JEREMIYA 1:9 - Kemethajüh (N) (Re-editing) Bible (BSI)

⁹ Tsaseng wi Apvüwa na ma kwen chang pi ipang kidhen nu hi wi khi, “Kinalo, no nkhithu keyishü ketsijühthu tsü hi pi no cüben le.

JEREMIYA 1:9 Iomraidhean Croise

ISAYA 49:2

Ma ijüh pi njünnu kedighe ti sa cü. Ma ma kwen pi hi khweya. Ma hi pi alakusü ti dighezen nu senya kemehai sapi ketheng ti sa cü.

ISAYA 50:4

Kemisintsawa Apvüwa na hi nkhithu keyishü pi hi sansi cü, hi yala nchala kesathu satezüya kemehai saya thsü kesalina. Ghanen kaghapengla ma hi sansi le keben tsü kina mvuthiya kemehai sa cüden.

ISAYA 51:16

Hi atssanthu zanshigüchi nu ayyi giketegüchi; hi Jerusalem wi khi, ‘No inyi le! Hi pi nyu kesansijüh tsüpi no cüdha, nu ikwen pi no khweyaden.’ ”

ISAYA 59:21

Nu hi nthu ssinu cenkethenjüh kesü saaden: Hi kekhang nu hi pi nyu kesansijühthu pi anuphanla nthu ji salo kesa pi nthu cüdha, nu nthu na khili nten na ijühkina nu ghaketen wi matsü tsüdi ghena nthu tsangathu nu nthu shicübvüghathu sansi pi ijühkina thsüden.”

JEREMIYA 15:19

Apvüwa na tsü lunengchi, “Keujüla no kheneng gho lethu, hi no ssi nengya ben, nu no imagha sa nengya ben. Keujüla ma men nkemi jüh keccünengli kesa mithon wi ketsijüh ma men kebenwa tsüpi thangchi lethu no ighena atusenjüh-kechüwa sa nengya ben. Anyithu na no wi gho neng ben, nu no mathu wi nwala mehai.

JEREMIYA 34:6

Hi ketsijüh ha pi Jerusalem wi Kadimi Zedekiya cü,

JEREMIYA 36:2

“Kezhüllu kesü khuya nu Judah nu Israel, nu mizzatentithu tsüdi cüki pi no kekiza tsüdi pi tsü miwi zhüya. Josiya na kadimi sa keben wina gho khili kecu hi no ccüneng kegho tsüdi zhüya.

EZEKIEL 3:10

Anyiza na khineng, “Keshü nyiwa, tetsaki gho nu hi pi no kiza keben tsüdi meshen yalo.

DANIEL 10:10

Tsaseng wi akwen kesü na gho hi ghantenya nu hi pieki pi shaghaya thsüa, isala hi ciwila kedheggüben.

DANIEL 10:16

Tsaseng wi nyilo anyi ti kesawa tsüna ma kwen chang pi ikhemeggü kidhenchi. Hi ma wi khi, “Kediwa, kemanthi hawa ha ghena hi nzütha sa nu hi kekinen kekheneng meya ladha.

SHICÜSI 23:5

Apvüwa na Balaam mangwa khilo khe kiza nu ma kesun neng pi Balak wi wa ajüh pi ma kiza thsü.

MATHI 10:19

Mathu na nthu ssinu ajühkaghaten kewa wi nthu na khati nu mangwale khiten nu kesa leben ketizen nsa la, kepaghenanye matsü na kegho wi nthu na mangwa nkhithu yishü khe pi nthu cüben.

MARK 7:33

Tsalina Jisu na anyithu jawi na anyi tsüwa ssi wa makepa saya nu ma kwenzza pi anyi tsüwa khuna wi chi, ma meceng meshhusha chi, nu ma mili pachi.

Luk Zhükechi Jühtheü Kemehaiwa 12:12

Kepaghenanye tsü tsüwi Kemetha Ghamu na nthu mangwa nkhithu yishü khe pi nthu sansi cüben.

Luk Zhükechi Jühtheü Kemehaiwa 21:15

kepaghenanye hi nthu ghinyithu thola nthu matang nu shunya nkesa ajühthu nu kemetsa pi nthu cüben.

AYENZHÜNENG 18:16

“Nthu na Sinai Yikha wi gho saghu keben ghanan wi nthu na Apvüwa jühkekhi nkina neng mvu nyelela ma keten nnikeqhe tsü n-ghang neng mvule kesa khi, kepaghenanye nthu na shüabenle kesa messi.

AYENZHÜNENG 18:17

Tsalina Apvüwa na hi kiza, ‘Mathu na metsashhu khiechidha.

AYENZHÜNENG 18:18

Hi mathu nyi jawi na no ti kesa atusenjüh-kechü kesü kesun chicüden; mangwa nkhithu yishü khe hi ma kizaden, nu ma hi khikechi tsüdi pi anyithu kiza- ben.