CCÜCAKECHI 15:3 - Kemethajüh (N) (Re-editing) Bible (BSI)

³ Mathu na Anyiza maghawa Mosa, nu Khaghanenizzawa khwi saben: “Apvüwa Anyiza kekhangkedi ntsawa, no kekulithu tsü khatila di nu amansa nu! Mizzatentithu miwi Kadimiwa, nlen na khatila meshon nu tsatan nu!

CCÜCAKECHI 15:3 Iomraidhean Croise

ADECHHÜ 17:1

Abram na ma kahang achentugu nu tugu mapi wi Apvüwa na ma tuwi gho nu khi, “Hi kekhang Nyizawa. Keshüthangla ijühkina nu kemeshonwa sa tenlo.

1 KHENICÜKI 6:49

Aaron nu ma shicübvüghathu na hankedemvu pi kekinyi nu ahhanshathu sachi, nu tsüthu pi kekinyipen miwi mecang. Kemetha ntsawa Pen wi kekinyi tsüdi nu Anyiza na Israel nyithu kesami teshi kecü ghena ahhansha kesathu tsüna mathu khhi. Anyiza maghawa Mosa na kecükegwe khukechi kenie wina mathu ha tsüdila sa.

2 KHENICÜKI 24:6

tsalina ma mathu ccülikesawa Jehoiada ci chi nu khi, “No Levi nyithu na Judah nu Jerusalem nyithu wi Apvüwa ketenpen Nithsüjjen kenoncca ghena anyithu na khajana khuchiben kesa Apvüwa maghawa Mosa na kekhi tsü kesaghu nmu kwe?”

NEHEMIYA 9:14

No mathu na no Sabbath kemethawa tsü nielo kesa pi mathu sansi cü, nu nmaghawa Mosa wina no ayenthu pi mathu cü.

Job Lesüshen 36:24

keshüthangla ma kekuli ghena ma seng ghoben; no la ma nsengthu yishü.

Job Lesüshen 5:9

Ithu na ma pala kedi kuli keten tsü chüya nben, nu ma amankesa kekuli tsüna kenten nmi.

ZAKECI 100:5

Apvüwa na mehai le; ma kaghali tsüna anuphan nu ma leben tsentsa tsüna anuphan asakhen nmi.

ZAKECI 105:5

Nthu Abraham shicüthu, ma maghathu; nthu Jacob shicübvüghathu, ma kessikeya nyi: Anyiza na amankesa sa kechithu, nu ma jühkaghaten khukechi tsü meshen yalo.

ZAKECI 111:2

Apvüwa na kulikechithu tsüna khatila amansa nu! Tsüthu nenthi ketenthu tsüdila tsüthu chüshiya mvuthi saden.

ZAKECI 111:7

Ma kesakepi tsüdi wi ma aleben tsentsa, nu atsentsa tsü sen den; ma jühkhukechi tsüdila nondi qo le.

ZAKECI 139:14

Hi no seng, kepaghenanye no kemessi-u; no kekuli tsüna keqhethiketen nu amankesa. Hi ileben tsüdi pi tsü chüben.

ZAKECI 145:17

Apvüwa na ma kekulithu tsüdi wi tsatan, ma kekuli tsüdi wi ketizen ketan.

ZAKECI 145:6

Anyithu na no kekuli kedithu tsü khi, nu hi no kedi tsüpi thangchiden.

ZAKECI 18:30

Anyiza hawa ha ma kekulithu na khatila mehai cencu nu! Ma jühkhukechithu tsüna khatila nondi qo nu! Ma wi n-nieyale bha ketenthu tsüdi ghena ma atsonhi ti kesa.

ZAKECI 78:12

Mathu bamyithu na ghangkeben wi, Anyiza na Ejipt yyi Zoan deshentijü wi amankesathu kuli chi.

ZAKECI 92:5

No kulikechithu tsüna khatila di nu, Apvüwa! No kemeshenthu tsüna khatila dhu nu!

ZAKECI 99:4

Kekhang kadimiwa, no mangwa na meshon khe tsü ghaliden; no Israel wi atsentsawa tsü pieki cüdha; no ketsatan nu kemeshon tsü senghodha.

ISAYA 33:22

Ahunjjen miwi kebhenle tsüdila nsenla kemehai ketan; ahunjjen thsükizankithu tsü zanshigüya nben! Ithu na ghinyi süpahizi keben-keyeng tsüdila khuyaden, nu ji ntsa sa nu accü nkemehai nyi la ma shei muyaben. Apvüwa na ithu kadimiwa saaden; ma ithu miwi kekhang sen nu ithu khweden.

ISAYA 45:21

Gho nu nthu kaghatenjüh pi jüh kaghaten wi chilo; sheikepithu ya khokho keccünengli nan thsülo. Thowa na npi wina sagho keten tsü khichi nu? Tsüna hi, Apvüwa Anyiza, ma nyithu hangsha ketenwa tsü nye kwe? Acenpvü kepa wi nmi.

DANIEL 6:20

Ma wala cukeya wi ma leben güccü ntsa nu jishala, “Daniel, hangkeben Nyiza maghawa! No nleben tsentsa sennu ma kekuli sa ketenwa Anyiza tsüna ssensitemithu pang wina no hangsha cü ma?”

DANIEL 9:11

Israel nyithu tsüdila n-yenwa tsü bheghe nu no mangwale khi khe tsü nkina mvula le. Ithu na sami pi no nkenen sadha, tsalina no nmaghawa Mosa Yenwa wi zhüketheng kishen-keshithu tsü sengho ithu miwi chidha.

HOSEYA 14:9

Kemetsathu ya hawi mangwa zhütheng khe chüshi keyawa sa, nu mathu ya tsüpi aleben wi chi keyawa salo. Apvüwa lenthu na meshon, nu ketsatanthu na tsüthu kenie wina hangyaden, isala kesamithu tsü tsüthu nkhichi kesalina accümeshü nu khuliaden.

MIKA 7:20

No kheni ithu bamyithu wi khishi ketheng ti no nleben tsentsa kesa nu ghaliki keten pi n-nyi Abraham nu Jakob shicübvüghathu ccüca ben.

ZEFANIYA 3:5

Isala Apvüwa na khili kecu anyunutiwa witsü ben; ma khiela nsazzila kemeshonwa tsü saden. Ghanen kaghapengla kemeshonwa sengho ma nyithu nkecü sa nten. Isala nketsatan nyithu na ciwi la kesazziwa tsü saki nu jüghe nten.

ZEKHARIYA 9:9

Zion nyithu! Anongheyalo, anongheyalo! Jerusalem nyithu, anonkeghe ghena jishalo! Ghangchilo, nthu kadimiwa na nthu wi gho tendha! Ma khang ntsa nu nyankethang sala ghoden, isala ma satemeni nu gada kesü miwi donki ben—— gada zza kesü miwi ben.

JOHAN 1:17

Kepaghenanye Mosa wina ayenwa tsü khuchi, isala nanketizen nu atsentsawa tsüna Jisu Khrista wina gho.

AYENZHÜNENG 31:30

Tsaseng wi Israel nyithu tsüdila kina keben wi Mosa na akhwi ha tsüdi sa.

AYENZHÜNENG 32:3

Hi Apvüwa nyan sengden, nu ma nyithu na ma kedi cüki khiden.

AYENZHÜNENG 34:5

Tsalina Apvüwa maghawa Mosa, Apvüwa na ma shüaben le khi ketheng ti ma Moab yyiwi shüa.

1 TIMOTHI 1:17

Anuphan Kadimiwa, shü nketen nu mu nketenwa, ma ketan Anyiza, anuphan nu anuphanla kinyikü nu anyankethangwa salo! Amen.

IBRINYI 3:5

Mosa na Anyiza jjen wi amagha ti sa nu ajühtsentsa sa, nu ma Anyiza na gha keten wi khi ketenthu tsü khi.

JOSHUA 22:5

Mosa na pi nthu kekiza yenwa tsü nieya metsilo; Apvüwa nthu Nyiza tizenya, ma kemeshenwa tsü sa, ma yenkhukechithu nieya, ma wi jühtsentsa sa, nu nthu leben nu kahang tsüdi pi ma kekuli salo.”

CCÜCAKECHI 1:8

Apvüwa Anyiza, khili kebenwa, kheni na ketenwa, nu ha seng wi gho ketenwa, Kekhangkedi ntsawa na khiben, “Hi Alfa nu Omega.”

CCÜCAKECHI 11:17

nu khi, “Kekhangkediwa Apvüwa Anyiza, khili kebenwa nu kheni na kebenwa! No kekhangkedi khuya nu kekhang sen wa kesalina ithu na no nkesengcha saben!

CCÜCAKECHI 14:3

Anyi 144,000 tsüna kadipen tu wi, hangben keten ghangsathu mejü, nu keshenpfüthu tu wi ngan nu akhwi ketheü kesü saben, nu mathu ketan akhwi tsü chüben. Ayyi wi anyithu tsüdi ja wi mathu ketan hangshakeyathu.

CCÜCAKECHI 14:8

Tangnyilo keniwa na atuwa seng nie nu hati khi, “Babilon na qancadha, qancadha! Anyunuti ketiwa na qancadha! Kepaghenanye ma ma keqheza kesa mvu kisengtssü kekhang tsü pi ayyi nyithu mejithi le!”

CCÜCAKECHI 17:14

Mathu na Khaghanenizzawa ssinu kaghashen ben, isala Khaghanenizzawa na ma ci keyathu, kessi keyathu, nu jühtsentsa sa ma nie ketenthu ssinu mathu chaya ben, kepaghenanye ma apvüwathu miwi Apvüwa nu kadimithu miwi Kadimiwa.”

CCÜCAKECHI 19:16

Ma gwomejuwa kaghazu nu ma phede miwi anyan pi zhüki pvü keten na: “kadimithu miwi Kadimiwa nu apvüwathu miwi Apvüwa.”

CCÜCAKECHI 19:2

Ma jühkekaghaten na atsentsa nu ketsatan! Ma nza keqheza menkedsawa na ma keqheza nkemehai pi ayyi pasa ketenwa tsü meshensadha. Anyiza na ma meten-mesha cüdha, kepaghenanye nzawa na ma maghathu pathi le!”

CCÜCAKECHI 4:8

Hangben keten ghangsathu mejü, kesüsü wi agisha tugho na ben, nu anyon pi tsüthu pong pvüden. Tsüthu na tsathang tsajang khiela n-nganla hati khiden: “Kemetha, kemetha, kemetha, tsüna Apvüwa Anyiza kekhangkedi ntsawa, ma khili kebenwa, kheni na ketenwa, nu ha seng wi gho ketenwa.