JEREMIYA 1:16 - Kemethajüh (N) (Re-editing) Bible (BSI)

¹⁶ Inyithu na sami kesa ghena hi kemeten pi mathu cüden, mathu na hi yisha nu ahhanshathu sapi acenpvü kepathu cü, nu atsikezhüthu sa nu tsüthu kinyi.

JEREMIYA 1:16 Iomraidhean Croise

2 KADIMITHU 22:17

Mathu na hi meya mvula nu ahhanshathu sapi acenpvü kepathu cü, nu mathu kekuli tsüdi wi ilebenketsu cüssidha. Ilebenminu ntsa pi Jerusalem shun ben, nu tsüna gha nben.

2 KHENICÜKI 15:2

nu ma wa Kadimi Asa metu. Ma magha nu khi, “Kadimi Asa, nu Judah nyi nu Benjamin nyithu tsüdi ijühkina chilo! Nthu na Apvüwa wi keben chu ma nthu ssiden. Keujüla nthu na ma bha lethu, ma nthu ya ma muya thsüden, isala keujüla nthu na khapeghe bvü lethu ma nthu teshiaben.

2 KHENICÜKI 28:2

nu Israel kadimithu tsütsonca tsü nie wa. Ma amighe pi Baal tsithu ton,

2 KHENICÜKI 34:25

Mathu na hi meya mvula ahhanshathu sapi acenpvü kepathu kinyi nu mathu kekuli tsüdila ilebenketsu cüssidha. Jerusalem miwi ilebentsu ntsa sadha, nu tsüna gha nbendha.

2 KHENICÜKI 7:19

Isala keujüla no nu n-nyithu na iyenthu nu hi ayenkhukechithu tsü n-nie, nu acenpvü kepathu kinyi wa lethu,

ISAYA 2:8

Mathu yyi na tsikezhüthu pi pong ben, nu mathu na mathu kwen pi zhükeyathu tsü kinyiden.

ISAYA 37:19

nu mathu cenpvü atsentsa nkenyethu tsüpi mecang, isala tsüthu tsüna anyi na achan nu alon pi atsikezhü sakeya ketan.

ISAYA 44:15

Anyi na achanton kesü witsü pahan pi mecang nu pahan pi atsikezhü ghena senden. Tsü pahan pi annisa kahan nu amesa gü; ma kephankhhi pahan pi acenpvü tsi cü nu tsü kinyiden.

ISAYA 65:3

Mathu na njüghela ileben sameshü kayi. Mathu na kemetha sanku wi Anyiza nkechhüthu kekinyipen miwi hankedemvu mecang nu ahhanshathu sa.

JEREMIYA 10:15

Tsüthu tsüna ma men nmi, tsalina pi mangla nkenye sa nsathu yishü; Apvüwa na tsüthu miwi kuli kegho wi tsüthu na dediaben.

JEREMIYA 10:3

Anyi hathu keccüna tsüna ma men nmi. Ayinong wi achanton kesü shüchiya, achan kuhothu na atsanqai pi hoya,

JEREMIYA 11:12

Tsaseng wi Judah nu Jerusalem nyithu na mathu kinyi keten cenpvüthu wi wa nu tsüthu na mathu ghena kekiqa khieben. Isala acenpvü tsüthu na kededi hawa ha kegho wi mathu hangshaya nben.

JEREMIYA 11:17

“Hi Apvüwa Kekhang ntsawa, hi no Israel nu Judah pi sheng theng, isala hi khili kededi sengho mathu pateqhe ben. Mathu na sazzi kesa ghena mathu ketanla ha sengho mathu miwi chiyaben; mathu na ahhanshathu sapi Baal cü nu hi sapi lebentsu thsüa.”

JEREMIYA 15:6

Nthu na hi meya mvu ladha; nthu hi wina khapeghe bvüdha. Tsalina hi ikwen chang pi nthu pashadha, kepaghenanye hi ileben ketsu kekheneng meyaladha.

JEREMIYA 16:11

Isalethu Apvüwa na hati khi benle kesa mathu wi kizalo, ‘Nthu bamyithu na hi teshi theng nu wa acenpvü kepathu kinyi nu kekuli sa. Mathu na hi yisha nu hi pi sansi keten jühthu nkinala.

JEREMIYA 17:13

Apvüwa na Israel kahangwa; no teshi keathu tsüdila kejügheya thsüaben. mathu tsüdila anyan pi ayyinikhu wi zhü ketheng ti nmilaben, kepaghenanye mathu na no Apvüwa, atssü kebvüpenwa tsü mali kesalina.’

JEREMIYA 18:15

Isala inyithu tsü hi malidha; mathu na hankedemvu mecang pi atsikezhüthu kinyiden. Mathu na mathu nwathu keyishü len wi accümeshü yadha; mathu kheni lenwa tsü n-nie ladha; mathu na alen ntsawa nkenye tonden.

JEREMIYA 19:4

Hi ha sale ben, kepaghenanye anyithu na hi yisha nu ahhanshathu sapi acenpvü kepathu kinyi nu apen hawa nakhidha— acenpvü tsüthu tsüna mathu nu mathu bamyithu nyelela Judah kadimithu na tsü cüki nchütha kesathu. Mathu na kesami nkemithu jjü pi apen hawa ha pongdha,

JEREMIYA 2:13

kepaghenanye inyithu na kesami keni sadha: Mathu na hi atssü kemetha kebvüpenwa wina khapeghe bvü, nu mathu na atssükhang kebi atssü na benya nketen tssükhang tsü chhü.”

JEREMIYA 2:17

Israel, no ketanla ha sengho nmiwi chiyadha! No, Apvüwa n-Nyiza hi teshidha, hi alenca wi nlen tsütsontu keben jüwi na.

JEREMIYA 2:19

No nkemehai ketanla kemeten pi no cüben, nu no hi wina kheneng bvü kesa tsüna no meshensa den. No, Apvüwa n-Nyiza hi yisha nu hi wi jühtsentsa nsenla kesa tsüna khatila nmehai, nu sazziben khe chüyaden. Hi Kemisintsa Apvüwa Kekhang ntsawa, hi khidha.”

JEREMIYA 2:28

“Nthu na nthu ghena sakeya acenpvüthu tsüna khiewa ben nu? Nthu na kusi agüccüya khe tsüthu ya nthu hangshaya thsülo— tsüthu na saya mehai lethu! Judah, no anyunuti kejon keben ti acenpvüthu la kejon na ben.

JEREMIYA 4:12

Apvüwa jühkekhi wina gho keten ameghü tsüna tsü miwi khangki ben! Apvüwa na ma ketanla ma nyithu miwi agükeccü khishiben.

JEREMIYA 4:28

Ayyiwa na anongü; atssan na jang waden. Apvüwa na khidha, nu ma kemeshen kemili nben. Ma ma jüh südhedha, nu kheneng nbendha.

JEREMIYA 44:17

Ithu na sale kekhi tsüdila saaden. Ithu na ahhansha sapi ithu cenpvü Tangwi Kadijja cüden. nu ithu bamyithu, ithu kadimithu nu ccülikesathu na Judah nyutithu nu Jerusalem lentontithu wi sa kegho ti ithu na kisengtssü meyisha pi kekinyi sapi ma cüden. Tsü tsüwi ithu na kedsakejjü minyan, ithu na mehai kayi nu agükeccü mangla nmi.

JEREMIYA 5:29

“Isala, hi Apvüwa, hi hathu ghena kemeten pi mathu cüden; hi mizzatenti hawa miwi ajukhi yaden.

JEREMIYA 5:9

Hi hathu ghena kemeten pi mathu ncüla, nu mizzatenti hati kesa miwi ajukhi meyala kesau kwe?

JEREMIYA 51:17

Ha tuwi anyi na jüphon pi mangla nkechü ti saden; atsikezhü sa ketenthu na chükivvüa, kepaghenanye mathu sa keten cenpvüthu tsüna atsentsa nye, nu kahangli nmi.

JEREMIYA 7:17

Mathu na Judah nyunutithu nu Jerusalem lentonti wi mangwa saben khe no nmu kwe?

JEREMIYA 7:18

Ghanyithu na achan saghu, shenpfüthu na anni sa, nu kinyibvüthu na awheng saghu pi mathu na Tangwi Kadijja le ci keten cenpvü nzawa tsü ghena amesa güben. Mathu na hi nkenensa la kisengtssü meyisha pi acenpvü kepathu la kinyi.

JEREMIYA 7:9

Nthu na ghanfü, nyu pathi, qheza, kekishen wi milimesa, ahhanshathu sapi Baal cü, nu nthu na hatu wi nkechü cenpvüthu kinyiden.

EZEKIEL 16:18

No ayakekhu thsüthu hi pi no kecü tsüpi atsikezhüthu miwi chi, nu oliv deli nu hankedemvuthu hi pi no kecü tsüpi atsikezhüthu tsü cü.

EZEKIEL 24:14

Hi Apvüwa, hi khidha. Hi kuli keten tsüwa na wadha. Hi no kesamithu nkechü ghe sa nyelela no nantizen nyelela ghaliya ntendha. No kuli kethengwa tsü ghena kemeten pvüden.” Kemisintsa Apvüwa na khidha.

HOSEYA 11:2

Isala hi ma keci shathu, ma hi wina bvü kayi. Inyithu na ahhansha sapi Baal cü, mathu na hankedemvu mecang pi atsikezhüthu cü.

HOSEYA 8:6

Israel nyi kesü na atsikezhü kesü tsü sa, nu tsüna khiela acenpvü nye! Samaria wi suna pi kesa amesü süpon kinyi ketenwa tsüpi kecenchazigheaben!

JOEL 2:11

Apvüwa na jisha pi ma süpahizi wi ahza khuchi. süpahi ma jühkekinathu na ji pi khang ntsa. Apvüwa tsathangwa tsüna khatila qhethiketen saaben nu! Thowa na hangya mehai nu?

KEKULI 7:41

Isanu mathu na atsikezhü kesü amesü süpon tsi ti kesa saya, nu ahhansha sa pi tsü cü, nu mathu atsikezhü sakeya tsü kekinyi wi kemishu sa.

AYENZHÜNENG 28:20

“Keujüla nthu na nkemehai kuli nu Apvüwa meya mvula lethu, ma wan nthu npi keyasa chu agükeccü, chükivvü, nu ketizenkesa sengho nthu kekuli tsüdi miwi chiaben.

AYENZHÜNENG 31:16

Apvüwa na Mosa wi khi, “No wan shü wa tendha, nu no keshü seng wi anyithu na hi wi jühtsentsa nsala hi mathu ssinu cenkethenjüh tsü pakhhiaben. Mathu na hi teshi nu wala mathu na dule keben yyiwi kahangthu cenpvü kinyi waben.

JOSHUA 24:20

Keujüla nthu na ma teshi nu asang cenpvüthu kekuli sa wa lethu, ma kheneng nthu shun nu kemeten pi nthu cüaben. Ma hatuwi nthu ghena mehaiten lela nthu yasa cüben.”

CCÜCAKECHI 9:20

Adhagha hathu na nkepathi anyi kebenthu tsüdila mathu kuli ketheng wi tsü leben khapeghe meyala. Mathu na atsaghangthu nyelela suna, rükatssü, lezza, alon, achan pi atsikezhüthu na mu meya, za meya, nu ajühkhiya nketen kekinyi tsü teshi meyala.