu hangshaya khe nthu na chüben. Tsüna pala yasa ya kemehai ji rükatssü nyelela suna nye;