Biblia Todo Logo
Bìoball air-loidhne

- Sanasan -




CCÜCAKECHI 14:2 - Kemethajüh (N) (Re-editing) Bible (BSI)

2 Nu hi tang wi ahhai kesü atssüketi nu atsankeshigü hhai ti kesa tsüna akhwi kechüthu na harp sen nu akhwi sa keben hhai ti zaya.

Faic an caibideil Dèan lethbhreac




CCÜCAKECHI 14:2
29 Iomraidhean Croise  

David nu Israel nyithu tsüdila mathu ghechhen sala Apvüwa kinyikü wi nashü nu akhwisa. Mathu na harp, lair khou, apha kihhe, nu lezza khu pi kekhali.


Mathu na anyunutiwa cukeya wi harp nu tutuwathu khou sen Kekinyijjen wi wa.


Keseng khwithu sapi Apvüwa wi chilo. Harp pi akhwi khou pi ithu Nyiza wi chilo.


Ghakha nu ma nyan senglo; apha kihhe nu harp khou pi ma senglo!


Harp khou pi Apvüwa senglo, achünongli kebenthu tsü khou pi ma senglo.


Isathu hi no kekinyipen wi tsü waden, O Anyiza; na inonkeghe bvüwa le. Hi harp khou nu kesengkhwi sapi no wi chiden, O Anyiza, iNyiza.


Shaghalo, Ighamu! Shaghalo, hi harp nu lair! Hi aghani pamechü chiden.


achünongli kebenthu nu harpthu khou pi anonkegü tsüna.


Apvüwa na Kemisintsawa sa nu tang wi kekhang sen ben, atssükedone kaghamo miwi la diki, atssükedone wi atssükullu miwi khangki.


Kesengkhwithu sapi Apvüwa wi chilo! Harpthu pi akhwi salo!


Pitsüwa ghanen wi atsanshigü nu atsancwe sa, nu akulukeshü jang ntsa gho ayikha tsü kejiya nu tutuwa kekhou hhai misi ntsa kesa za. Kemnanpen wi anyi tsüdi messi pi kedheggü wa.


Anyithu na atsankeshigü nu tutuwa kekhou hhai zaya, atsancwe nu ayikha wi annikekhu shhugho keben kemu wi mathu messi pi kedheggü nu temeja wi ngan wa.


Mizzatentithu na atssüketi hhai ti ghoden, isala Anyiza na mathu khachi nu mathu ya yyishiphon nikhu mo sen nu bvü keten ti, khutsuekevü na amatsi mo sen kebvü ti khenengdha.


nu hi ciwi Israel Nyiza keten kewegü kizali kesawa tsüna nishu wina gho keten mu. Anyiza hhai na atssükedone hhai ti sachi, nu ayyi wina wegü pi kizali sa.


Apvüwa na ma nyithu miwi ghoaben; ma ma lakusü pi atsancwe ti ga chiden. Kemisintsa Apvüwa na tutuwa khou chiben; ma acülawa caghamo wina alentsen shhugho ben.


Hi anyithu nu tangnyilothu jüh khiya ben lela keujüla hi nanketizen tsü nmi lethu, hi amighe kekihhe hhai tsüti saben.


Apvüwa tsathang wi hi aghamu wi keben wi iseng wi tutuwa kekhou hhai ti kesa misikhhali kesü zaya


ma ccü kewegü, na lezza pi anni wi mecang nu matsisa ketheng ti, nu ma hhai na atssüketi hhai ti kesa.


Tsaseng wi atusenjüh-kechü keni na tang wi ahhai misikhhali manyi wi khi keben zaya, “He wi kugholo!” Manyi ghinyithu na manyi ghang keben wi akulukeshü miwi na tang wi kia.


Tsaseng wi tangnyilo tagüwa na ma tutuwa khouchi, nu tang wi ahhai misikhhali nu khi, “Ayyi miwi kekhang sen keten kekhang tsüna khili ithu Pvüwa nu ma Messiya ji sadha, nu ma anuphan nu anuphanla kekhang senben!”


Tsaseng wi hi atssükedone anni pi ayena kesaghu ti kesa, nu tsü miwi aghangsa nu ma tsikezhü, nu ma number pvü ketenthu miwi khangkeyathu na Anyiza na harp pi mathu kecü tsü sen nu ngan keben mu.


Anyithu akhwi kesa hhai, harp, lalali, nu tutuwa kekhou hhaithu khiela no wi nza nengdha! Asenlikesa kekuli nyi no wi nmu nengdha; nu kenyeggü hhai za neng nbendha!


Ma tsüti saya nan, hangben keten ghangsathu mejü nu keshenpfüthu ngwe nu mejü na Khaghanenizzawa tu wi kukedu. Mathu kesüsü harp kesü nu suna khuzza wi hankedemvu pi pong senden, tsüna Anyiza nyithu na kekhie kesa.


Tsaseng wi hi Khaghanenizzawa na mechantsi tagü ja wi atuwa shachi kesa mu, nu ciwi hangben keten ghangsathu mejü wi kesü na ahhai misikhhali tutuwa kekhou hhai ti “Gholo” kekhi hi zaya.


Tangnyilo atuwa na ma tutuwa khouchi. Ciwi aghayi, anni, ajjü pi kesaghu pi ayyi wi keshushachi. Ayyi, achantonthu, nu aghang kemejjü tsüdila gishü kecheng sa nu kesü mecang.


Lean sinn:

Sanasan


Sanasan