CCÜCAKECHI 14:10 - Kemethajüh (N) (Re-editing) Bible (BSI)

¹⁰ na ma ketanla Anyiza leben kekha kisengtssü pi ma lebenketsu hyi pongti chi ketheng tsü jjü yaden! Tsüti kesathu tsüdila tangnyilo kemethathu nu Khaghanenizzawa tu wi na anni nu anni lon wi mecang ben.

CCÜCAKECHI 14:10 Iomraidhean Croise

ISAYA 51:17

Jerusalem, shaghalo! shagha nganyalo! Apvüwa na ma lebentsu nu jjüyalo pi no kecü kemeten hyiwa tsü no jjüyadha; no tsü jjüchiya, nu tsüna no sapi kenenkhukhu sa thsüa.

CCÜCAKECHI 16:19

Anyunuti ketiwa tsü zankhhi zighe pi kecheng sa, nu diyyithu tsüdi wi anyunutithu yasa. Anyiza na Babilon ketiwa yala ma hyi wi ma leben kekha kisengtssü jjü thsü kesa tsü meshenya.

ZAKECI 75:8

Apvüwa na ma kwen wi ahyi kesü senden, nu ma lebenketsu zü kekhang pi tsü pong senden. Ma tsüpi keshusha chi, nu gheshighenathu tsüdila tsü jjüya; mathu na ma khakhen la süjjüa.

ZAKECI 11:6

Ma anni mihi kenmie nu sulfer kemecang kesun pi anyi nketsatanthu miwi chi; ameghü nkemehai sho pila mathu kewheng thsüden.

CCÜCAKECHI 20:10

Tsaseng wi Atsaghang, mathu mechu ketenwa tsü pi aghangsawa nu milikemesa tusenjüh-kechüwa pi khalachi ketheng anni lon mecang keben annighajü wi tsü khalachia; mathu ciwi ghaja ghanan anuphan nu anuphanla ketizen sa benden.

CCÜCAKECHI 19:20

Aghangsawa tsü nu ma tu wi amankesathu kuli kesa milikemesa tusenjüh-kechüwa tsü manyi gweghe pi atssüzü sa thsüa. (Ma amankesa tsüthu pi aghangsawa zensu pvü nu ma tsikezhü kinyi ketenthu tsü mechua.) Aghangsa tsü nu milikemesa tusenjüh- kechüwa manyi qho kahang ghan pi anni ghajü anni lon pi mecang keben wi tsü khalachia.

CCÜCAKECHI 18:6

Ma nthu miwi khati sa theng khe tsüti sa neng pi ma cülo. Ma kuli ketheng miwi kishen keni sa pi ma cülo. Ma no kejjü ghena ketenchi kecü tsü miwi kishen keni pi ma hyi pongti chi cülo.

CCÜCAKECHI 21:8

Isala ashukukenengthu, nyu kematsathu, nyu yasa ketenthu, nyu kepathithu, keqhezathu, dema ketenthu, atsikezhü kinyi ketenthu, nu milikemesathu tsüdi — mathu pen tsüna anni lon mecang keben annighajü tsü, tsüna keshü keniwa.”

MATHI 25:41

“Tsaseng wi ma anyi ma kwen tavüwa kebenthu wi khiben, ‘Nthu Anyiza kishen-keshi kepvüthu, hi wina bvülo! Atsaghang nu ma nyilothu ghena kiden ketheng anuphan annighajü wi tsü bvülo!

Job Lesüshen 21:20

Kesamithu ya mathu kemeten pvüya; mathu ya Kekhang ntsawa Anyiza leben kekha tsü chüya thsülo.

AYENZHÜNENG 29:23

Allithu wi mangla nmila nu alonkemecang nu amcü ketan sa: mangla pi yang meyala nu kepaghathu lela nshhugho laben. Nthu yyi na Apvüwa na aghepvü ntsa sa keben wi yasakesa nyunutithu Sodom nu Gomorrah, Admah nu Zeboiim tsüti saben.

ADECHHÜ 19:24

Apvüwa na zuli anni tsangho pi Sodom nu Gomorrah nyunuti keni miwi chi

JUDE 1:7

Tsüti Sodom nu Gommorah, nu manyi kevü wi anyuthu cüki la meshen chilo, mathu na tsüthu nyi ti kahang nmetha nu qheza-qhena kekuli sa: mathu na anuphan anni wi kemeten-kemesha tsüna tsüdi ghena kekitsan sachi.

ISAYA 30:33

Matsü kesie wa kesa wi Assiriya kadimiwa mecang le kesalina apen kiden ketheng kesü wi anni sa ntsa pi theng. Tsüna dhu nu meza ntsa, nu achan pi misikhhali nbonkitheng. Apvüwa na annikeqhe hathakessashi pi tsü mecang thsüaden .

CCÜCAKECHI 18:3

Kepaghenanye mizzatenti tsüdila ma keqheza kesa mvu kisengtssü kekhang tsü jjü pi adinadha. Ayyi wi kadimithu na ma ssinu keqheza nkemehai sa, nu asenkesa nyithu na ma kesa mvu kekheneng nkeya wi ben kayi wale sa.”

HABAKKUK 2:16

Tsüti nthu na kenyuwakü nyela kejüghekeya pi pongya tendha. Nthu ketanla jjü pi kulu-khukhu saaden. Apvüwa na nthu sapi nthu ketanla nthu kemeten hyiwa tsü jjü thsü tendha, nu nthu kenyuwakü tsü sapi kejüghekeya sa thsüaden .

EZEKIEL 20:48

Mathu tsüdila hi Apvüwa, anni pi tsü mecang chi nu thola tsü patenenya nben kesa muyaben.”

JEREMIYA 25:27

Isanu Apvüwa na hi wi khi, “Anyithu wi kizalo, hi Apvüwa Kekhang ntsawa, Israel Nyiza na mathu na tsü jjü pi adina nu npi keduwe chu, hi aghi kesun pi mathu matang keben ghena mathu na khulidu nu npi shagha nkeya chu tsü jjüben le khiben.

ISAYA 34:9

Edom wi aghakuthu tssü na anie ceng, nu ayyi na awegüsalon ceng waben. Diyyiwa mabenla anie ti mecang ben.

ISAYA 29:9

Wa kejüphon sa benlo! Wa anyon nkemu nyi sa benlo! Kisengtssü nsenla adina yalo! Kejüca kesüla njjüla kulukhukhu salo!

MATHI 26:39

Ma tsü miwi keu wha nu ayyi wi nkhwendu nu kekhie sa, “Iba, keujüla saya mehai lethu, hi wi ketizenkesa hyiwa ha khuya cülo! Isala hi kenen ti nye, no kenen ti sayalo.”

MATHI 20:22

Jisu na atsa keni wi khineng, “Nshinyi na mangwa khie ben khe ma jjügi nchü. Nshinyi na hi ketizenkesa hyi jjü ketenwa tsü jjüya mehai ma?” Manyi na “Ishinyi tsü jjüya mehaile” khineng chi.

NONKEGÜ 4:21

Edom nu Uz nyithu, keqhelo; nthu na saya kemehai keben wi nongya. Nthu ghena ketizenkesa la gho tendha; nthu la kejüghekeya wi kemissü kulukhukhu saben.

JEREMIYA 51:57

Hi ma kekhang kesen kemetsa nyithu, accülikesathu, nu süpahithu pi adina thsüaden . Mathu na jen wa nu khiela shagha neng nbendha. Hi kadimiwa, hi khidha; Hi Apvüwa Kekhang ntsawa.

JEREMIYA 49:12

“Kemeten nkemu qothu lela kemeten hyiwa tsü jjüden, nthu kemeshen tsü nthu nmetenla benya benshe saten kwe? Nyele! Nthu na ahyiwa tsü njjüthu yishü!

ZAKECI 91:8

Anyi gheshighenathu tsüpi khati meten-meshaten khe no ghang nu muden.

ZAKECI 60:3

N-nyithu yala ketizensa ntsa thsüdha; ithu na adina pvü keten ti ithu len ketsen kuludha.

ZAKECI 37:34

No kaghang pi Apvüwa miwi chi, nu ma jühkhukechithu tsü kinalo; ma no kenyuwa ghena ayyi pi no cü, nketsatanthu jügüshi kesa tsü no ya mu thsüden.

Job Lesüshen 18:15

Khili anyi kesüle kesü lela ma nithsüjjen wi hangya mehaidha— sulfer pi tsü mi keghüchi nu satekemetha sengwi!

ZAKECI 73:10

isanu Anyiza nyithu lela khapeghe gho mathu na mangle khi khe lebenchi ntsa nu tsü nondi.

ZAKECI 52:6

Gheshighenathu na ha muya nu messiden; ciwi mathu na no nankeqhe nu khiben,

EZEKIEL 38:22

Hi kesakinaa nu ajjü kekiji pi mathu meten cüden. Hi atsan keshathi nu aghayi pi anni nu annilon saghu pi ma nu ma süpahithu, nu ma wiwa kesa mizzatentithu kejon miwi keshusha chiden.

MARK 8:38

Keujüla anyi kesü le kesü lela ighena nu ajühkemehaiwa ghena keqheza nu kesami nyithu shüsha tuwi jüghe lethu Anyi Tsawa na tangnyilo kemethathu ssinu Abawa nyankethang sa kegho wi anyi tsüwa cüki la pi khi jüghe waben.”

KEKULI 10:22

Mathu na luneng, “Kornelia, süpahi meza miwi kediwa na ikhang kesun chi le! Ma kemehai nyi kesü, Anyiza kinyi nu Judah nyithu tsüdila ma kinyiküden. Anyiza nyilo kesü na ma ya no ci pi ma jjen wi chilo kiza, isanu ma mangwa khi khe kina yalo khi.”

2 THESSALONIKANYI 1:7

nu ma kecca pi nthu ketizen sa kebenthu nu ikhang la cüben. Apvüwa Jisu na ma nyilo kekhangthu ssinu tang wi na kegho wi ma ha saben,

CCÜCAKECHI 15:7

Tsaseng wi hangben keten ghangsathu mejü ja wi kesü na anuphan nu anuphanla hangben ketenwa Anyiza leben kekha pi pongti chi ketheng suna hikhu tagü tsü pi tangnyilothu tagü cü.

CCÜCAKECHI 19:15

Ma pang wi njünnu kedighe kesü shhugho, nu ma tsü sen nu mizzatentithu chayaden. Ma amighe khhatssü kesü sen nu mathu miwi kekhang sen, nu ma Kemisintsawa Anyiza leben ketsu kisengtssü kimisügüpen wi kisengtssü tsü cücha cüben.

CCÜCAKECHI 20:14

Tsaseng wi keshü nu keshü yyi tsü pi annighajü wi khalachia. (annighajü hawa ha keshü keniwa.)

MARK 9:44

(Ciwi ‘aghei mathu dsa ketenthu tsüna shü nten, nu anni mathu mecang keten tsüna nyen nten’.)