CCÜCAKECHI 8:1 - Kemethajüh (N) (Re-editing) Bible (BSI)

¹ Khaghanenizzawa na mechantsi tagüwa sha kechi wi tang wi amighe kekihhe gishüpahan jü ccen sa.

CCÜCAKECHI 8:1 Iomraidhean Croise

Job Lesüshen 4:16

Hi pala pahan ciwi ngan keben mu; hi ghang chi isala tsüna mangwa khe khi meya. Tsaseng wi yangyi kesa witsü hi ahhai kesü zaya:

ZAKECI 37:7

Leben tisie nu Apvüwa na kuli keten hie benlo; anyithu na mehaikayi keben nyelela mathu nkemehai kekiden wi mehaikeya ghena leben güccü nsala.

ZAKECI 62:1

Hi ileben tisie nu Anyiza hi hangshakeya hie; Hi ma ketan maghaki ben den.

HABAKKUK 2:20

Apvüwa na ma Kekinyijjen kemetha wi ben; ayyi wi anyi tsüdila ma tuwi ceen ben thsülo.

ZEKHARIYA 2:13

Anyi tsüdila Apvüwa tuwi ceen benlo, kepaghenanye ma ma kahang pen kemetha wina gho tendha.

MATHI 27:66

Tsalina mathu wala ashüjjen lon miwi tsü mechantsi pi jen nu aghikehiethu pi hie thsüa.

CCÜCAKECHI 5:1

Hi kadipen miwi donki kebenwa kwen ajewa wi kezhüllu kesü mu; tsüwa non wi ghapeli qho zhübhon nu mechantsithu tagü pi jen theng.

CCÜCAKECHI 5:9

Mathu na akhwi ketheü kesü sa: “No kezhülluwa tsü khuya nu mechantsithu tsü pakhhi qole! Kepaghenanye no pathia, nu no ahhansha sa keshü wina Anyiza ghena amizza, ajühjja, mizzatenti, nu ashicü tsüdi wi anyithu sheiyadha.

CCÜCAKECHI 6:1

Tsaseng wi hi Khaghanenizzawa na mechantsi tagü ja wi atuwa shachi kesa mu, nu ciwi hangben keten ghangsathu mejü wi kesü na ahhai misikhhali tutuwa kekhou hhai ti “Gholo” kekhi hi zaya.

CCÜCAKECHI 6:12

Tsaseng wi hi Khaghanenizzawa na mechantsi tughowa tsü sha kechi mu. Ciwi ameghükuju ntsa sa, aghani na athsü kenimegho ti sa, nu asha na ajjü ti nmieni sa.

CCÜCAKECHI 6:3

Tsaseng wi Khaghanenizzawa na mechantsi keniwa tsü shachi, nu hi hangben keten ghangsa keniwa na “Gholo” kekhi hi zaya.

CCÜCAKECHI 6:5

Tsaseng wi Khaghanenizzawa na mechantsi kechengwa tsü shachi; nu hangben keten ghangsa kechengwa na “Gholo” kekhi hi zaya. Hi ghangchi nan ciwi goru kenimegho kesü mu. Tsü miwi kebenwa na ma kwen wi kuwhuchan kesü ben.

CCÜCAKECHI 6:7

Tsaseng wi Khaghanenizzawa na mechantsi mejüwa tsü shachi; nu hangben keten ghangsa mejüwa na “Gholo” kekhi hi zaya.

CCÜCAKECHI 6:9

Tsaseng wi Khaghanenizzawa na mechantsi mangawa tsü shachi. Ciwi hi kekinyipen kekhu wi Anyiza jüh khi nu mathu sheikepi wi atsentsa kesa ghena pathi kesa ghamuthu mu.