CCÜCAKECHI 14:11 - Kemethajüh (N) (Re-editing) Bible (BSI)

¹¹ Mathu kemecang nni kekhu tsüna anuphan nu anuphanla benden. Aghangsa nu ma tsikezhü tsü kinyi ketenthu, nu thowa na ma nyan number tsü pvü ten khe tsüthu ghena ciwi aghaja le aghanan lela kecca nmi!”

CCÜCAKECHI 14:11 Iomraidhean Croise

ADECHHÜ 19:28

Ma wa Sodom, Gomorrah nu yyiketijü maben ghangchi nan ayyi ciwi anniqhe ntsa kesa nikhu ti shhugho keben muya.

ZAKECI 10:16

Anuphan wila Apvüwa na kadimiwa le. Anyiza kepa wi kinyi ketenthu na ma yyi wina nmila ben.

ZAKECI 145:1

Hi no kedi pi thangchi den, iNyiza nu kadimiwa; hi anuphan nu anuphanla no nkesengcha saaden.

BVÜKESHHU 15:18

Apvüwa, no anuphanla kadimiwa saden.”

ISAYA 33:14

Zion wi kesami ntsa nyithu na messi nu kedheggüben. Mathu na khi, “Anyiza jüh kekaghatenwa tsüna anuphanla mecang keten nni tsüti le. Ithu kesüla anni tsüti kesa witsü hangya mehai kwe?”

ISAYA 34:10

Tsüna ghaja ghanan mecang benden, nu ciwi annikekhu na anuphanla khu benden. Abvüye bvüye wila ayyiwa tsü ncala nu thola ciwi pvüdhi nwala ben.

ISAYA 34:8

Matsü hawa ha Apvüwa na Zion kikasha keya nu ma ghinyi miwi jukhi keyawa tsü.

ISAYA 57:20

Isala anyi nkemehaithu na ngan nketen tssükedone tssükullu nhandhila kuli nu kenenkagha nu anisha lle sengho keten tsüti le.

DANIEL 3:6

Anyi thowa na kukedu tsü nkinyi khe wan pi annikeqhe kisa kesü wi khala- chiaben.”

JOEL 2:30

‘Tsü tsathang wi hi tang wi nu ayyi miwi kekitsanthu khuchiben; ciwi ajjükeji, anni, nu annikekhu kulukeshü benden.

MATHI 11:28

“Hi wi ghalo, nthu agüccü nu akhhi kekiyan pvü ketenthu tsüdila, hi kecca pi nthu cüden.

MATHI 25:41

“Tsaseng wi ma anyi ma kwen tavüwa kebenthu wi khiben, ‘Nthu Anyiza kishen-keshi kepvüthu, hi wina bvülo! Atsaghang nu ma nyilothu ghena kiden ketheng anuphan annighajü wi tsü bvülo!

MATHI 25:46

Tsaseng wi hathu ha kesun pi anuphan kemeten wi chiaben, isala ketsatanthu na anuphan kahang wi waben.”

AYENZHÜNENG 28:65

Nthu na khiewila kecca muya nben, nu apen kesüla pi nthu ji le khiya nben; Apvüwa na leben gükeccü, hathakina, nu kaghang nkemi pi nthu pong cüaben.

IBRINYI 1:8

Isala Anyiza na Atsawa cüki khi: “O Anyiza, no kadiyyi na anuphan nu anuphanla benden! No ketsatan sen nu n-nyithu miwi kadisa den.

CCÜCAKECHI 11:15

Tsaseng wi tangnyilo tagüwa na ma tutuwa khouchi, nu tang wi ahhai misikhhali nu khi, “Ayyi miwi kekhang sen keten kekhang tsüna khili ithu Pvüwa nu ma Messiya ji sadha, nu ma anuphan nu anuphanla kekhang senben!”

CCÜCAKECHI 13:12

Tsüna aghangsa atuwa kekhang keben tsü sen nu ma tu wi ben. Tsüna ayyi nu ciwi hang kebenthu tsüdi meten pi aghangsa atuwa ma yisü maya kesawa tsü kinyi thsü.

CCÜCAKECHI 13:15

Aghangsa keniwa tsüna kahang hathakissa pi aghangsa atuwa tsikezhü miwi chi nu tsüna ajühkhi shagha nu anyi tsü nkekinyithu tsüdi pathi thsüa.

CCÜCAKECHI 13:17

Anyi thola azensu, tsüna aghangsa tsü nyan nyelela tsü nyan number tsü nkepvü tsü pala pi jeü nyelela shei meya.

CCÜCAKECHI 14:9

Tangnyilo kechengwa na atuwa keni tsü seng nie nu ahhai misikhhali khi, “Anyi kesü le kesü lela aghangsa nu ma tsikezhü tsü kinyi thsü number tsü pi ma tie nyelela ma kwen wi jen pvü ketenwa

CCÜCAKECHI 18:18

nu anni na nzawa kemecang nikhu tsü muya nu qai: “Ciwi khiela anyunuti ketiwa hati kesa npi ben le!”

CCÜCAKECHI 18:9

Ayyi wi kadimithu ma ssinu keqheza nu kesamvu sa kesathu anni na ma kemecang nikhu tsü kemu wi mathu anyunutiwa tsü ghena magha nu qaiben.

CCÜCAKECHI 19:3

Mathu na kheneng jisha, “Halleluya! Anyunuti ketiwa kemecang nikhu na anuphan nu anuphanla khuben!”

CCÜCAKECHI 20:10

Tsaseng wi Atsaghang, mathu mechu ketenwa tsü pi aghangsawa nu milikemesa tusenjüh-kechüwa pi khalachi ketheng anni lon mecang keben annighajü wi tsü khalachia; mathu ciwi ghaja ghanan anuphan nu anuphanla ketizen sa benden.

CCÜCAKECHI 22:5

Ciwi aghaja nmila ben, nu mathu na ahula nyelela aghani kewegü nsenla mehai, kepaghenanye Apvüwa Anyiza na mathu kewegüwa saden, nu mathu na anuphan nu anuphanla kadimithu sala kekhang senben.

CCÜCAKECHI 7:12

nu khi, “Amen! Keseng, anyankethang, kemetsa, nkesengcha, kinyikü, kekhang, nu kezü tsüna anuphan nu anuphanla ithu Nyiza ji le! Amen!”