CCÜCAKECHI 7:1 - Kemethajüh (N) (Re-editing) Bible (BSI)

¹ Tsaseng wi tangnyilothu mejü na ayyi ccügwen mejü miwi ngan nu ameghü yala ayyi nu atssükedone miwi nsho thsü, nu achanton mangla nmo kuli thsüle kesalina ameghü zanten sen keben hi mu.

CCÜCAKECHI 7:1 Iomraidhean Croise

ISAYA 11:12

Apvüwa na khangthsü piekiya nu Israel nu Judah nyithu na ayyi ccügwen mejü wi bvüzighe kesathu ssi neng gho saghu bendha le kesa pi mizzatentithu ccüca den.

ISAYA 27:3

“Hi tsü hie nu atssü pi zügükini sa. Hi thola ya tsü meyasa thsüle kesa ghena ghaja ghanan tsü hieden.

ISAYA 27:8

Apvüwa na ma nyi kekushi tsüpi mathu kemeten sa cü. Ma nishuwa wina ameghü kekhang ya mathu mo pi bvü thsüa.

JEREMIYA 49:36

Hi ameghü shopi alen tsüdi wi Elam mo thsü, nu hi ma nyithu na kushinyi sa sen nu diyyi tsüdi wila npi wa keya chu ma nyithu jügüzigheaden.

EZEKIEL 37:9

Anyiza na hi wi khi, “Keshü nyiwa, ameghü wi atusenjüh khi chilo. Ameghüwa wi Kemisintsa Apvüwa na ma ya apen tsüdi wina gho nu ahhatha kissa pi keshü kamangthu miwi chi, nu mathu pi hangnengya thsülo khi benle kizalo.”

EZEKIEL 7:2

“Keshü nyiwa, hawa ha hi Kemisintsa Apvüwa na pi Israel yyi wi kiza ben: Hawa ha ayyiwa maben ghena sakhendha le!

DANIEL 11:4

Isanu ma khang ntsa keben tsüwi ma kadipenwa tsü pakhhi pi gishü mejü saaben. Ma shicübvügha nkenye wi kadimithu na ma mithon wi kadisa den, isala mathu na ma sen kesa cu kekhang tsü ben nben.

DANIEL 7:2

hi aghaja wi kemu zhüketheng tsü: Ameghü na apen tsüdi wila sho gho nu atssükedone miwi khang ntsa mo ben.

DANIEL 8:8

Aneni tsüwa na awisa pfüpfü shagha, isala ma khang ntsa keben wi ma ghacüwa tsü pashüa. Tsü pen wi aghacü kemechan mejü na shhugho, nu kesüsü tsüdila alen kepapa wi jatanben.

JONA 1:4

Isala Apvüwa na ameghü kekhang kesun pi atssükedone miwi chi, nu caghamo na khang ntsa kesalina ahunjjenwa tsüna pasaya kemehai kemessi wi ben.

ZEKHARIYA 6:1

Hi kemanthi kepa wi kesü mu. Ha tsüwi hi gorugari mejü na lezza yikha keni jüwi na shhugho keten mu.

ZEKHARIYA 6:5

Ma luneng, “Hathu ha ameghü mejü; mathu na ayyi maben wi Apvüwa tuwi na ghoben.”

MATHI 24:31

Tsaseng wi achünong khu chithu ma ma nyilothu kesun pi ayyi ccügwen mejü wi chi nu ayyi maben wi mathu na ma kessikeya nyithu tsü saghu yaben.

MARK 13:27

Ma tangnyilothu kesun pi ayyi ccügwen mejü wi kesü na wa pahanwa kecu chi nu Anyiza na kessikeya nyithu saghu yaben.

CCÜCAKECHI 20:8

nu ma wala ayyi maben wi bvüzighe keben mizzatentithu mechuben, tsüna Gog nu Megog. Satan na mathu tsüdi saghu sengho ji pi atssükedone ghüsa wi ahachan yyi ti ssigho aghi saden.

CCÜCAKECHI 6:6

Hangben keten ghangsathu mejü ja wi ahhai kesü hati khi keben hi zaya, “Awheng kuwhu kesü na ghanan kesü kutimen, nu achentha kuwhu kecheng na ghanan kesü kutimen. Isala oliv tonthu nu kemeshentsse lli tsü meyasa lalo!”

CCÜCAKECHI 7:3

Tangnyilowa na khi, “Ikhang na mechantsi pi Anyiza maghathu tie wi npi jen keya chu ayyi, atssükedone, nyelela achanton mangla npasa lalo.”

CCÜCAKECHI 8:7

Tangnyilo atuwa na ma tutuwa khouchi. Ciwi aghayi, anni, ajjü pi kesaghu pi ayyi wi keshushachi. Ayyi, achantonthu, nu aghang kemejjü tsüdila gishü kecheng sa nu kesü mecang.

CCÜCAKECHI 9:14

Ahhai tsüna tangnyilo tughowa wi khi, “Nyilothu mejü bhen pi Eufrat Ghaku ketiwa wi chi ketheng tsü lishachilo!”

CCÜCAKECHI 9:4

Mathu na aghangwa nyelela achantonthu nyelela aghanglani mangla meyasala, isani anyi thothu na Anyiza mechantsi pi mathu tie wi jen pvü nten khe tsüthu ketan meten-meshalo kiza theng.