CCÜCAKECHI 4:2 - Kemethajüh (N) (Re-editing) Bible (BSI)

² Aghamu na wan imiwi benya. Tang wi kadipen kesü miwi anyi kesü na donkiben.

CCÜCAKECHI 4:2 Iomraidhean Croise

1 KADIMITHU 22:19

Mikaiya na khiwa: “Khili Apvüwa na mangwa khiben khe kinayalo. Hi Apvüwa na tangwi ma kadipen wi tangnyilothu tsüdila ma vüla donki keben mu.

ZAKECI 11:4

Apvüwa na ma kemetha Kekinyijjen wi ben; ma kadipen tangwi ben. Ma apen tsüdi wi anyi tsüdila ghang ben den, nu mathu na mangwa kuliben khe tsüdila chüben.

ISAYA 6:1

Uzziya Kadimiwa na keshü mapi hi Apvüwa mu. Ma ma kadipen kemisi ntsa miwi donki nu anyankethang nu ma gwokemejuwa kaghazu na Kekinyijjen maben pong.

JEREMIYA 17:12

Ithu Kekinyijjen na anyankethang kadipen ti adechhü wina ayikha kemisi miwi ben.

EZEKIEL 1:26

Tsankevü miwi safir pi sa ketheng kadipen kesü mu, nu kadipen miwi donki kebenwa na anyi kesü ti muben.

EZEKIEL 1:28

ccünieqho tsi kepapa mabenla ben. Kewegü tsüna Apvüwa keben pen tsütson kechiwa.

EZEKIEL 10:1

Hi tsankevü na Cherubim miwi keben tsü ghangchi nan tsüthu miwi pala kesü safir pi kadipen kesa kesü ti mu.

DANIEL 7:9

Hi ghang keben wi kadipenthu piaben pen satheng. Anuphan hangkebenwa tsüna kadipen kesü miwi donkiya. Ma thsümeni na miki pi aghola ti, nu ma lissen na asassen ti metha. Ma kadipen na accüqe nnikeqhethu miwi keben tsüna anniqhe pi kizaben,

MATHI 22:43

Jisu na keü, “Isathu, mangkesa na Aghamu na David kiza nu ma pi ‘Apvüwa’ tsüti ci thsü nu? David kekhi,

IBRINYI 8:1

Ithu khi keben jjügi maben na ha: ithu na Keqhaikedi Kemisintsa kesü na tang wi kadipen wi Anyiza jenkebenwa na ajewa donki kebenwa tsü bendha.

CCÜCAKECHI 1:10

Apvüwa tsathang wi hi aghamu wi keben wi iseng wi tutuwa kekhou hhai ti kesa misikhhali kesü zaya

CCÜCAKECHI 12:5

Nzawa na npvüza kesü pvüghaya, nu ma amighe khhatssü sen nu mizzatenti tsüdi miwi kekhang senden. Isala atsawa tsü ssinu Anyiza nu ma kadipen wi kia.

CCÜCAKECHI 17:3

Aghamu na imiwi dugho, nu tangnyilowa na hi pienu ayyikeshü kesü wi wa. Ciwi hi aghangsa kenmie kesü ma miwi Anyiza kethen nyan zhüki pvü nu nza kesü na ma miwi donki keben mu; aghangsawa tsüna ma li tagü nu ma ghacü tagha ben.

CCÜCAKECHI 19:4

Keshenpfüthu ngwe nu mejü nu hangben keten aghangsathu mejü na kukedu Anyiza ma kadipen wi donki kebenwa tsü kinyi. Mathu na khi, “Amen! Halleluya!”

CCÜCAKECHI 20:11

Tsaseng wi hi kadipen kemiki kesü nu meshu kesü tsü miwi donki keben mu. Atssan nu ayyi na ma tu wi na bvüa nu nmula.

CCÜCAKECHI 21:10

Aghamu na dugho imiwi benya, tangnyilowa na hi ssinu ayikha kemisi ntsa kesü miwi ki. Ma Jerusalem, Kemetha Nyunutiwa, tsü tang wi Anyiza wina dugho keten

CCÜCAKECHI 21:5

Tsaseng wi kadipen wi donki kebenwa na khi, “Hi khili pala tsüdila sa pi ketheü sadha!” Ma hi wi hati la khi, “Ha zhüyalo, kepaghenanye ajüh hathu ha atsentsa nu nondi qo le!”

CCÜCAKECHI 3:21

Hi khangya nu khili iBa kadipen wi ma kete wi donki keben ti khangkeyathu ya hi kadipen wi ikete wi donkiya kemehai pi cüden.

CCÜCAKECHI 4:10

keshenpfüthu ngwe nu mejü na kadipen wi donki kebenwa tu wi kukedu, nu anuphan nu anuphanla hangben ketenwa tsü kinyiden. Mathu mathu kadiliwen pi kadipen tu wi cüchi nu khi,

CCÜCAKECHI 4:5

Kadipenwa wina atsancwe, atsankeshigü nu atsanphagha na shhugho. Kadipenwa tu wi anni kecanki tagü na qheben, tsüthu tsüna Anyiza ghamuthu tagü.

CCÜCAKECHI 4:9

Hangben keten ghangsathu mejü na keseng, nyankethang nu kinyikü khwi sa pi kadipen miwi donki keben anuphan nu anuphanla hangben ketenwa tsü cüben. Tsüthu na tsüti sa gweghe tsü,

CCÜCAKECHI 5:1

Hi kadipen miwi donki kebenwa kwen ajewa wi kezhüllu kesü mu; tsüwa non wi ghapeli qho zhübhon nu mechantsithu tagü pi jen theng.

CCÜCAKECHI 5:13

Nu hi tang, ayyi, ayyi kekhu, nu atssükedone non wi — atssan ayyi wi kahangli keben tsüdila akhwi sa keben zaya: “Kadipen miwi donki kebenwa Khaghanenizzawa, anuphan nu anuphanla keseng nu kinyikü, anyankethang nu kekhang sa keyawa salo!”

CCÜCAKECHI 6:16

Mathu na ayikha nu alon ketithu ci nu khi, “Ithu miwi qanca dugho nu kadipen miwi donki kebenwa nyon kemu nu Khaghanenizzawa lebenketsu wi ithu pi kuthi cülo!