CCÜCAKECHI 7:12 - Kemethajüh (N) (Re-editing) Bible (BSI)

¹² nu khi, “Amen! Keseng, anyankethang, kemetsa, nkesengcha, kinyikü, kekhang, nu kezü tsüna anuphan nu anuphanla ithu Nyiza ji le! Amen!”

CCÜCAKECHI 7:12 Iomraidhean Croise

NEHEMIYA 12:46

Matsü kesie wakesa Kadimi David nu akhwi kesachüwa Asaf tsü wina akhwi kesachüthu na Anyiza keseng nu nkesengcha khwithu kesa wi accülisaden.

NEHEMIYA 12:8

Levi nyithu: Hathu hana nkesengcha kesa khwikesa wi alikesathu: Jeshua, Bihnui, Kadmiel, Sherebiya, Judah, nu Mattaniya.

ZAKECI 100:4

Nkesengcha sa sen nu Kekinyijjen kaghapengjenka witsü dulo, keseng sen nu ma Kekinyijjen ccühha wi dulo. Nkesengcha pi ma cü nu ma senglo.

ZAKECI 106:48

Apvüwa senglo, Israel Nyizawa; khili nu anuphan ma senglo! Anyi tsüdila ya “Amen!” khi thsü. Apvüwa senglo!

ZAKECI 107:22

Mathu na ahhanshathu pi ma keseng-u, nu anonkeghe khwithu sapi ma kulikechithu tsü khipi nyu kekiza-u le.

ZAKECI 116:17

Hi keseng hhansha kesa khukechi pi no cüden, nu kekhie sapi no wi chiden.

ZAKECI 147:7

Keseng khwithu sapi Apvüwa wi chilo. Harp pi akhwi khou pi ithu Nyiza wi chilo.

ZAKECI 41:13

Apvüwa senglo, Israel Nyizawa! Nansü nu anuphanla ma senglo! Amen! Amen!

ZAKECI 50:14

Nkesengcha kesa tsüpi ahhansha sapi Anyiza cü, nu njüh khishikechi tsüdi pi kekhang ntsawa cülo.

ZAKECI 72:19

Anuphan wila ma nyankethangwa tsü senglo! Ma nyankethang ya ayyi maben pong keyawa sa. Amen! Amen!

ZAKECI 89:52

Anuphanla Apvüwa senglo! Amen! Amen!

ZAKECI 95:2

Ithu na nkesengcha sakechi sen nu ma tuwi wha na, nu anonkeghe ntsa kesengkhwithu sa na.

ISAYA 51:3

‘Hi nanketizen pi Jerusalem, nu ma keyasa wi hang kebenthu tsüdi ccücaden. Ma yyi na ayyikeshü lela hi tsüpi asanku kesü, hi Eden wi shengchi kesawa tsüti sa cüden. Anonkeghe nu kenen na ciwi ben den, keseng nu nkesengcha khwisa pi hi cüden.

JEREMIYA 33:11

tsüna anonkeghe nu kenong nu keshanyi kemishu hhaithu. Nthu na anyithu na nkesengcha kekinyithu sengho hi Kekinyijjen wi chila akhwisa keben zayaben; mathu na hati khiben, ‘Nkesengcha sapi Apvüwa Kekhang ntsawa cülo, kepaghenanye ma mehai nu ma kaghali na anuphanla benden.’ Hi ayyi hawa pi hatu wi ti mehai kayi sa cüden. Hi Apvüwa, hi khidha.”

JEREMIYA 33:9

Jerusalem na ighena anonkeghe, kenyuwakü, nu ashhükesa bvüwa saaben; nu ayyi wi mizzatenti tsüdila hi Jerusalem nyithu ghena pala kemehai kuli kechi nu ben kayi keya sengho anyunutiwa kecü cüki za keya wi messi nu kinün waben.”

JONA 2:9

Isala hi tsü no kesengkhwi saaden; hi ahhansha kesü sapi no cü, nu hi khishiketheng tsü saaden. Hangshakeya tsüna Apvüwa wina gho le!”

MATHI 6:13

Ithu pi kemechu wi ndu thsü la, Isala Nkemehaiwa wina ithu noncca yalo.’

ROMNYI 11:36

Kepaghenanye ma pala tsüdila sachi, nu pala tsüdila ma wina nu ma ghena hangben. Anuphanla Anyiza nyanthang keyawa salo! Amen.

1 KORINTHNYI 14:16

Nthu na aghamu wi ketan keseng pi Anyiza cü lethu, khati nu anyi jümu kesü nthu jawi kebenwa tsü na nthu keseng kekhie kesa wi gweghe “Amen” khiya mehai nu? Ma nthu na mangwa khiben khe chükeya len nmi.

2 KORINTHNYI 4:15

Ha tsüdila nthu ghena; nu Anyiza nanketizen na wa anyi ji pfüpfü cuyathu, mathu na keseng kekhie ji pfüpfü sa pi Anyiza nyankethang saben.

KOLOSSINYI 2:7

Pi nthu sansi kecü tsüti ma wi nthu ghazan chaya, ma wi hang, nu nthu kenondi zü pfü yalo. Nu keseng khukechi pi nthu pongya.

KOLOSSINYI 3:17

Isanu nthu na ma wina keseng pi Abawa Anyiza cü keten tsüti nthu na katsüha kekuli nu ajüh kekhi tsüdi wi la Apvüwa Jisu nyan wina salo.

JUDE 1:25

ithu Pvüwa Jisu Khrista wina ithu Hangshawa Anyiza ketan ya kheni abvüye tsüdi, khili, nu anuphan nu anuphanla anyankethang, ajenkeben, kekhang, nu kekhangkedi kebenwa salo! Amen.

CCÜCAKECHI 1:18

Hi hangben ketenwa tsü le! Hi shü, isala ghangchilo, hi anuphan nu anuphanla hangben. Hi keshü nu keshü yyi miwi kekhangben.

CCÜCAKECHI 19:4

Keshenpfüthu ngwe nu mejü nu hangben keten aghangsathu mejü na kukedu Anyiza ma kadipen wi donki kebenwa tsü kinyi. Mathu na khi, “Amen! Halleluya!”