CCÜCAKECHI 14:3 - Kemethajüh (N) (Re-editing) Bible (BSI)

³ Anyi 144,000 tsüna kadipen tu wi, hangben keten ghangsathu mejü, nu keshenpfüthu tu wi ngan nu akhwi ketheü kesü saben, nu mathu ketan akhwi tsü chüben. Ayyi wi anyithu tsüdi ja wi mathu ketan hangshakeyathu.

CCÜCAKECHI 14:3 Iomraidhean Croise

ZAKECI 144:9

Hi akhwi ketheü pi no saki den, O Apvüwa; hi harp tsü khou nu no saki den.

ZAKECI 149:1

Apvüwa senglo! Akhwi ketheü sapi Apvüwa wi chilo; ma nyi tsentsathu na saghu keben wi ma senglo!

ZAKECI 25:14

Apvüwa na ma jühkina ketenthu pvüshangwa, nu ma mathu ssinu cenkethenjüh tsü satezü den.

ZAKECI 33:3

Akhwi ketheü sa pi ma wi chi, harp mehaitsü khou nu anonkeghe sa jishalo.

ZAKECI 40:3

Ma akhwi ketheü pi hi sansi cü, tsüna ithu Nyiza kesengkhwi. Ha mu keyathu kejon na messi, nu mathu kenondi pi Apvüwa miwi chiyaden.

ZAKECI 96:1

Akhwi ketheü kesü sapi Apvüwa wi chilo! Akhwi sapi Apvüwa wi chilo, ayyi tsüdi!

ZAKECI 98:1

Akhwi ketheü sapi Apvüwa wi chilo. Ma amankesathu kuli chidha! Ma kekhang wi nu kemetha kezü wina ma khangyadha.

ISAYA 42:10

Akhwi ketheü sapi Apvüwa wi chilo; ma keseng khwisalo, ayyi tsüdila! ma senglo, nthu atssükedone wi wa ketenthu; ma senglo, atssükedone wi kahangli kebenthu tsüdila! Akhwisalo, ayyi temeja wi kebenthu, nu ciwi kahangthu tsüdila!

1 KORINTHNYI 1:18

Kepaghenanye Khrista na kross miwi keshü cüki ketsijüh hana dedi kebenthu tuwi kejüphon jüh, isala ithu hangshaya kebenthu tuwi tsü hana Anyiza kekhang.

1 KORINTHNYI 2:14

Anyi thowa na Aghamu npvü khe Anyiza Ghamu ju khukechithu tsü yaya nten. Anyi tsüti kesawa na ntsakhiwa tsüthu chüshiya nben; tsüthu na ma ghena kejüphon jüh, kepaghenanye tsüthu men keben tsüna aghamulen wi ketan ghan-nanya mehai.

CCÜCAKECHI 14:1

Tsaseng wi hi ghangchi nan Khaghanenizzawa na Zion Yikha miwi nganben; nu anyi 144,000 na ma nyan nu ma Ba nyan pi mathu tie wi zhüki pvü ketenthu na ma gweghe ben.

CCÜCAKECHI 15:3

Mathu na Anyiza maghawa Mosa, nu Khaghanenizzawa khwi saben: “Apvüwa Anyiza kekhangkedi ntsawa, no kekulithu tsü khatila di nu amansa nu! Mizzatentithu miwi Kadimiwa, nlen na khatila meshon nu tsatan nu!

CCÜCAKECHI 2:17

“Thowa na akhuna pvü ten khe Aghamu na kemehuthu wi khi keben tsü kinaya thsülo!” “Khangkeyathu wi hi kekuthi manna tsü pi cüden. Hi alon kemiki kesü miwi anyan ketheü zhüki ketheng tsü mu keyawa ketan chüya keten la pi mathu kesüsü cüden.

CCÜCAKECHI 5:9

Mathu na akhwi ketheü kesü sa: “No kezhülluwa tsü khuya nu mechantsithu tsü pakhhi qole! Kepaghenanye no pathia, nu no ahhansha sa keshü wina Anyiza ghena amizza, ajühjja, mizzatenti, nu ashicü tsüdi wi anyithu sheiyadha.

CCÜCAKECHI 7:4

Nu hi chükeya na Anyiza mechantsi pi mathu tie wi jenya kesathu na Israel mizza taghakeni wi tsüdi saghula anyi 144,000.