JEREMIYA 1:1 - Kemethajüh (N) (Re-editing) Bible (BSI)

¹ Lesüshen hawa hana Benjamin yyi Anathoth nyuti wi keqhaikedithu jawi meshu kesü ma nyan Hilkiya tsawa Jeremiya na khikechi kezhü.

JEREMIYA 1:1 Iomraidhean Croise

1 KADIMITHU 2:26

Tsaseng wi Kadimi Solomon na keqhaikediwa Abiathar wi khi, “No diyyiwa Anathoth wi njjen wi whalo. No pi shü thsü qole, isala hi khili no pi shü thsü meten, kepaghenanye no iba David gweghe keben wi Apvüwa Cenkethenjüh Khitson tsü kenonccawa sa, nu no ma gükeccü tsüdi wi ma gweghe benle.

1 KHENICÜKI 6:60

Benjamin yyiwi anyuti hathu pi tsüthu amou saghu pi mathu cüa: Geba, Alemeth, nu Anathoth. Mathu theghi tsüdi kahang pen ghena maben saghu anyutithu taghakecheng.

2 KHENICÜKI 35:25

Atusenjüh-kechüwa Jeremiya na Kadimi Josiya kiqaiki khwi kesü sachi. Tsüna Israel wi akhwi kesathu nzale npvüza lela ma ghena anonkegü wi akhwi ha kesen tsüpi ayen kesü sadha. Akhwi ha kiqaikithu kesaghu wi muyaben.

2 KHENICÜKI 36:12

Ma sami pi Apvüwa shun nu satemeni pi atusenjüh-kechüwa Jeremiya na Apvüwa jüh kekhi tsü nkina mvu.

2 KHENICÜKI 36:21

Tsalina Apvüwa na atusenjüh-kechüwa Jeremiya wina kekhi tsü sacen. “Sabbath kemnan nsala kesa tsü sacen thsüle kesalina amapi achentagü ayyiwa tsü yisha pi theng ben.”

EZRA 1:1

Sira na Persia kadimiwa sakeya mapi atuwa wi Apvüwa na ma Jeremiya atusenjüh-kechüwa wina khi ketheng tsü sacenya. Ma Sira kechüchi pi ahza hati ha sa thsü nu tsü zhü nu sen wa ma kadiyyi apen tsüdi wi misikhhali si chilo sa thsüa:

ISAYA 1:1

1Lesüshen hawa ha Uzziya, Jotham, Ahaz, nu Hezekiya hathu na Judah kadimithu sa keben tsüwi Anyiza na Judah nu Jerusalem cüki pi Amoz tsawa Isa ccücakechi jühthu.

ISAYA 10:30

Yishalo, Gallim nyithu! Kinalo, Laisha nyithu! Khi nenglo, Anathoth nyithu!

ISAYA 2:1

Ajüh hana Anyiza na Judah nu Jerusalem manyi ghena pi Amoz tsawa Isa kechü thsü:

JEREMIYA 11:21

Anathoth nyithu na hi pathi mvu sa, nu mathu na hi kizala keujüla hi Apvüwa ketsijüh hapi thangchi lethu mathu na hi pathi cüben.

JEREMIYA 29:27

No mangkesa tsüti Anathoth nyiwa Jeremiya atusenjüh-kechü kesü ti sala anyithu wi ajühkhi kebenwa miwi kuli nchi nu?

JEREMIYA 30:1

Apvüwa, Israel Nyiza na

JEREMIYA 37:12

Tsalina hi Jerusalem teshi nu wa Benjamin yyi wi itheghi keben-keyeng wi ishei khuyale sa.

EZEKIEL 1:3

Ciwi Babilon yyi Khebar Ghaku katen wi hi Apvüwa jüh kekhi zaya nu hi ma kekhang kidhenya.

DANIEL 9:2

Ma kekhang kesen mapi atuwa wi hi lesüshen kemethathu si nu Apvüwa na pi atusenjüh-kechüwa Jeremiya wi Jerusalem na amapi achentagü kededi wi benben le kesa kekiza cüki tsü meshenben.

AMOS 1:1

Hathu hana Amos, Tekoa nyuti wi anenikehiewa jühthu. Ameghükuju npi kesa tuwi amapi keni wi Uzziya na Judah kadimiwa sa, nu Jehoash tsa Jeroboam na Israel kadimiwa sa keben wi Anyiza na Israel nyithu ghena pala hathu tsüdi pi Amos ccüca.

AMOS 7:10

Bethel wi keqhaikediwa Amaziya na kheneng chüthsüjüh kesü kesun pi Israel Kadimi Jeroboam wi chi: “Amos na anyithu jawi acho sapi no shun benle. Ma jühthu na mizzatentiwa yasa ben.

MATHI 16:14

Mathu na khineng, “Pahan na Johan Baptizwa le khiden; kepathu na Elijah le khi, nu kepa na Jeremiya nyelela atusenjüh-kechü kesü le khiden.”

MATHI 2:17

Hatinu ntsakhiwa atusenjüh- kechüwa Jeremiya na kekhi tsü sacenya thsüa:

MATHI 27:9

Isanu atusenjüh-kechüwa Jeremiya kekhi tsü ntsakhiwa sacen yadha: “Mathu na Israel nyithu na pi ma cüle cen ketheng rükatssü changha tsü khuya,