CCÜCAKECHI 7:3 - Kemethajüh (N) (Re-editing) Bible (BSI)

³ Tangnyilowa na khi, “Ikhang na mechantsi pi Anyiza maghathu tie wi npi jen keya chu ayyi, atssükedone, nyelela achanton mangla npasa lalo.”

CCÜCAKECHI 7:3 Iomraidhean Croise

BVÜKESHHU 12:13

Ajjü na ajenka donbvü wi keben tsüna nthu ajjen ciwi hang keben zensu. Hi Ejipt nyithu metenmesha kegho wi ajjü muya lethu hi nthu ghübvü nu nthu yasa nben.

BVÜKESHHU 12:23

Apvüwa na Ejipt yyi tsüdi wi wa Ejipt nyithu pathile kewa wi nthu jenka donbvüthu nu kenthsüwa wi ajjü muya lethu nyu kepathi nyilowa ya nthu jjen wi dula nthu pathi thsü nben.

ISAYA 27:8

Apvüwa na ma nyi kekushi tsüpi mathu kemeten sa cü. Ma nishuwa wina ameghü kekhang ya mathu mo pi bvü thsüa.

ISAYA 54:17

Isala aghitsanqai kesüla no patenaya nben; no no kemetsi-keminithu tsüdi lunengya kemehai benden. Hi imaghathu sheipiya, nu khangkeya pi mathu cüden. Apvüwa na khidha.”

ISAYA 6:13

Meshu tagha wi kesü na ayyi ciwi benla lethu, tsü la dediaben; ma ayangton shüchi nu ma chonhi ketan keben ti saaben.” (Ma chonhi lethu Anyiza nyi ketheü na shagha keten zensu.)

ISAYA 65:8

Apvüwa na khiben, “Thola kemeshentsse bi kemehai yasa nten; tsüti kesawa nyela mathu na tsüthu pi kisengtssü saden. Tsüti hi la inyithu tsüdi yasa nten, hi hi kinyi ketenthu hangsha yaden.

EZEKIEL 9:4

“Jerusalem nyunutiwa maben wi wa nu kemechan kesü pi anyunutiwa wi nankenontssü kesa kekuli sa ketheng ghena agüccü nu ketizensa keben nyi kesüsü tie wi jengyalo.”

EZEKIEL 9:6

Keqhaithu, acalithu, nza cahlithu, ajjathu, nu ghanyithu pathilo. Isala kemechan pi atie wi chipvü ketenthu thola nkidhenla. Hewi hi Kekinyijjen wina sa shhulo.” Tsalina mathu na Kekinyijjen kete wi ngan keben accülikesathu wina pathi shhu.

DANIEL 3:17

Keujüla ikhang na ma kekuli sa ketenwa Anyiza na annikeqhe kisawa wi nu no kekhang wi ikhang hangshaya mehai, ma tsüti saaben.

DANIEL 3:26

Tsalina Nebukhadnezzar na annikeqhe keti kisa jenka witsü wha nu jishachi, “Shadrak, Meshak, nu Abednego! Kemisintsawa Anyiza maghathu! Shhugholo!” Isanu mathu na wan shhughoa.

DANIEL 6:16

Tsalina Daniel ghan pi ssensitemithu na pong keben ayyiku kesü witsü chilo kesa ahza khushia. Ma Daniel wi khi, “No nleben tsentsa sennu ma kekuli sa ketenwa n-Nyiza ya no kekasha kecüwa salo.”

ZEFANIYA 2:3

Nthu ayyiwa wi satemeni ketenthu, ma yenkhukechithu nie ketenthu tsüdi, Apvüwa wiwa khapeghe ghalo. Kemeshonwa tsü saya, nu Apvüwa tuwi nthu ketanla nthu satemeni yalo. Isathu, nthu na Apvüwa ma ghekepvü pi ccücakechi tsathang wi kemeten witsü bvüyala mechü.

MALAKHI 3:18

Inyithu na kheneng kuti anyi ketsatanwa nu gheshighenawa, anyi hi kekuli kesawa nu nkesawa jüwi kepapa mangwa khati saben khe muyaben.”

MATHI 24:22

Isala Anyiza na tsü tsathang sa pi zeng cüdha; ma tsüti nsa lethu thola hangya nkesa. Isala Anyiza na ma kessikeya nyithu ghena atsathangthu tsü sa pi zeng cüaben.

MATHI 24:31

Tsaseng wi achünong khu chithu ma ma nyilothu kesun pi ayyi ccügwen mejü wi chi nu ayyi maben wi mathu na ma kessikeya nyithu tsü saghu yaben.

JOHAN 12:26

Anyi thowa na hi kekuli sa mvu ten khe hi n-niethu yishü, isathu hi kekuli kesa nyi na hi gweghe benyaden. Thowa na hi kekuli saten khe Abawa la ma nyuwaküden.

JOHAN 3:33

Isala thowa na ma jüh tsü nondiya khe Anyiza tsüna atsentsawa le kesa chüyaden.

ROMNYI 6:22

Isala khili kesami wina nthu lisha chi cüdha, nu nthu na Anyiza nssümaghathu sayadha. Nthu ghena kekiyiwa tsüna nthu kahang maben satemetha pi ma wi chi nu anuphan kahang mukeyawa tsü.

CCÜCAKECHI 13:16

Aghangsawa tsüna anyi kedi nu kizza, keban nu ketha-u, nssümagha nu ahvuthu tsüdi meten pi ma zensu tsü pi mathu kwen ajewa nyelela mathu tie wi jenya thsüa.

CCÜCAKECHI 13:17

Anyi thola azensu, tsüna aghangsa tsü nyan nyelela tsü nyan number tsü nkepvü tsü pala pi jeü nyelela shei meya.

CCÜCAKECHI 14:1

Tsaseng wi hi ghangchi nan Khaghanenizzawa na Zion Yikha miwi nganben; nu anyi 144,000 na ma nyan nu ma Ba nyan pi mathu tie wi zhüki pvü ketenthu na ma gweghe ben.

CCÜCAKECHI 14:9

Tangnyilo kechengwa na atuwa keni tsü seng nie nu ahhai misikhhali khi, “Anyi kesü le kesü lela aghangsa nu ma tsikezhü tsü kinyi thsü number tsü pi ma tie nyelela ma kwen wi jen pvü ketenwa

CCÜCAKECHI 19:2

Ma jühkekaghaten na atsentsa nu ketsatan! Ma nza keqheza menkedsawa na ma keqheza nkemehai pi ayyi pasa ketenwa tsü meshensadha. Anyiza na ma meten-mesha cüdha, kepaghenanye nzawa na ma maghathu pathi le!”

CCÜCAKECHI 20:4

Tsaseng wi kadipenthu, nu tsüthu miwi donki kebenthu ya nyu jühkaghaten ya kemehai kekhang pi cü ketheng mu. Nu hi Jisu pi ccücakechi nu Anyiza jühtsentsawa tsü pi kekhi ghena nyu mathu pathi kesa ghamuthu la mu. Mathu na aghangsawa tsü nu ma tsikezhü la nkinyi, nyelela mathu na tsü zensu tsü pi mathu tie nyelela mathu kwen wi lela njen pvü. Mathu na kahang wi gho Khrista gweghe amapi hazar kesü kadimi sala kadi sa.

CCÜCAKECHI 22:4

Mathu na ma mmi muyaben, nu ma nyan pi mathu tie wi zhüki pvüben.

CCÜCAKECHI 6:6

Hangben keten ghangsathu mejü ja wi ahhai kesü hati khi keben hi zaya, “Awheng kuwhu kesü na ghanan kesü kutimen, nu achentha kuwhu kecheng na ghanan kesü kutimen. Isala oliv tonthu nu kemeshentsse lli tsü meyasa lalo!”

CCÜCAKECHI 7:1

Tsaseng wi tangnyilothu mejü na ayyi ccügwen mejü miwi ngan nu ameghü yala ayyi nu atssükedone miwi nsho thsü, nu achanton mangla nmo kuli thsüle kesalina ameghü zanten sen keben hi mu.

CCÜCAKECHI 7:2

Nu hi nyilo kepawa kesü la hangben keten Nyiza mechantsi sen nu nishuwa na gho keten mu. Ma jisha sen nu Anyiza na ayyi nu atssükedone yasalo kesa ghena kekhang pi cü ketheng tangnyilothu mejü tsü ci.

CCÜCAKECHI 9:4

Mathu na aghangwa nyelela achantonthu nyelela aghanglani mangla meyasala, isani anyi thothu na Anyiza mechantsi pi mathu tie wi jen pvü nten khe tsüthu ketan meten-meshalo kiza theng.