FILEMON 1:9 - Kemethajüh (N) (Re-editing) Bible (BSI)

⁹ Isala hi no ketizen ghena tsüti kesawa nye hi no wi khieben. Hi Paul, Khrista Jisu mithonwa, nu khili la ma ghena atssüzü saben.

FILEMON 1:9 Iomraidhean Croise

ZAKECI 71:18

Khilitsü hi qhai nu ilissen la pon wa lela hi teshi nsala, O Anyiza! Hi ha sengwi ghaketen shicü tsüdi wi no kekhang nu kezü pi thangchi keben wi no hi gweghe tenlo.

ZAKECI 71:9

Khili hi qhaiwadha nu hi meya mvula nsala; khili hi kezü nmila lela hi teshi nsala.

KEMETSAJÜH 16:31

Kesie kahang tsüna ketsatan kutimen; alikepun tsüna anyankethang liwen kesü.

ISAYA 46:4

Hi nthu Nyiza nu hi nthu nonccayaden, nthu na qhai nu alikepun tsü kecu wila. Hi nthu sahangchi nu nthu noncca ben den.

ROMNYI 12:1

Tsalina icünyuthu, Anyiza nanketizen na di ntsa kesalina hi nthu wi khieben: Nthu ketanla nthu pi kahang hhansha sa pi Anyiza cülo, ma kekuli ghena satemethachi, nu ma kenenwa satenlo. Hawa ha atsentsa kekinyi nthu na nsathu yishü.

2 KORINTHNYI 5:20

Ikhang na Khrista mithonthu, kepaghenanye Anyiza na ikhang wina khiben; ikhang na Khrista mithon wina nthu wi khiben, Anyiza yala nthu ma ghinyithu kemili pi ma pvüshangthu saya thsülo.

2 KORINTHNYI 6:1

Ikhang Anyiza gweghe kekuli kesa wina nthu wi khieben, nthu Anyiza nanketizen mu keyawa tsü yala meyasa thsü lalo.

GALATIANYI 3:26

Kenondi ghena nthu tsüdila Jisu Khrista wina Anyiza tsangathu sayadha.

EFESANYI 3:1

Ha jjügi ghena hi Paul, no Judah nyi nkenyethu ghena atssüzü saben, Anyiza wi khie den.

EFESANYI 4:1

Hi Apvüwa kekuli ghena atssüzü nyi kesü nthu wi kizaben: Anyiza na nthu ci keya wi kahang yen sa ketheng wi tsü hanglo.

EFESANYI 6:20

Kepaghenanye ajühkemehaiwa ha ghena hi khili atssüzü saben lela hi mithonyi kesü. Hi kekhi-u tsüti hi kempvüza sala ajühkemehaiwa cüki khiya thsüle kesa ghena kekhie salo.

1 TIMOTHI 1:12

Hi keseng pi ithu Pvüwa Jisu Khrista cüben, kepaghenanye hi kekuli ha saya kemehai ma kekhang pi hi cü. Ma hi ghan-nan nu hi pi ma kekuli ha kesa qo nyi sakeya thsü ghena hi ma sengben,

TITA 2:2

Keshenpfü keqhaithu ya meghe-metsa, kemeshen kiyan, kekhenengya, kenondi wi mehai, nyu tizen, nu kethan-kehi yalo kiza.

IBRINYI 13:19

Tsü miwi la hi nthu wi khie ntsa kebenwa na Anyiza yala wan hi kesun pi nthu wi chicülo kesa kekhie sabenlo.

1 PITOR 2:11

Ipvüshangthu, ayyi ha wi kijünyi nu asangthu sa keben tsüti hi nthu wi khiben! Ayyi sajjü kenenthu tsü nsala, tsüna keshüthangla aghamu tsü ssinu aghisa den.

PENDHENYI 21:22

Keujüla mathu bathu nyelela baghathu na nthu na mathu wi kizaya mehai, ‘Nchala, mathu pi ithu gweghe ben thsülo; kepaghenanye ithu na mathu pi ithu wubvüthu sale aghi wina mathu zan meya. Nu nthu na mathu pi ithu nkecü ghena nthu na nthu jüh khishiketheng tsü pakhhi nbenle.’ ”