CCÜCAKECHI 7:16 - Kemethajüh (N) (Re-editing) Bible (BSI)

¹⁶ Mathu na khiela ghama nu dighe neng nbendha; aghani nyelela kisah na mangla mathu thsü tena nbendha.

CCÜCAKECHI 7:16 Iomraidhean Croise

ZAKECI 121:5

Apvüwa na nghihie yaben; ma no khweya le nu nkete wi ben.

ZAKECI 121:6

Aghanan wi aghani na no thsüh tenaa nben, aghaja wi asha lela nye.

ZAKECI 143:6

Hi kekhie kesa wi la ikwen zanki pi no wi chi; ayyi keqha ti ighamu na nghena dighe bendha.

ZAKECI 42:2

Hi no nmvu benle, hangkebenwa Nyiza; hi khathansha wi wala no ketenpen wi kinyiyaten nu?

ZAKECI 63:1

O Anyiza, no iNyiza le, nu hi no nmvu benle. Hi kahang maben no nmvu ben; ayyi kiqha, kezü nmi nu atssü nkemi tsüti, ighamu na nghena dighe benle.

Kesaki khwi 1:6

Hi ayyikeman ghena hi nghangchila nsala, kepaghenanye aghani na hi thsü dekeka theng. Ibaghathu na imiwi aghepvü nu hi ya kemeshentsse lli wi kuli thsüa. Hi itsisa keya tsüla mu meya.

ISAYA 25:4

Hhaketu nu kekiqa nkemithu na bvü sen nu no wi ghodha, nu agükeccü tsü wi lela yazishu sadha. Caghamo kesa wi no mathu ken-niepen pi cü, nu keyeng ntsa wi mathu kekhwen sa cü. Kedaggü nyi na pathsü wi caghamo ti ssisa,

ISAYA 32:2

Mathu kesüsü tsüdila ameghü wi kuthi keya nu caghamo wi shengten keya ben ti saaben. Tsüthu tsüna ayyikeshü wi atssü na lle keben, nu aghang nkeshigü yyi wi alon keti kekhwen ti saaben.

ISAYA 41:17

‘Inyithu na mathu nsenthu keyishü ghena atssü bha, dighe pi mathu giyan qhayi sa nu gho lethu, hi Apvüwa, mathu kekhie luneng chiden; hi Israel Nyiza, hi mathu yisha nben.

ISAYA 49:10

mathu na khiela ghama nu dighe nben. Aghani nu ayyikeshü wi keyeng na mathu ghong tenaa nben, kepaghenanye mathu ghali ketenwa na mathu ssisenden. Ma mathu ssinu atssü kebvüpen wi waden.

ISAYA 65:13

Tsalina hi nthu kiza den hi kinyi nu ijühkina ketenthu na kedsakejjü kejon muyaben, isala nthu tsü ghama nu dighethi saaben. Mathu na anonghe, isala nthu na kimenniben.

JONA 4:8

Aghani keshhugho seng wi Anyiza na nishuwa ameghü kisa kesun chi, nu Jonah na aghani kisa na ma li thsü kechi wi ma shüca le wa. Tsalina ma shü kesawa nen wa nu ma khi, “Hi hang keben miwi shü kesawa mehaidha.”

MATHI 13:21

Isala mathu ghazan cha meya nu matsü kesie ben meya. Tsalina ajüh tsüwa ghena ketizenkesa nu kemeten-kemesha na kegho wi mathu na wan tsü teshia.

MATHI 13:6

Isala aghani na shhugho tsüthu thsü kechi wi tsüthu ghazan na mehaitsü cha nkeya ghena tsüthu na wan jü wa.

MATHI 5:6

‘Ketsatan ghena ghama nu dighe ketenthu na kemihhi ntsa, kepaghenanye Anyiza na mathu ya anonkwenya thsüden!

MARK 4:17

Isala mathu ghazan dhugü chadu nkeya ghena matsü kesie ben meya. Tsalina ajüh tsüwa ghena ketizenkesa nu kemeten-kemesha kegho wi mathu na wan tsü teshiden.

MARK 4:6

Aghani na shhugho tsü thsü kechi wi ma ghazan na dhugü chadu nkeya ghena tsüna wan jü wa.

Luk Zhükechi Jühtheü Kemehaiwa 1:53

Ma pala kemehai pi ghama kebenthu ghanja cü, nu kebanthu kesun pi kemessü bvü thsüdha.

Luk Zhükechi Jühtheü Kemehaiwa 6:21

“Nthu khili ghama kebenthu na kemihhi ntsa; kepaghenanye nthu na ben yaden!” “Nthu khili qai kebenthu na kemihhi ntsa; kepaghenanye nthu na anonghe yaden!”

JOHAN 4:14

isala thowa na hi atssü pi ma cü ketenwa tsü jjüya khe dighe neng meyacha. Kepaghenanye hi atssü pi ma cü ketenwa tsüna ma wi bvü keshhugho tssükhang kesü sa nu kahangtssü nu anuphan kahang pi ma cüden.”

JAMES 1:11

Aghani na sa ntsa keshagha wi aghang tsü thsü teshiden; ma thighi tsü jüwa nu ma tsikemehai nmiladen. Tsü makesü kebanwa la ma piketsü sa bha keben tsü yasa ben.

CCÜCAKECHI 21:4

Anyiza na mathu nyontssü tsüdi nyen cüben. Ciwi keshü, ahathakina, kiqai, nyelela kinaa nmidha. Pala kaghawenthu tsü nmiladha.”