CCÜCAKECHI 4:1 - Kemethajüh (N) (Re-editing) Bible (BSI)

¹ Hi ha tsü wi kemanthi kepa wi kesü wina tang wi ajenka kesü sha ketheng muya. Hi hatu wi zakeya tutuwa kekhou hhai ti kesa tsüna hi wi khi, “He wi kugholo, hi ha seng wi kuli keten pi no ccücaden.”

CCÜCAKECHI 4:1 Iomraidhean Croise

BVÜKESHHU 1:1

Jakob tsathu nu mathu theghithu ma gweghe Ejipt wi kewathu na

BVÜKESHHU 19:24

Apvüwa na luneng, “Cüla Aaron ssinu no gweghe shhugholo. Isala keqhaikedithu nu anyithu na aggü pvüdhi sen nu hi wi kegho yishü, isalethu hi mathu metenmesha ben.”

BVÜKESHHU 24:12

Apvüwa na Mosa kiza, “Ayikha wi shhughola hewi hi hieben lalo; hi alonpha keni miwi Israel nyithu ghena kecükegwe yenthu zhüketheng tsüpi no cüden.”

KEMETSAJÜH 25:7

Apen kemisi wi benyalo kekiza tsüna nben tsü teshi pi anyi kemechanwa cülo kekiza miwi mehaiki.

EZEKIEL 1:1

Amapi changhawa asha mejü wi manga ghanan, hi Ezekiel, keqhaikedi sa kebenwa, Buzi tsawa na Babilon yyi Khebar Ghaku kete wi Judah kushinyithu gweghe hangden. Atssan na shachi, nu hi kemanthi wina Anyiza mu.

MATHI 3:16

Jisu na baptaiz saya meyi atssü wina shhugho. Tsaseng wi tang wi shachi nu ma Anyiza Ghamu na nkhetsü kesü ti sa dugho ma miwi ben wa kesa muya.

MARK 1:10

Jisu na atssü wina shhugho meyi, tang wi shachi nu Aghamu na nkhetsü ti ma miwi dugho keten ma muya.

Luk Zhükechi Jühtheü Kemehaiwa 3:21

Anyi tsüdi baptaiz sa keya seng wi Jisu la baptaiz saya. Ma kekhie sa keben wi tang wi shachi,

JOHAN 16:13

Khathansha wi Aghamu tsüna gho khe ma Anyiza cüki atsentsa pi ccücaben, ma nthu ssi wa atsentsawa wi chi cüben. Kepaghenanye ma ma kekhang wina khi nben, isala ma za keyathu tsü khi nu haseng wi gho keten cüki pi nthu kizaben.

KEKULI 10:11

Tang wi sha chi nu pala khang ti kesa kesü ma ccügwen mejü keben na ayyi wi kedugho mu.

KEKULI 7:56

Ma khi, “Ghangchilo! Tang wi sha nu Anyi Tsawa na Anyiza kwen ajewa wi ngan keben hi mu ben le!”

CCÜCAKECHI 1:10

Apvüwa tsathang wi hi aghamu wi keben wi iseng wi tutuwa kekhou hhai ti kesa misikhhali kesü zaya

CCÜCAKECHI 1:12

Hi iseng wi hi ccüneng kebenwa tsü ghangchi le khapeghe wa nan, hi ciwi suna pi kesa ahula-kedonpenthu tagü muya,

CCÜCAKECHI 1:19

No khili pala mu keyathu tsü, khili kebenthu, nu ha seng wi sa ketenthu lela zhüyalo.

CCÜCAKECHI 11:12

Tsaseng wi atusenjüh-kechü keni na tang wi ahhai misikhhali manyi wi khi keben zaya, “He wi kugholo!” Manyi ghinyithu na manyi ghang keben wi akulukeshü miwi na tang wi kia.

CCÜCAKECHI 11:19

Tang wi Anyiza kekinyijjenwa na sha theng, nu ciwi Cenkethenjüh Khitsonwa tsü muben. Tsaseng wi atsancwe, atsanshigü atsanphagha sa, ameghükuju, nu aghayica ntsa sa.

CCÜCAKECHI 16:17

Tsaseng wi tangnyilo tagüwa na ma hikhu pi atssan miwi keshusha chi. Kekinyijjen wina ahhai misikhhali kesü shhugho nu khi, “Tsüna sa cendha!”

CCÜCAKECHI 19:11

Tsaseng wi atssan shachi nu hi goru kemiki kesü ciwi keben mu. Tsü miwi kebenwa tsüna Jühtsentsawa nu Atsentsawa le khiden; ma ketsatan sen nu ajühkaghaten nu aghisaden.

CCÜCAKECHI 22:6

Tsaseng wi tangnyilowa na hi kiza, “Ajüh hathu ha atsentsa nu nondi qo le! Apvüwa Anyiza, ma Ghamu pi atusenjüh-kechüthu kecüwa na ma nyilo kesunchi pi pala wan sacen keten tsü pi ma maghathu ccüca thsüben.”