CCÜCAKECHI 3:3 - Kemethajüh (N) (Re-editing) Bible (BSI)

³ Tsalina mangwa pi no sansi cü, nu no mangwa zayadha khe tsü meshenya; tsü nieya nu no kesami wina khapeghe yalo. Keujüla no nshagha lethu, hi kaghanfü nyi kesü ti no wi ghoden, nu no hi gho keten tsüwa tsü nchü.

CCÜCAKECHI 3:3 Iomraidhean Croise

EZEKIEL 20:43

Tsasengwi nthu na kejüghe kekulithu kesa tsüdi nu nthu ketanla nthu nakhi kesa meshen yaden. Nthu kekuli nkemehai kesa tsüthu tsüdi ghena nthu ketanla nthu sa nontssü aden.

EZEKIEL 36:31

Nthu na nthu yencüki nkemehai nu sazzi kethengthu tsü meshen nengya nu nthu ketanla nthu kesamithu nu kesazzi sa kethengthu ghena nthu nonhi waaben.

MATHI 25:13

Jisu na khi, “Tsalina nthu kiden-kesha nu hie benlo, kepaghenanye nthu na atsathang nu matsüwa tsü nkechü ghena.”

MARK 13:33

Kiden-kesha, meghe-metsa nu hie benlo, kepaghenanye nthu na matsüwa tsüna khathansha wi ghoten khe nchü.

MARK 13:36

Keujüla ma zuli gho lethu, ma nthu na jen keben mu meya thsüla.

1 THESSALONIKANYI 5:2

Kepaghenanye Apvüwa tsathang tsüna kaghanfü na aghaja wi kegho ti ghoaben kesa nthu na mehaitsü chüben.

1 TIMOTHI 6:20

Timothi, mangwa pi no dhenchi theng khe tsü noncca kemehai sayalo. Anyankekinyen nu kejüphon keccücanli jüh pahan na pi “Palakechü” le khi ketenthu tsü ghü yalo.

2 TIMOTHI 1:13

Hi atsentsa jüh pi no sansi kechithu tsü ghansen khvu sa nu tsütsonca kesü sala nielo, nu Khrista Jisu wi ithu ji kenondi nu ketizen wi tsü benlo.

IBRINYI 2:1

Tsalina ithu cüzzi nwale kesalina ithu atsentsawa zaya kesawa tsü ghansen khvu meyathu yishü.

2 PITOR 1:13

Hi hang keben chu hathu jjügi pi nthu kechü-kenong kesa-u na benle meshen ben.

2 PITOR 3:1

Hi ketizenthu, hawa ha khili ilesü keni tughuwa zhü pi nthu cübendha. Hi nthu yala kemeshen metha shhughoya thsüle kesalina hi keni tughu qho pala hathu pi nthu kiza neng ben.

2 PITOR 3:10

Isala Apvüwa tsathangwa tsüna kaghanfü ti ghoaden. Tsü tsathang wi atssan na ahhai sa sen nu nmila, nu ciwi kebenthu tsü mecang nu yasa ben; ayyi nu ciwi kebenthu tsüdila nmila ben.

CCÜCAKECHI 16:15

“Ghangchilo! Hi kaghanfü nyi kesü ti ghoden! Anyi kesü le kesü lela ma kimissü kegoetenla nu nyu ma kemu wi kejüghe meyale kesalina kiden-kesha nu ma thsümeni noncca ketenthu na kemihhi ntsa.”

CCÜCAKECHI 2:25

Isala nthu na hi npi kegho chu nthu sen ketenwa tsü zükeqhe ghansen wa cuyalo.

CCÜCAKECHI 2:5

No khati kesa wina khuli bvü khe, meshen yalo! No kesami wina khenengya nu no kheni kekuli tsüti salo. Keujüla no kesami wina kheneng meya lethu, hi no wi ghola nhula kedonpen tsü ma pen wina khuyaden.

CCÜCAKECHI 22:7

Jisu khiben, “kinalo! Hi wan gho tendha! Lesüshen ha wi atusenjüh- kekhithu tsü nie ketenthu na kemihhi ntsa le!”

CCÜCAKECHI 3:11

Ae, hi wan ghoaben . Tsalina nyu yala no khangkeya liwen tsü khusen bvü thsü nsale kesalina no sen ketenwa tsü zükeqhe ghansen yalo.

CCÜCAKECHI 3:19

Hi hi kaghalithu tsüdi khah nu meten cüden. Tsalina lebentsentsa sa nu no kesami wina kheneng yalo.

CCÜCAKECHI 3:2

Tsalina shagha, nu no khili kebenwa tsü shütha npi kesa wina satezü yalo. Kepaghenanye no kuli kechiwa tsüna Anyiza tu wi npi cencuya le kesa hi chüben.