CCÜCAKECHI 8:3 - Kemethajüh (N) (Re-editing) Bible (BSI)

³ Tangnyilo kepa wi kesü na hankedemvu kemecang suna hikhu sengho kekinyipen kete wi ngan. Pi Anyiza nyithu tsüdi kekhie tsü wwacü nu kadipenwa tu wi ngan keben suna pi kesa kekinyipen wi tsü kinyi thsüle kesalina hankedemvu kejon pi ma cü theng.

CCÜCAKECHI 8:3 Iomraidhean Croise

1 KADIMITHU 7:50

ahyithu, ahula kecankijithu, atssükhuthu, hankedemvu ghena akhuthu, nu akhu magi keben amihi kepijithu; nu Kekinyijjen nu Kemetha ntsawa Pen jenkathu wi zantenjithu. Atsanqai hathu ha tsüdila suna pi saya.

ZAKECI 141:2

Hankedemvu ti hi kekhie ya cü, ikwen zanki kechi tsü pi minulen wi hhanshakesa ti ya cülo.

BVÜKESHHU 40:26

Ma suna pi kesa kekinyipen tsüpi Nithsüjjen non wi keshonthsü tuwi chi,

ISAYA 6:6

Tsaseng wi Cherubim kesü na keceji pi kekinyipen wi anni mihi cekeya kesü sen nu hi wi gho.

EZEKIEL 41:22

achan pi kekinyipen kesa ti muben. Tsüna meter kesü nu gishü pahan misi nu ma kemeza na meter kesü. Ma ccügwendonbvü, ma ghanbvü nu ma wikeshonthu tsüdi achan pi kesa. Anyiwa na hi kiza, “Miz hawa ha Apvüwa ketenpen tuwi ngan ketenwa tsüle.”

AMOS 9:1

Hi Apvüwa na kekinyipen wi ngan keben mu. Ma ajühkhuchi: “Kekinyijjen kedon shonithu tsü daghan whengchi nu ma giketegü tsüdi kuliaben. Tsüthu whengkhhi chi nu tsüthu ya anyithu li miwi qanca thsülo. Hi aghi wi anyi kepathu tsü pathiaben . Thola bvüya nben; kesütanla shhuya nben.

MALAKHI 1:11

Ayyi ccügwen kesü na wa pahanwa kecu wi anyithu na hi kinyi ben. Apen tsüdi wi mathu na hankedemvu mecang pi hi kinyi nu keya qo ahhanshathu khuchi ben. Mathu tsüdila hi kinyikü ben le!

SHICÜSI 4:11

Tsaseng wi mathu na athsü atsena pi suna pi sa ketheng kekinyipen miwi tsü shizighe, asahyu kemeju kemehai pi tsü mejuya, nu ma kepie chan pi ghechi yaben.

Luk Zhükechi Jühtheü Kemehaiwa 1:10

nu anyitenti na akhemi wi ben nu hankedemvu mecang keben jü wi tsü kekhie saben.

ROMNYI 8:34

Isathu, thowa na mathu meshensaya mehai nu? Tsüna Jisu Khrista shü kesa ketan nyela hangneng wa Anyiza kwen ajewa ben nu Anyiza wi ithu ghena khie kebenwa la nye le!

IBRINYI 7:25

Tsalina ma khili nu keshüthangla anyithu na ma wina Anyiza wi keghothu tsü hangshaya mehai, kepaghenanye ma hangben nu anuphanla mathu ghena Anyiza wi khie benden.

IBRINYI 9:4

Tsü non wi hankedemvu kemecang ghena suna pi kesa kekinyipen, Cenkethenjüh Khitson suna pi meju nu suna hikhu wi manna keben, Aaron khhatssü mawa shigü shhugho keawa tsü, nu alonpha keni miwi ayenkhukechithu pi zhüki ketheng tsüthu na ben,

CCÜCAKECHI 10:1

Tsaseng wi hi tangnyilo kekhang kesü tang wina shhugho keten mu. Ma akulukeshü pi meju pvü nu cünieqho pi ma li vü pvü, ma mmi na aghani ti, nu ma ccü na anni donbvü ti kesa.

CCÜCAKECHI 14:18

Tsaseng wi la tangnyilo kepa anni miwi kediwa na kekinyipen wina shhugho. Ma ahhai misikhhali jisha nu tangnyilo kecükhhagha kedighe sen ketenwa wi kiza, “Nkecükhhagha sen nu ayyi wi kemeshentsse lli tsü wwiya yilo, kepaghenanye kemeshentsse bi na nyündha!”

CCÜCAKECHI 5:8

Ma tsüti saya nan, hangben keten ghangsathu mejü nu keshenpfüthu ngwe nu mejü na Khaghanenizzawa tu wi kukedu. Mathu kesüsü harp kesü nu suna khuzza wi hankedemvu pi pong senden, tsüna Anyiza nyithu na kekhie kesa.

CCÜCAKECHI 6:9

Tsaseng wi Khaghanenizzawa na mechantsi mangawa tsü shachi. Ciwi hi kekinyipen kekhu wi Anyiza jüh khi nu mathu sheikepi wi atsentsa kesa ghena pathi kesa ghamuthu mu.

CCÜCAKECHI 7:2

Nu hi nyilo kepawa kesü la hangben keten Nyiza mechantsi sen nu nishuwa na gho keten mu. Ma jisha sen nu Anyiza na ayyi nu atssükedone yasalo kesa ghena kekhang pi cü ketheng tangnyilothu mejü tsü ci.

CCÜCAKECHI 8:4

Anyiza tu wi ngan keben nyilowa kwen wi hankedemvu kemecang nikhu tsüna Anyiza nyithu kekhie gweghe tang wi kia.

CCÜCAKECHI 8:5

Tsaseng wi nyilowa na hankedemvu kemecang hikhu tsü khuya nu kekinyipen wi anni pi tsü pongya, nu pi ayyi wi khalachia. Isanu ciwi atsanshigü, atsanphagha, atsancwe, nu ameghükuju sa.

CCÜCAKECHI 9:13

Tsaseng wi tangnyilo tughowa na ma tutuwa khouchi. Ciwi suna pi kesa kekinyipen Anyiza tu wi kebenwa ccügwen mejü wi ahhai kesü keshhugho hi zaya.