CCÜCAKECHI 13:2 - Kemethajüh (N) (Re-editing) Bible (BSI)

² Aghangsa tsüna shenkitemi ti kesa; ma ccü na aduweng ccü ti, nu ma pang na ssensitemi pang ti kesa. Kemanthisa na ma kekhang, kadipen, nu kekhang keben pi aghangsa tsü cü.

CCÜCAKECHI 13:2 Iomraidhean Croise

2 KADIMITHU 2:24

Elisha na mathu ghangkevüli chi nu Apvüwa nyan wina mathu kishencüa. Tsaseng wi aduwengbvü keni agheja wina shhugho pvüzanyithu tsü jügha nu keni ghan pi mezüdhi-mezüghe.

ZAKECI 22:21

Ssensitemi hathu wina hi hangsha yalo; hi amesü süpon hathu tuwi mangla sa meyadha.

KEMETSAJÜH 17:12

Kejüphon pahan kejüphon kekuli wi dhamang keben tsü metu kesa tsü aduweng bvü kesü nyu ma zza ghanfüya kesa metu keyawa mehai.

KEMETSAJÜH 28:15

Ketha-uthu na gheshighenawa matangle kesa kekhang nmi; ma ssensitemi aghekina nyelela aduweng na nyu keka keten ti kesa.

ISAYA 5:29

Süpahithu na ssensitemithu na ghamo nu aghangsathu ghangya nu thola tsü bighi meyala pie bvü keten ti.

JEREMIYA 13:23

Kenimugho nyi kesü na ma hyu tsi kemiliya mehai kwe, nyelela shenkitemi kesü na ma keshenqhe tsü khuya mehai kwe? Keujüla mathu na tsüti saya lethu, nthu mangla nye isala nkemehai ketan sa ketenthu kemeshonwa kesa yen chü kesa le.

JEREMIYA 5:6

Tsalina ayinong wina ssensitemithu na gho mathu ghan; ayyikeshü wina adennithu na gho mathu zandhi-zanghe, nu shenkitemithu na mathu nyutithu wi kegoeden. Keujüla anyi hathu na akhemi wi shhu lethu, mathu zandhi-zangheaben, kepaghenanye mathu kesami na ji ntsa, nu mathu na matsü kejon wila Anyiza wina bvüa.

HOSEYA 11:10

Inyithu na hi khathansha wi mathu ghinyithu wi ssensitemi ti magha khe mathu na hi nieben. Mathu na nishu wiwa na kaghajila hi wi ghoaben .

AMOS 3:12

Apvüwa na khiben, “Anenikehie kesü na ssensitemi kesü ghankea khaghaneniwa tsü ccü kenitan nyelela ma khuna kesütan mukeya tsüti, Samaria nyithu khili awe men kedhu kemehai miwi jen ketenthu tsü kezeng-u ketan na hang yaben.

AMOS 5:19

Tsüna anyi kesü na ssensitemi kesü tubvü wala aduweng kesü metukeya ti saaben. Nyelela anyi kesü na ajjen wi gho ma kwen pi ajjen-keshon miwi chang chi nu amaghang mcü keya ti le!

HABAKKUK 1:8

“Mathu goruthu na shenkitemi miwi la mbhi, adenni kaghama miwi la aghe-nmehai. Mathu goru kessithu na ayyi kelensie wina goru miwi bengho; mathu goruthu na ayyi qanan. Mathu na amumuthu na atsse ghan kedugho ti juchi gho.

2 TIMOTHI 4:17

Isala Apvüwa na hi gweghe ben nu hi satezü cü, isanu hi Judah nyi nkenyethu tsüdila zaya thsüle kesa ghena ketsijüh tsü maben pi thangchiya; nu ssensitemi pang wina hi khushiya.

1 PITOR 5:8

Meghe-metsa nu kiden-kesha benlo! Nthu ghinyiwa, atsaghang na ssensitemi ti ghamo sen nu anyi pahan ghandsale cüshuden.

CCÜCAKECHI 12:13

Kemanthisa na ma jügüsha pi ayyi wi chidha kesa chü keya wi ma atsa kesü pvügha kecü nzawa tsü meten-mesha le sa shagha.

CCÜCAKECHI 12:15

Tsaseng wi nzawa tsü llepie bvü thsüale kesalina kemanthisa na ma pang wi atssüketi ya lle shhugho thsü.

CCÜCAKECHI 12:9

Kemanthisa ketiwa tsü jügüshi pia — tsüna alamyi maghang pi Atsaghang, nyelela Satan le ci, ayyi maben mechu kesawa tsü. Ma pi ma nyilothu gweghe jügüsha pi ayyi wi chia.

CCÜCAKECHI 13:12

Tsüna aghangsa atuwa kekhang keben tsü sen nu ma tu wi ben. Tsüna ayyi nu ciwi hang kebenthu tsüdi meten pi aghangsa atuwa ma yisü maya kesawa tsü kinyi thsü.

CCÜCAKECHI 13:4

Anyi tsüdila kemanthisa tsü kinyi kepaghenanye ma ma kekhang keben tsü pi aghangsa tsü cüdha. Mathu na aghangsa tsü la kinyi nu khi, “Thowa na aghangsawa ti kesa ben nu? Thowa na ma ssikaghashenya mehai nu?”

CCÜCAKECHI 16:10

Tsaseng wi tangnyilo mangawa na ma hikhu pi aghangsa kadipen miwi keshushachi. Kejang na aghangsa kadiyyi pong, nu anyithu na mathu kinaa ghena amili kechhendhi,

CCÜCAKECHI 17:12

“No aghacüthu tagha kemu tsüna kadimithu tagha, mathu na kekhang npi sen shhu, isala kekhang pi mathu cü nu mathu na kadimithu sala aghangsa tsü gweghe amighe kekihhe kesü jü ghena kekhang senben.

CCÜCAKECHI 19:20

Aghangsawa tsü nu ma tu wi amankesathu kuli kesa milikemesa tusenjüh-kechüwa tsü manyi gweghe pi atssüzü sa thsüa. (Ma amankesa tsüthu pi aghangsawa zensu pvü nu ma tsikezhü kinyi ketenthu tsü mechua.) Aghangsa tsü nu milikemesa tusenjüh- kechüwa manyi qho kahang ghan pi anni ghajü anni lon pi mecang keben wi tsü khalachia.

CCÜCAKECHI 2:13

No Satan kadipen keben pen wi hang keten tsü hi chüben. Satan kahang pen wi tsü isheikepi tsentsawa Antipa kepathi wi lela no no kenondi nteshila hi wi jühtsentsa sa.

CCÜCAKECHI 20:2

Ma kemanthisa, alamyi maghang— Atsaghang nyelela Satan— tsü ghan pi amapi hazar kesü ghena bhen pi theng.