CCÜCAKECHI 13:1 - Kemethajüh (N) (Re-editing) Bible (BSI)

¹ Tsaseng wi hi aghangsa kesü atssükedone wina shhugho keten mu. Tsüna ma li tagü nu ma ghacü tagha ben; nu ma ghacü kesüsü miwi kadiliwen ben, nu ma li kesüsü miwi Anyiza kethen nyan na ben.

CCÜCAKECHI 13:1 Iomraidhean Croise

JEREMIYA 5:22

Hi Apvüwa le; nthu na Mangkesa na hi nmessi nu? Nthu na mangkesa na ituwi kenenkhukhu nsa nu? Hi ahachan pi atssükedone na pvüdhiya nketen anuphan ggü kesü sa cü. Atssükedone na kuli lela tsü miwi waya nten; atssükullu na ghamo lela tsü pashaya nten.

DANIEL 11:36

“Siriya kadimiwa na ma kenen saaden, ma acenpvü tsüdi miwila diki, Kekhang ntsawa Anyiza miwi la diki le khi nu awisa den. Anyiza na ma kemeten tsüwa npi kecu chu ma hati sayaben. Anyiza na mangwa kidentheng khe tsüti saaben.

DANIEL 2:41

No accümpha nu ma zanzzathu pahan na amighe nu pahan na apfüyyi tsüti kesa la mu. Tsü ma jjügi na kadinyu gishüzighe kesa. Tsüna amighe kezü ti kesa pahan benden, kepaghenanye ciwi amighe nu apfüyyi pi saghutheng.

CCÜCAKECHI 11:7

Manyi na ketsijüh tsü khisha lethu, ayyiku kedhu wina keshhugho aghangsa tsüna manyi ssikaghashen ben.

CCÜCAKECHI 12:3

Amankesa kepa wi la kesü atssan wi shhugho. Ciwi kemanthisa keti kenmie kesü na ma li tagü ma aghacü tagha, nu ma li tagü tsüdi wi kadiliwen pvü den.

CCÜCAKECHI 13:11

Tsaseng wi hi aghangsa kesü ayyi wina shhugho keten mu. Tsüna Khaghanenizza ghacü ti kesa keni na ben, nu tsüna kemanthisa ti ajühkhi.

CCÜCAKECHI 13:14

Aghangsa atuwa tu wi na amankesa kekuli saya kemehai kekhang tsüwa ghena ayyi wi anyi hang kebenthu tsüdila mechuya. Tsüna anyithu kizala aghangsa nyu na njünnu pi ma mesa-mena lela hang kebenwa tsü kinyikü wina tsü tsizhü yalo khi.

CCÜCAKECHI 13:15

Aghangsa keniwa tsüna kahang hathakissa pi aghangsa atuwa tsikezhü miwi chi nu tsüna ajühkhi shagha nu anyi tsü nkekinyithu tsüdi pathi thsüa.

CCÜCAKECHI 15:2

Tsaseng wi hi atssükedone anni pi ayena kesaghu ti kesa, nu tsü miwi aghangsa nu ma tsikezhü, nu ma number pvü ketenthu miwi khangkeyathu na Anyiza na harp pi mathu kecü tsü sen nu ngan keben mu.

CCÜCAKECHI 16:13

Tsaseng wi hi nkemetha ghamuthu aqanqae ti kesa kecheng mu. Tsüthu na kemanthisa, aghangsa, milikemesa tusenjüh-kechü pang wina shhugho den.

CCÜCAKECHI 17:16

No aghacüthu tagha kemu, nu aghangsa tsüna keqheza menkedsawa nanmeghü ben; mathu na ma keben tsüdi senbvü nu ma kimissü sa thsüaben; mathu na ma sa dsa nu anni pi ma yasa ben.

CCÜCAKECHI 17:3

Aghamu na imiwi dugho, nu tangnyilowa na hi pienu ayyikeshü kesü wi wa. Ciwi hi aghangsa kenmie kesü ma miwi Anyiza kethen nyan zhüki pvü nu nza kesü na ma miwi donki keben mu; aghangsawa tsüna ma li tagü nu ma ghacü tagha ben.

CCÜCAKECHI 17:5

Ma tie wi anyan jjügi kekuthi kesü pi zhüki pvüden: “Babilon ketiwa, ayyi wi keqheza menkedsa nu nankiqanan tsüdi jjawa.”

CCÜCAKECHI 19:19

Tsaseng wi hi ayyi wi aghangsawa tsü nu kadimithu, nu mathu süpahizithu na saghu nu goru miwi donki kebenwa nu ma süpahizi tsü sisale keben mu.