CCÜCAKECHI 2:1 - Kemethajüh (N) (Re-editing) Bible (BSI)

¹ “Pi Efesa kemehu nyilowa kecü zhüya: “Hana ma kwen ajewa pi ghotsithu tagü khusen nu suna pi kesa ahula kedonpenthu tagü ja wi ketenwa ketsijüh.

CCÜCAKECHI 2:1 Iomraidhean Croise

EZEKIEL 46:10

Kaditsawa na anyithu na duthu ma la du nu anyithu na shhuthu la shhu, isaben.

MATHI 18:20

Kepaghenanye khiewi meshu keni kecheng inyan wi saghuben khe hi ciwi mathu gwegheben.”

MATHI 28:20

nu hi pi nthu kekiza tsüdi pi mathu sansi nu nieya thsülo. Hi keshüthangla wa kahang sakhen kecu wi lela nthu ssi benden.”

JOHAN 5:35

Johan na ahula wegü keben kesü ti kesa, nu nthu na kutijü ma kewegü witsü ben mvu sale.

KEKULI 18:19

Mathu na Efesa wi ghoya meyi Paul na manyi teshi theng nu Sinagog wi dula Judah nyithu ssinu ajüh keccünengli.

KEKULI 18:21

Isala Paul na mathu teshi keten wi hati khi, “Anyiza kemeshen lethu, hi kheneng nthu wi ghoben.” Isanu ahunjjen wi duya nu Efesa wina bvüa.

KEKULI 19:1

Apollo na Korinth wi keben wi Paul na aghawa na sa sen nu Efesa wi gho. Ciwi ma sansikeyathu pahan muya.

2 KORINTHNYI 6:16

Khati nu Anyiza kekinyijjen na Anyiza nkechü tsikezhüthu makesü saya mehai nu? Kepaghenanye ithu na Anyiza hangkebenwa kekinyijjen! Anyiza na ma ketanla hati khiben, “Hi inyithu pi ijjen sa nu mathu jawi hangden; hi mathu Nyiza saden, nu mathu na inyithu saben.”

CCÜCAKECHI 1:16

Ma kwen ajewa wi ghotsithu tagü khusen, nu ma pang wi njünnu ghapeli ma yiyha keben na shhugho, nu ma mmi na aghanan wi aghani wegü keben ti kesa.

CCÜCAKECHI 1:20

No ikwen ajewa ghotsithu tagü keben, nu suna pi kesa ahula kedonpenthu tagü kemu tsü ma jjügi na ha: ghotsithu tagü tsüna kemehu tagü nyilothu, nu ahula kedonpenthu tagü tsüna kemehuthu tagü.

CCÜCAKECHI 12:1

Tsaseng wi atssan wi amankesa kesü shhugho. Ciwi nza kesü na aghani khu mphi, asha pi ma ccü cakhu wi sa, nu kadiliwen wi ghotsithu tagha keni keben pi ma li wen pvüden.

CCÜCAKECHI 2:12

“Pi Pergamum kemehu nyilowa kecü zhüya: “Hawa ha njünnu yiyha ghapeli qho keben sen ketenwa ketsijüh.

CCÜCAKECHI 2:18

“Pi Thiatira kemehu nyilowa kecü zhüya: “Hawa ha Anyiza Tsawa ma nyon na anni keqhe ti nu ma ccü na lezza misi ketheng ti wegü kebenwa ketsijüh.

CCÜCAKECHI 2:8

“Pi Smirna kemehu nyilowa kecü zhüya: “Hawa ha atuwa nu asakhenwa, shü nu hangnengya kesawa ketsijüh.

CCÜCAKECHI 3:1

“Pi Sardi kemehu nyilowa kecü zhüya:” “Hawa ha Anyiza ghamuthu tagü nu ghotsithu tagü kebenwa ketsijüh. Hi no mangwa saben khe chüben. No shü lela hang keben cüki kemehai kekhi tsü hi chüben.

CCÜCAKECHI 3:14

“Pi Laodikea kemehu nyilowa kecü zhüya: “Hawa ha Amen, atsentsa chüzawa nu jühtsentsa kesawa ketsijüh. Ma Anyiza na sahangkechi tsüdi miwi kekhang kesenwa.

CCÜCAKECHI 3:7

“Pi Filadelfia kemehu nyilowa kecü zhüya: “Hawa ha metha nu atsentsa saben ketenwa ketsijüh. Ma David ji shakhen pi ajenka sha lethu thola khenya nketen, nu khen lethu thola shaya nketen tsü ben.