CCÜCAKECHI 3:2 - Kemethajüh (N) (Re-editing) Bible (BSI)

² Tsalina shagha, nu no khili kebenwa tsü shütha npi kesa wina satezü yalo. Kepaghenanye no kuli kechiwa tsüna Anyiza tu wi npi cencuya le kesa hi chüben.

CCÜCAKECHI 3:2 Iomraidhean Croise

1 KADIMITHU 11:4

nu ma keqhai tsüwi mathu na ma yala asang cenpvüthu kinyi wa thsüa. Ma ma ba David ti Apvüwa ma Nyiza wi ma leben tsentsa nsala.

1 KADIMITHU 15:3

Ma ma ba ti kesamithu tsü sa, nu ma ma baqhai David na kesa ti Apvüwa ma Nyiza jühkeya wi bentha nsa.

2 KHENICÜKI 25:2

Ma Apvüwa kenenwa tsü sa, isala leben nchila sa.

Job Lesüshen 16:5

Hi sansijüh pi nthu satezü nu ajühkhi pi nthu leben satecca ben kesa.

ISAYA 35:3

Kezü pi akwen mnankezü kebenthu cü, nu akhu nkhangla kedheggü kebenthu cülo.

ISAYA 56:10

Ma khiben, “Accülikesathu, inyithu kitsan kechithu tsüdila anyon nmuladha! Mathu na mangla nchü. Mathu na ajjen kehie ffü khou nketenthu ti, jen nu aman man keten ketan sadha. Mathu na khatila jenben mvu ten nu!

ISAYA 57:12

Nthu na nthu sa ketenwa tsüna meshonle meshen ben, isala hi nthu kekuli pi nthu ccücaden, nu nthu tsikezhüthu tsüna nthu kiqaya nben.

EZEKIEL 34:16

“Hi bhatagha kesathu bhaden, dejabvü kesathu ssineng gho, mesa-mena pvü kebenthu qhan cü, nu naa kebenthu sapi mehai cüden, isala hi kekunon nu zü kebenthu yasaden, kepaghenanye hi kemeshonwa sa keten aneni kehie kesüle.

DANIEL 5:27

whu, no pi kuwhuchan wi whu nan nu mbhi mtsü muyadha;

ZEKHARIYA 11:16

Hi anenikehie kesü pi ijithu hie thsü, isala keyasa na khaghanenithu pateqhe keben wi tsü ma mathu nkiqa; nyelela bhakitaghathu tsü nbha, mesa-mena kebenthu n-noncca, nu hang kebenthu ghanja ncü. Tsüti kesawa nye ma khaghaneni kekunon ntsathu pathi dsa nu tsüthu ccümezen la shia.

MATHI 23:5

Mathu kekuli tsüdi wi anyithu ya mathu muya thsüle saden. Ghangchilo, mathu na Ntsawajüh zhüghu pi mathu tie nu ahacü wi chipvü, nu tsüna di ntsawa muben! Mathu thsümeni miwi athsü kizzakeu tsü la khatila sie nu!

MATHI 25:13

Jisu na khi, “Tsalina nthu kiden-kesha nu hie benlo, kepaghenanye nthu na atsathang nu matsüwa tsü nkechü ghena.”

MATHI 25:7

Ghalathu ma tagha na shagha nu mathu nnikecanki cankiya.

KEKULI 18:23

Ma ghanan keu ciwi ben theng nu tsaseng wi Galatia nu Frugia yyi pvüdhi wala kenondithu tsüdi satezü.

AYENZHÜNENG 3:28

Ma kecükegwethu pi Joshua cülo. Ma kemeshen satezü cü, kepaghenanye ma anyithu ssi wa no ayyi kemuwa tsü nkaya thsüden.’

1 PITOR 4:7

Pala tsüdila asakhenwa tetsakidha. Nthu kekhie saben yale kesalina kekheneng nu meghe-metsa meyathu yishü.

1 PITOR 5:8

Meghe-metsa nu kiden-kesha benlo! Nthu ghinyiwa, atsaghang na ssensitemi ti ghamo sen nu anyi pahan ghandsale cüshuden.

CCÜCAKECHI 16:15

“Ghangchilo! Hi kaghanfü nyi kesü ti ghoden! Anyi kesü le kesü lela ma kimissü kegoetenla nu nyu ma kemu wi kejüghe meyale kesalina kiden-kesha nu ma thsümeni noncca ketenthu na kemihhi ntsa.”

CCÜCAKECHI 2:4

Isala hi hawa ghena no shunben: no kheni hi kaghali tsü teshidha.

CCÜCAKECHI 3:1

“Pi Sardi kemehu nyilowa kecü zhüya:” “Hawa ha Anyiza ghamuthu tagü nu ghotsithu tagü kebenwa ketsijüh. Hi no mangwa saben khe chüben. No shü lela hang keben cüki kemehai kekhi tsü hi chüben.

CCÜCAKECHI 3:3

Tsalina mangwa pi no sansi cü, nu no mangwa zayadha khe tsü meshenya; tsü nieya nu no kesami wina khapeghe yalo. Keujüla no nshagha lethu, hi kaghanfü nyi kesü ti no wi ghoden, nu no hi gho keten tsüwa tsü nchü.