CCÜCAKECHI 7:10 - Kemethajüh (N) (Re-editing) Bible (BSI)

¹⁰ Mathu na ahhai misikhhali jisha, “Hangshakeya tsüna ithu Nyiza, nu kadipen miwi donki keben Khaghanenizzawa wina kegho!”

CCÜCAKECHI 7:10 Iomraidhean Croise

ZAKECI 115:1

No ghaliki keten nu nleben tsentsa tsü ghena anyankethang tsü pi ithu nyela no ketan, nu no ketan kecü-u le, O Apvüwa .

ZAKECI 3:8

Apvüwa wi khangkeya na ghoden— ma sawegü pi ma nyithu kecüwa salo.

ZAKECI 37:39

Apvüwa na ketsatanthu hangsha, nu agükeccü tsüwi mathu khweden.

ISAYA 43:11

“Hi ketan Apvüwa, hi ketan nthu hangshaya ketenwa tsüle.

ISAYA 45:15

Israel Nyiza, ma nyi hangshaya ketenwa, ma ketanla ma pi kuthi keten Nyiza kesü.

ISAYA 45:21

Gho nu nthu kaghatenjüh pi jüh kaghaten wi chilo; sheikepithu ya khokho keccünengli nan thsülo. Thowa na npi wina sagho keten tsü khichi nu? Tsüna hi, Apvüwa Anyiza, ma nyithu hangsha ketenwa tsü nye kwe? Acenpvü kepa wi nmi.

JEREMIYA 3:23

Ithu na yyishiphon shoni wi acenpvü kepa wi kekinyi ghena ithu kekiqa mangla mu meya. Israel ghena kekiqawa tsüna Apvüwa ithu Nyiza wi ketan ghoden.

HOSEYA 13:4

Apvüwa na khiben, “Hi Apvüwa, nthu Nyiza, Ejipt wina nthu ssi keshhughowa tsü. Nthu na hi khe Anyiza kepa wi nmi. Hi ketan nthu hangshawa.

JONA 2:9

Isala hi tsü no kesengkhwi saaden; hi ahhansha kesü sapi no cü, nu hi khishiketheng tsü saaden. Hangshakeya tsüna Apvüwa wina gho le!”

ZEKHARIYA 4:7

Ntuwi alen kekhenthu na ayikhathu keti ti sa keben tsüna nmila ben. No Kekinyijjenwa tsü saneng ben, nu no alon sakhenwa pi maben wi chi keben wi anyithu na jisha nu, ‘Mehai ntsawa, mehai ntsawa le! khiben.”

ZEKHARIYA 9:9

Zion nyithu! Anongheyalo, anongheyalo! Jerusalem nyithu, anonkeghe ghena jishalo! Ghangchilo, nthu kadimiwa na nthu wi gho tendha! Ma khang ntsa nu nyankethang sala ghoden, isala ma satemeni nu gada kesü miwi donki ben—— gada zza kesü miwi ben.

Luk Zhükechi Jühtheü Kemehaiwa 3:6

Anyi tsüdila Anyiza hangshakeya tsü muyaden.’ ”

JOHAN 1:29

Dhitsüwa wi Johan na Jisu ma tetsaki gho keten muya nu khi, “Ae, Anyiza khaghanenizza ayyi kesami sen nu bvüa ketenwa tsüna ka kale!

JOHAN 1:36

Ma alentsen nu Jisu ghang nu khi, “Ae, Anyiza khaghanenizzawa ka kale!”

JOHAN 4:22

No Samaria nyithu na nthu thowa kinyi ten khe tsü nchü; isala hi Judah nyithu na ithu thowa kinyi ten khe chüben, kepaghenanye hangshakeya na Judah nyithu wina gho.

EFESANYI 2:8

Kepaghenanye kenondi ghena Anyiza nanketizen wi nthu hangsha yadha. Hawa ha nthu ketanla sa keya nye, isala Anyiza na aju khukechi.

CCÜCAKECHI 12:10

Tsaseng wi tang wi ahhai misikhhali kesü khi keben zaya, “Khili Anyiza wi hangshakeya ghodha! Anyiza na khili ma Kadimi kekhang pi ccüca chidha! Khili ma Khrista kekhang pi ccüca chidha! Kepaghenanye Anyiza tu wi ngan nu tsathang tsajang ithu cünyuthu metsimeni ketenwa tsü tang wina jügüshidha.

CCÜCAKECHI 19:1

Hi ha seng wi tang wi anyitenti keti hhai hati kekhi zaya, “Halleluya! Hangshakeya, anyankethang, kekhang na ithu Nyiza ji le!

CCÜCAKECHI 21:5

Tsaseng wi kadipen wi donki kebenwa na khi, “Hi khili pala tsüdila sa pi ketheü sadha!” Ma hi wi hati la khi, “Ha zhüyalo, kepaghenanye ajüh hathu ha atsentsa nu nondi qo le!”

CCÜCAKECHI 22:3

Anyunutiwa wi mangla sanu Anyiza kishen-keshi muya nben. Anyiza nu Khaghanenizzawa kadipen na anyunutiwa wi ben, nu ciwi ma maghathu na ma kinyiben.

CCÜCAKECHI 4:6

Kadipenwa tu wi atssükedone ayena, akhwetssü methasi kesa ti la ben. Kadipen tsü kevü wi hangben keten aghangsa anyon pi atu nu aseng wi pong pvü keten mejü na vüben.

CCÜCAKECHI 5:7

Khaghanenizzawa na wala kadipen miwi donki kebenwa kwen ajewa wi kezhüllu tsü khuya.