CCÜCAKECHI 2:3 - Kemethajüh (N) (Re-editing) Bible (BSI)

³ No kethankehi nu ighena ketizen sa lela no tsü teshi nsa.

CCÜCAKECHI 2:3 Iomraidhean Croise

ZAKECI 37:7

Leben tisie nu Apvüwa na kuli keten hie benlo; anyithu na mehaikayi keben nyelela mathu nkemehai kekiden wi mehaikeya ghena leben güccü nsala.

ZAKECI 69:7

Tsüwa tsüna nghena nyu hi kimenni, nu kejüghekeya na hi whengbhondha.

MIKA 7:9

Ithu na sami pi Apvüwa shundha, tsalina khili matsü keujü wi ithu na ma lebenketsu wi kethankehi meyathu yishü. Isala asakhen wi ma ithu sheipiya nu nyu na ithu miwi sazzi kethengthu tsü sapi meshon cüaben. Ma ithu ssi shhugho kethang wi chicü; ithu na hangben nu ma ithu hangsha keya muyaben.

MARK 15:21

Mathu na alenca wi anyi kesü diyyi kepa wina anyunutiwa wi gho keten ma nyan Simon tsü metuya, nu süpahithu na ma meten pi Jisu kross pvü thsü. (Simon na Kuren wina kegho ma Alexander nu Rufu manyi ba.)

Luk Zhükechi Jühtheü Kemehaiwa 14:27

Thowa na ma ketanla ma kross pvünu isen nie n-gha khe ma hi sansikeya nyi saya nben.

Luk Zhükechi Jühtheü Kemehaiwa 18:1

Jisu na ajühkaghape kesü pi mathu kiza nu mathu na keshüthangla khieben nu accükwen-nshü lalo kesa mathu sansi.

Luk Zhükechi Jühtheü Kemehaiwa 21:19

Zükeqhe nganyalo, nu nthu ketanla nthu hangsha yaben na.

Luk Zhükechi Jühtheü Kemehaiwa 5:5

Simon na luneng, “Kesansiwa, ikhang na khija ghaja thangthang cü lela mangla ghan meya. Isala no tsüti khi lethu hi kaghanthsü pi cüchi nanben.”

Luk Zhükechi Jühtheü Kemehaiwa 8:15

Amacü ayyi kemehai wi keqancathu tsüna anyi Anyiza jüh tsü zaya nu pi mathu leben wi chiya nu noncca sen wa ma bi bünya nu wwiyale.

JOHAN 15:21

Isala nthu na iji ghena mathu na ha tsüdi nthu miwi sachi ben; kepaghenanye mathu na hi kesun kechiwa tsü nchü.

ROMNYI 12:12

Kenondi wi anonghethi sa, agükeccü wi kethankehiya, nu matsü tsüdi wi kekhie sa tenlo.

ROMNYI 16:12

Hi shalom pi Apvüwa kekuli sa keten keni Trifaena nu Trifosa manyi nu Apvüwa kekuli sa ntsa kechiwa ipvüshangwa Persi cüben.

ROMNYI 2:7

Anyi pahan na kemehai kuli, nu anyankethang, kenyuwakü, nu anuphan kahang bha keten tsüti Anyiza na anuphan kahang pi mathu cüben.

ROMNYI 8:25

Isala keujüla ithu na mu nkebenwa tsü nonditen lethu, ithu na kethankehi nu hie yaben.

1 KORINTHNYI 13:7

Nanketizen na khiela teshi nten; nu kenondi, kaghang, nu kethankehikeya khiela nmila sa nten.

1 KORINTHNYI 16:16

anyi hathu ccülikesa kekhu wi ben, nu mathu gweghe kekuli sa ketenthu jüh kinalo.

2 KORINTHNYI 10:15

Tsalina Anyiza na ikhang ghena kenten sa ketheng nyu kepathu na tsü miwi kuli kechi cüki ghena nkapvü lalo. Tsüti kesawa nye, nthu kenondi ji kayiya nu Anyiza na kenten sa ketheng ciwi na ikhang na keshüthangla nthu jawi kekuli tisie kayi wayaben kesa ghangben.

2 KORINTHNYI 11:23

Mathu Khrista maghathu kwe? Hi kejüphon kesü ti khiben, isala hi mathu miwi kemehaiki amagha kesü le! Hi apiketsü sa kuli, hi kejon tughula atssüzü sa, kejon tughula nyu na hi kihhe, nu hi kejon tughula shü zzi.

2 KORINTHNYI 4:1

Anyiza na nanketizen wina kekuli ha salo pi ikhang kecü ghena ikhang accükwenshü nten.

2 KORINTHNYI 4:16

Ha ghena ikhang na khiela accükwenshü nten. Ikhang gwo sajjü wi nkhang pfüpfü sa wa lela aghamulen wi tsü atsathangla khang pfüpfü saden.

2 KORINTHNYI 5:9

Isala ikhang na pala tsüdi miwi la ajjen he wi benle ciwi wa lela ma kenenwa tsü sa mvuben.

2 KORINTHNYI 6:5

Nyu na ikhang kiccü, atssüzü sa, nu kimenni; ikhang na njenla khhwen nu kuli ntsa sa.

GALATIANYI 6:2

Kesü kesü khhi pvü kiqali den, isathu nthu na Khristanyi yenwa tsü nie yaben.

GALATIANYI 6:9

Tsalina ithu kemehai kekuli wi accükwenshü nsala na; kepaghenanye ithu na nteshila saben lethu, ithu na tsü wwi keya tsüwa na ghoben.

FILIPPINYI 2:16

tsüna nthu ketsijüh pi mathu kekiza wi tsü. Keujüla nthu na tsüti sa lethu, hi Khrista tsathang wi nthu ghena kapvü keya jjügi na benben, kepaghenanye tsüna hi kekuli tsüdila ndedile kesa pi ccücaben.

FILIPPINYI 4:3

Hi gweghe kekuliwa, hi no la nza hathu kiqachi thsü mvuben; kepaghenanye mathu na hi, Clement, nu kepa wi hi gweghe kekulithu, Anyiza kahang lesüshen wi mathu nyan pi zhü kethengthu tsüdi gweghe ajühkemehaiwa ghena apiketsü sa kuli.

KOLOSSINYI 1:11

Nthu yala pala tsüdi wi la kethankehiya thsüle kesalina ma kekhang nyankethang wina kegho kezü tsüdi ya nthu satezü kecüwa salo. Nu anonghela keseng pi Abawa, nthu sa pi Anyiza na kewegü kadiyyi wi ma nyithu ghena kiden ketheng wi tsü gwegheya kemehai sa kecüwa tsü cülo.

1 THESSALONIKANYI 1:3

Kepaghenanye ikhang na Abawa Anyiza tu wi nthu kenondi wi kekuli, nthu ketizen wi kekuli apiketsü, nu nthu Apvüwa Jisu Khrista kenondi wi zükeqhe keben cüki tsü meshen ben.

1 THESSALONIKANYI 2:9

Ikhang cünyuthu, nthu na ikhang khatila agüccü nu kuli khe chübenla metsi. Ikhang na Anyiza wina kegho Jühtheü Kemehaiwa pi nthu kesansi wi nthu likesaghang nsale kesalina ikhang na aghaja ghanan kuli.

1 THESSALONIKANYI 5:12

Icünyuthu, nthu jawi kuli nu Apvüwa wi nthu lentsütson nu kecükegwe ketenthu tsü kinyikülo kesa ikhang na nthu wi khieben.

2 THESSALONIKANYI 3:13

Isala icünyuthu, nthu tsü kemehaiwa kekuli wi accükwenshü yishü.

2 THESSALONIKANYI 3:5

Apvüwa na nthu ssi wa Anyiza ketizen nu Khrista na kekheneng keya khukechi cüki tsü chü kayi keyawa salo.

2 THESSALONIKANYI 3:8

Ikhang na ma men pi nkecü tsü tho nüntsse la ndsa. Isala ikhang na agüccü nu kuli; ikhang na nthu kesü likesaghang la nsale kesalina aghaja ghanan kuli.

1 TIMOTHI 4:10

Ikhang na agüccü ntsa nu kuli, kepaghenanye ikhang kaghangwa tsü pi hangkebenwa Anyiza, anyi tsüdi nu tsü miwi nondi kebenthu Hangshawa miwi chiden.

1 TIMOTHI 5:17

Keshenpfüthu accüli sala kekuli kemehai sa ketenthu, tsüdi miwi apiketsü sala nyu sansi nu ajühkhi ketenthu na kinyikü keni tughu muya qo.

IBRINYI 10:36

Nthu na Anyiza kemeshenwa tsü saya nu ma jühkhuchi ketheng tsü muya le kesalina kethankehi meyathu yishü.

IBRINYI 12:1

Ithu ghena chüzathu ji ntsa ithu vüben. Tsalina alentagha wi ithu len khen nu kesami wi ithu zanten sen keben wi tsüna bvüya nalo, nu lebenzü ntsa sen nu ithu tu wi keben kebvü wi tsü bvü nalo.

IBRINYI 13:13

Tsalina ithu la kemnanpen na ameiwa wa nu ciwi ma gweghe kejüghe keya tsü sa nalo.

IBRINYI 6:10

Anyiza na nkemeshon sa nten. Nthu na kemethathu wi ma ghena kuli nu kiqa cü nu ketizen pi ccücachi kesa tsü nu khilila sa keben tsüti Anyiza na malia nben.

IBRINYI 6:12

Ikhang na nthu ya nontssü nben thsü mvu, isala nondi nu kethankehiya ketenthu ti sa nu Anyiza na khishiketheng tsü muyalo.

IBRINYI 6:15

Abraham na kethankehi ntsa sa nu Anyiza jühkhukechi tsü yaya.

2 PITOR 1:6

nthu kechükeza wi kekheneng keya pi wwaya; nthu kekheneng keya wi kethankehi pi wwaya; nthu kethankehi wi Anyiza kemessikü pi wwaya;

CCÜCAKECHI 1:9

Hi, nthu cünyuwa Johan, Jisu wina nthu gweghe kemeten-kemesha nu kadiyyi wi ben nu kethankehila kekheneng benden. Anyiza jüh nu Jisu cüki pi kekhi ghena hi ghan pi Patmos ayyi-mangkehi wi chia.

CCÜCAKECHI 3:10

No ijühkina nu kethan-kehikeya ghena anyi kemehai-keteshi ghan-nan le kesa ghena agükeccü ayyi tsüdi miwi gho keten tsü wi hi la no hangsha yaben.