CCÜCAKECHI 7:9 - Kemethajüh (N) (Re-editing) Bible (BSI)

⁹ Ha seng wi hi ghangchi nan ciwi anyitenti ji ntsa thola si mekeya khi kesü mu! Mathu na ashicü, amizza, mizzatenti, nu ajühjja tsüdi wina keshhugho, nu mathu na athsümeni kemiki pvü, mathu kwen wi agu cünathu khusen nu kadipen nu Khaghanenizzawa tu wi nganben.

CCÜCAKECHI 7:9 Iomraidhean Croise

ADECHHÜ 13:16

Hi ashicübvügha kejon pi no cüden, nu thola mathu sikhiya nben; tsüna ayyinikhu sikhi keyawa la le ben.

ADECHHÜ 49:10

Judah na kadi khhatssü senden, ma shicüthu na keshüthangla kekhang senben. Mizzatentithu na khajana sen nu, ma wi gho jühkeya wina ma tuwi kukeduben.

ZAKECI 2:8

Khielo, isathu hi mizzatentithu tsüdi pi no cüaden nu anyi maben pi nji sa cüaden .

ZAKECI 22:27

Mizzatentithu tsüdila Apvüwa meshen yaden. Ayyi tsüdi wi mathu na ma wi kheneng gho; amizza tsüdila ma kinyi den.

ZAKECI 76:4

No mangtila anyanthang nu, O Anyiza! No ayikhathu wi no nkenanmvu nyi miwi khangya nu kheneng gho keten tsüna khatila ghang pi ajenben nu!

ZAKECI 77:2

Agükeccü tsü wi hi Apvüwa wi khie; aghaja thangthang hi ikwen zanki nu kekhie sa, isala ileben sateccakeya mu meya.

ZAKECI 98:3

Ma ajühkeya nu mathu ghaliki keten sen nu Israel nyithu wi ajühkhishi kechi tsü niegho. Apen tsüdi wi anyithu tsüdila Anyiza khangkeya tsü muyadha.

JEREMIYA 16:19

Apvüwa, no kekhwe nu kezü pi hi cü ketenwa tsü le; no agükeccü wi hi kiqa ketenwa le. Mizzatentithu na ayyi kenten wina no wi gho khiben, “Ithu bamyithu na milikemesa cenpvüthu tsü khe kepa wi mangla nmi, ma men nkemi tsikezhüthu tsü khe kepa wi mangla nmi.

JEREMIYA 3:17

Tsü tsüwa na kegho wi Jerusalem pi ‘Apvüwa Kadipen’ isa ciben, nu mizzatentithu tsüdila gho ciwi saghu nu hi kinyipen. Mathu na mathu leben kedhu nu nkemehai na mathu kekiza tsü nsa laben.

EZEKIEL 47:5

Ma meter meza manga kitegü neng nu ciwi atssü na dhu mtsü nu hi tsü pvüdhi meyala. Tsüna dhu mtsü pi atssüghe nkesa tsü pvüdhi meyala.

DANIEL 4:1

Kadimi Nebukhadnezzar na ketsijüh ha kesun pi ayyi wi mizzatentithu, anyi nu ajühjja kepapa kesathu wi chi: “Shalom!

DANIEL 6:25

Tsaseng wi Kadimi Dariya na lesü zhü pi ayyi wi mizzatentithu, anyithu nu ajühjja kepapa nyithu tsüdi wi cüchi: “Shalom!

HOSEYA 1:10

Israel nyi na ji pi atssükedone wi ahachan ti sa nu si nkeyakhi nyelela ketegü nkeyakhi saaden. Khili Anyiza na mathu wi khiben, “Nthu na inyi nye,” isala atsathang kesü na ghothu ma hati mathu wi khiden, “Nthu na hangkebenwa Nyiza tsangathu le!”

LEVIYEN 23:40

Tsü ghanan wi nthu na kedsauton wi ma bi kemehai ntsa, palm chan cüna, nu achanton pogho kesa wi ma cüna keti khuya, nu Apvüwa nthu Nyiza kekinyikü wi keccüna kho ha sashhulo.

ZEKHARIYA 10:8

“Hi inyithu cipi saghuyaben. Hi mathu kekashaya nu mathu sapi kheni ti ji ntsa sa thsüaben.

ZEKHARIYA 2:11

Tsü tsüwi mizzatenti kejon na Apvüwa wi gho nu ma nyithu sayaben. Ma nthu jawi hang, nu ma hi kesun pi nthu wi chile kesa nthu na chüyaben.

Luk Zhükechi Jühtheü Kemehaiwa 12:1

Tsü tsüwi anyi kejonla gho saghuya nu mathu khokho ccü kenniliben. Jisu na atuwa ma sansikeyathu wi kiza, “Farisithu zimi ghena kiden-kesha yalo, tsüna mathu nkenyeghe kesawa tsü.

Luk Zhükechi Jühtheü Kemehaiwa 21:36

Nthu na sa ketenthu ha tsüdi wi la mehaitsü benya kemehai kezü muya nu Anyi Tsawa tuwi nganyale kesalina keshüthangla hie nu kekhie sa benlo.”

JOHAN 12:13

Tsalina mathu na palm chan cüna shhüya nu wa ma metu nu jisha, “Hosanna! Anyiza na sawegü pi Apvüwa nyan wi gho keten Israel Kadimiwa kecüwa salo!”

ROMNYI 11:25

Icünyuthu, ciwi atsentsa kekuthi kesü na ben, nu hi nthu yala tsü chüya thsü mvuben; nthu na tsü chüya lethu, nthu na metsa ntsawa le nmeshenla ben. Israel nyi lebenkedhu tsüna anuphan ben nben; isala tsüna Judah nyi nkenyethu tsüdila Anyiza wi npi kegho chu benben.

EFESANYI 6:13

Tsalina khili Anyiza ghighe pvü yalo! Isathu nkemehai tsathang kegho wi nthu na aghinyi tsü ssi kaghashenya mehai nu ghikesa cen seng wi lela nthu na ngan benya mehai.

IBRINYI 11:12

Abraham na keshü ti sa lela, anyi kesü ha wina ashicübvüghathu na tang wi ghotsithu ti ji nu atssükedone ghüsa wi ahhachan si mekeyakhi ti sa shhughoa.

IBRINYI 12:22

Tsüti kesawa nye, nthu na tangnyilothu si mekeya khi ssinu Zion Yikha nu hangkeben Nyiza nyunutiwa, tang Jerusalem wi ghoyadha.

CCÜCAKECHI 11:15

Tsaseng wi tangnyilo tagüwa na ma tutuwa khouchi, nu tang wi ahhai misikhhali nu khi, “Ayyi miwi kekhang sen keten kekhang tsüna khili ithu Pvüwa nu ma Messiya ji sadha, nu ma anuphan nu anuphanla kekhang senben!”

CCÜCAKECHI 22:3

Anyunutiwa wi mangla sanu Anyiza kishen-keshi muya nben. Anyiza nu Khaghanenizzawa kadipen na anyunutiwa wi ben, nu ciwi ma maghathu na ma kinyiben.

CCÜCAKECHI 3:18

No yala benya thsüle hi no kizaben, hi wi suna kemetha ntsa tsü sheiyalo. Athsü kemikiwa la shei pi no kimissü kejüghe keyawa tsü mphi bhonyalo. N-nyon pala muya le kesalina dawa pahan la sheiyalo.

CCÜCAKECHI 4:4

Kadipenwa tsü vü keben kepa wi kadipenthu ngwe nu mejü na ben; tsüthu miwi keshenpfüthu ngwe nu mejü na athsü kemiki mphi nu suna kadiliwen pvü nu donkiben.

CCÜCAKECHI 5:11

Hi kheneng ghangchi nan nyilothu khalatsi nu khalatsitsi hhai zaya! Mathu na kadipenwa, hangben keten ghangsathu mejü, keshenpfüthu ngwe nu mejü tsü vü senben,

CCÜCAKECHI 5:9

Mathu na akhwi ketheü kesü sa: “No kezhülluwa tsü khuya nu mechantsithu tsü pakhhi qole! Kepaghenanye no pathia, nu no ahhansha sa keshü wina Anyiza ghena amizza, ajühjja, mizzatenti, nu ashicü tsüdi wi anyithu sheiyadha.

CCÜCAKECHI 6:11

Agwomejuwa kaghazu kemiki pi mathu kesüsü cü theng, nu mathu yala mathu gweghe amaghathu sa keten nu mathu cünyuthu la mathu ti npi pathi cen keya chu ben lalo kiza.