CCÜCAKECHI 3:1 - Kemethajüh (N) (Re-editing) Bible (BSI)

¹ “Pi Sardi kemehu nyilowa kecü zhüya:” “Hawa ha Anyiza ghamuthu tagü nu ghotsithu tagü kebenwa ketsijüh. Hi no mangwa saben khe chüben. No shü lela hang keben cüki kemehai kekhi tsü hi chüben.

CCÜCAKECHI 3:1 Iomraidhean Croise

Luk Zhükechi Jühtheü Kemehaiwa 15:24

Kepaghenanye itsawa hana shü nan ma hangneng yadha, ma bhatagha nan ma mu neng yadha.’ Isanu mathu na kemishu saben.

Luk Zhükechi Jühtheü Kemehaiwa 15:32

Isala ithu anonghe nu kemishu-ule, kepaghenanye ncünyuwa ha shü nan ma hangneng yadha, nu ma bhatagha nan mu neng yadha.’ ”

JOHAN 1:16

Ma nanketizen pong kimenni kesa wina ithu tsüdila nanketizen mu la mu nengya saben.

JOHAN 1:33

Hi ma nchü, isala atssü pi nyu baptaiz salo kesun kechiwa Anyiza na hi kiza, ‘Aghamu na dugho ma miwi ben wa kesa no kemuwa hana ma Kemetha Ghamu pi nyu baptaiz sa ketenwa tsü le.’

JOHAN 20:22

Tsaseng wi ma hathakissa pi mathu miwi chi nu khi, “Nthu Kemetha Ghamu yayalo.

JOHAN 3:34

Anyiza na kesun kechiwa na Anyiza jüh khiden, kepaghenanye Anyiza na nkedela Aghamu pi ma cüden.

KEKULI 2:33

Ma zanki pi ma Ba Anyiza kwen ajewa wi chiya, nu Abawa na ajühkhichi ketheng ti ma Kemetha Ghamu muya. Nu nthu khili mu nu za keben hana ma ju meyisha pi ithu miwi chi kecü.

EFESANYI 2:1

Kheni tsüwi nthu na nthu kesami nu ajüh nkeya ghena aghamulen wi keshü sagho.

EFESANYI 2:5

nu ithu na ajüh nkekina ghena aghamulen wi shü keben wi ma ithu ssigho Khrista wi hangya thsüdha. Anyiza nanketizen wina nthu hangsha yadha.

KOLOSSINYI 2:13

Nthu na kutijü wi nthu kesami ghena nu Judah nyi nkenye sa nu Ayenwa nkemi ghena aghamulen wi keshü sa. Isala Anyiza na khilitsü nthu ssigho Khrista gweghe kahang wi chicüdha. Anyiza na ithu kesamithu tsüdi teshi cü;

1 TIMOTHI 5:6

Isala denyile thowa na ma sajjü kenen wi hangten khe ma hangben lela shüdha.

JAMES 2:26

Tsalina aghamu nkemi agwo na keshü tsüti kenondi la kekuli nkemi tsü keshü.

1 PITOR 1:11

Mathu na matsü khati kesa wi nu khati sa ghoben khe tsü chüya le bha. Hawa ha Khrista Ghamu na mathu miwi ben nu npi wina Khrista ketizen kesa nu anyankethang muya keten cüki tsü khi.

JUDE 1:12

Mathu nkemejüghe kekuli na nthu ashukesa kedsakejjü wi kenenkagha kekaki ti sadha. Mathu na mathu ghena ketan saden. Mathu na ameghü na akulukeshü mo pi ghoten lela atsankegho nkemi ti, nu vvüthimeyi wi lela achanton mabi nkebün ma ghazan pfüshi pi shütha sa thsü kesa tsüti.

CCÜCAKECHI 1:11

tsüna khi, “No kemuthu tsü pi lesüshen kesü wi zhüya nu pi kemehu tagü hathu cülo: Efesa, Smirna, Pergamum, Thiatira, Sardi, Filadelfia, nu Laodikea.”

CCÜCAKECHI 1:16

Ma kwen ajewa wi ghotsithu tagü khusen, nu ma pang wi njünnu ghapeli ma yiyha keben na shhugho, nu ma mmi na aghanan wi aghani wegü keben ti kesa.

CCÜCAKECHI 1:20

No ikwen ajewa ghotsithu tagü keben, nu suna pi kesa ahula kedonpenthu tagü kemu tsü ma jjügi na ha: ghotsithu tagü tsüna kemehu tagü nyilothu, nu ahula kedonpenthu tagü tsüna kemehuthu tagü.

CCÜCAKECHI 1:4

Johan na zhü pi Asia yyi wi Kemehuthu Tagü kecü: Khili kebenwa, kheni na ketenwa, nu ha seng wi gho ketenwa, nu aghamu tagü ma kadipen tu wi ben ketenthu,

CCÜCAKECHI 2:13

No Satan kadipen keben pen wi hang keten tsü hi chüben. Satan kahang pen wi tsü isheikepi tsentsawa Antipa kepathi wi lela no no kenondi nteshila hi wi jühtsentsa sa.

CCÜCAKECHI 2:19

Hi no mangwa saben khe chüben. Hi no kaghali, jühtsentsa kesen, no kekuli, nu kethankehi kesa chüben. No kheni miwi nansüwa kuli kesa la hi chüben.

CCÜCAKECHI 2:2

Hi no kuli kechithu; no khatila npiketsü sa kuli, nu khatila kethankehiya khe chüben. No nkemehai nyithu ghang pvü ben meya, nu no mathu na apostelthu nye lela apostelthu le khi ketenthu tsü ghan-nan nu mathu na milikemesathu le chüya kesa tsü hi chüben.

CCÜCAKECHI 2:9

Hi n-gükeccüthu, nu no kahhatu la chüben, isala no ntsakhiwa keban le! Judah nyi nkenyethu, mathu na Satan nyithu, mathu ajüh nkemehai khi pi no kematang tsü hi chüben.

CCÜCAKECHI 3:15

Hi no kekulithu tsü chüben; nu no bacubana kesa la chüben. Hi no ya kicü nyethu yeng kesa tsü hi nenben!

CCÜCAKECHI 3:2

Tsalina shagha, nu no khili kebenwa tsü shütha npi kesa wina satezü yalo. Kepaghenanye no kuli kechiwa tsüna Anyiza tu wi npi cencuya le kesa hi chüben.

CCÜCAKECHI 3:8

Hi no mangwa saben khe chüben. No kekhang keu ketan keben, nu hi wi ajühtsentsa sen kegho tsü hi chüben. Hi anyi kesütanla khen nkeya jenka sha pi no cüben.

CCÜCAKECHI 4:5

Kadipenwa wina atsancwe, atsankeshigü nu atsanphagha na shhugho. Kadipenwa tu wi anni kecanki tagü na qheben, tsüthu tsüna Anyiza ghamuthu tagü.

CCÜCAKECHI 5:6

Tsaseng wi hi Khaghanenizzawa na kadipen mnon wi ngan, hangben keten ghangsathu mejü nu keshenpfüthu na ma vü sen keben mu. Khaghanenizzawa tsüna pathi kesa ti. Tsüna ma ghacü tagü nu anyon tagü ben, tsüthu tsüna Anyiza ghamu tagü kesun pi ayyi maben wi chi kesathu.