CCÜCAKECHI 11:3 - Kemethajüh (N) (Re-editing) Bible (BSI)

³ Hi kekhang pi hi chüza keni cü nu kesun chiden, nu manyi adhulathsü mphi nu ghanan 1260 Anyiza ketsijüh khiben.”

CCÜCAKECHI 11:3 Iomraidhean Croise

ADECHHÜ 37:34

Jakob na ma hathakina wina ma thsü mezüqhe nu aleshithsü mphiya. Ma ma tsawa ghena matsü kesiela ma nongü.

2 SAMUEL 3:31

David na Abner ghena Joab nu ma nyithu na mathu thsümeni mezüqhe, aleshithsü mphi, nu anongülo kesa ahza khuchia. Keshü ssikechi wi Kadimiwa David la akamang-nku tsü nie wa.

1 KADIMITHU 21:27

Elijah na ajüh kekhi cen seng wi Ahab na ma thsümeni mezüqhe, tsüthu khushia, nu aleshithsü pvüya. Ma kedsakejjü nsen mvula aleshithsü mphi nu jen, nu ammijangthi nu ahathanathi la kegoe.

2 KADIMITHU 19:1

Kadimi Hezekiya na mathu kekhi tsü zaya meyi ma hathakina wina ma thsümeni mezüqhe, aleshithsü mphi nu Apvüwa Kekinyijjen wi wa.

1 KHENICÜKI 21:16

David na tangnyilowa na njünnu hanshi sen nu atssan nu ayyi manyi jüwi ngan nu Jerusalem yasale keben tsü muya. Tsaseng wi David nu anyi ccülikesathu tsüdila aleshithsü mphi nu kukedu, mathu mmi pi ayyiwi nkhwenki.

NEHEMIYA 9:1

Asha tsüwa ngwe nu mejü ghanan wi Israel nyithu na mathu kesamithu ghena ahathakina pi ccüca le kesalina saghu nu gweghe kezi sa. Mathu na asangthu wina mathu kepa sadha. Mathu na ahathakina zensu wina aleshithsü mphi nu ayyi pi mathu li wi chi pvü. Tsaseng wi mathu ngan nu mathu nu mathu bamyithu na kesamithu sa ketheng tsü khishi shhu.

Job Lesüshen 16:15

Hi inongü nu leshithsü mphi, nu hi ciwi nyu nchala ayyinikhu wi donki.

ZAKECI 69:11

Hi anonkegü thsümenithu pvüthu, mathu na hi nankeqhe.

ISAYA 22:12

Kemisintsa Apvüwa Kekhangwa na nthu ya qai nu anongü, nu nthu li whi nu aleshithsü mphilo nthu ci.

JEREMIYA 1:10

Nansü hi mizzatentithu nu kadiyyi miwi kekhang pi no cüben, no ya tsü ghazan pfü, nu zansha, yasa nu pasha, nu pi sheng thsüle kesalina.”

NONKEGÜ 2:10

Jerusalem wi keqhaithu na ayyi wi ccen donkiben, Aleshithsü mphi nu ayyinikhu pi mathu li wi chipvü. Ghala tegüthu na mathu mmi nkhwenca sa.

EZEKIEL 4:6

No tsü cenya lethu, ajewa khapeghe nu Judah kesami ghena ghanan jügha ketizen saaden — ghanan kesü pi amapi kesü sala mathu kemeten saaden.

DANIEL 12:7

Nyilowa na ma kwen keni zanki pi atssan wi chi nu anuphanla benketen Anyiza nyan wina kekishen keti kesü sa. Ma hati khi keben hi zaya, “Tsüna amapi kecheng nu pahan saaden. Anyiza nyithu kemeten-kemesha tsüwa na centhu, pala hathu tsüdi sacen ben.”

DANIEL 7:25

Ma Kekhang ntsawa Anyiza kidhenjüh khi nu Anyiza nyithu pashaben. Ma mathu keccüna yenthu nu akhothu kemiliale kiden, nu Anyiza nyithu na amapi kecheng nu gishü pahan ma kekhang kekhu wi benden.

DANIEL 8:14

Tangnyilo kepawa na keluneng hi zaya, “Tsüna 2,300 shitawa nu aghanen kecu saaben, nu tsü tsüwi ahhanshathu la sa nben. Tsaseng wi Kekinyijjenwa tsü saneng yaben.”

JOEL 1:13

Aleshithsü mphi nu qailo, nthu keqhaikedithu, kekinyipen wi kekuli sa ketenthu, Kekinyijjen wi wa nu ghaja thangthang anongülo! Ciwi asu nyelela kisengtssü mangla pi nthu Nyiza kekinyi nmidha.

JONA 3:5

Nineve nyithu na Anyiza ketsijühwa tsü nondiya. Tsalina mathu tsüdila kezi sa, nu anyi tsüdi kedi ntsawa na wa kizza ntsawa kecu tsüdila leben khapeghe yadha le kesa aleshithsü mphi pi ccüca le kesa südheya.

JONA 3:8

Anyithu nu asahangthu tsüdila aleshithsü npvüthu yishü. Anyi tsüdila ma gheshighena yencüki nu kekuli nkemehaithu tsü teshi nu leben tsentsa sala Anyiza wi kekhie nsathu yishü.

SHICÜSI 11:26

Ccülikesathu achentagü ja wi meshu keni Eldad nu Medad manyi na Nithsüjjen wi nwhala kemnanpen wi ben wa. Kemnanpen wi aghamu na manyi miwi la dugho, nu manyi la atusenjüh khi shagha.

MATHI 11:21

“Nghena kemessi khacu khatila saten nu, Khorazin! Nghena la kemessi khacu khatila saten nu, Bethsaida! Keujüla nshinyi wi amankesa sa kechithu tsü pi Tur nu Sidon wi sachi lethu, ciwi anyithu na kheni na kesami wina mathu leben khapeghe yadhale kesa wina alishithsü mphi nu amihi pi mathu li wi chipvü kesa nan!

MATHI 18:16

Isala keujüla ma njüh nkina mvu lethu, nyu kepa wi meshu kesü keni ssinu no gweghe wa nu Ntsawajüh na kekhi ti ‘kimennijüh tsüdi wi la meshu keni kecheng yala chüza saya thsü’ isale kesalina.

Luk Zhükechi Jühtheü Kemehaiwa 10:13

“Khorazin, nghena khatila qhethiketen saten nu! Bethsaida, nghena la khatila qhethiketen saten nu! Keujüla nshinyi miwi amankesa kulikechi tsü pi Tur nu Sidon miwi kulichi lethu, ciwi anyithu na kheni na mathu kesami wi khapeghe yadhale kesa alishithsü mphi nu donki nu amihi pi mathu miwi chipvü kesa nan!

Luk Zhükechi Jühtheü Kemehaiwa 24:48

Nthu na pala hathu ha ghena chüzathu.

JOHAN 15:27

Nu nthu la isheipi ben, kepaghenanye nthu aghatsan wina hi gweghe den.

JOHAN 3:27

Johan na luneng, “Anyiza wina pi anyi nkecü tsü ma mangla mukeya nmi.

KEKULI 1:8

Isala Kemetha Ghamu na nthu miwi gho lethu kekhang pi nthu pong cüben, nu nthu na Jerusalem, Judea, nu Samaria tsüdi wi nu ayyi ccügwen wi lela ighena chüzathu saben.”

KEKULI 13:31

nu ghanan kejon wi la kheni ma gweghe Jerusalem wina Galilee wi kewathu tuwi gho. Mathu na khili Israel nyithu tuwi ma ghena chüzathu saben.

KEKULI 2:32

Anyiza na Jisu ha sa pi keshü wina shagha nengya thsüa nu ikhang na ha chüzathu.

KEKULI 3:15

Nthu na ma wina kahang keghowa tsü pathia; isala Anyiza na keshü wina ma sa pi hangnengya thsüa— nu ikhang na ha ghena chüzathu.

1 KORINTHNYI 12:28

Anyiza na anyi tsüdi pi kemehu wi alen kesüsü sa thsü theng: atuwa apostelthu, keniwa atusenjüh — kechüthu, nu kechengwa kesansithu; tsaseng wi amankesa kekulithu, tsashiwa kesakinaa sa pi mehai keya kekhang pi cü kethengthu, nyu kekiqathu, nyu len ketsütsonthu, nu ajüh kepa wi kekhithu.

2 KORINTHNYI 13:1

Hi ha khili kecheng tughuwa nthu hhainan gho tendha. Ntsawajüh kekhi ti, “Kaghatenjüh tsüdi wila meshu keni nyelela kecheng na chüza nsathu yishü.”

EFESANYI 4:11

Ma “kesawegü juthu pi anyithu cü”; ma anyi pahan pi apostelthu, kepathu pi atusenjüh-kechüthu, kepathu pi jühketsinyithu, kepathu pi pastorthu nu kesansithu sa thsü theng.

AYENZHÜNENG 17:6

Isala ma keshun jüh chüza keni nyelela kecheng muya ccüla ma pi shü thsülo.

AYENZHÜNENG 19:15

“Chüza kesütan ghena anyi kesü pi kesami sadhale nkhi qo; anyi kesü pi samidha le sale kesalina zeng lela chüza keni nsathu yishü.

CCÜCAKECHI 1:5

nu Jisu Khrista, atsentsa chüzawa, keshü ja wi atuwa pvügha keyawa, nu ayyi wi kadimithu tsüdi miwi kekhang sen ketenwa wina nanketizen nu kecca ya nthu ssiben keyawa salo. Ithu nantizen nu ahhansha sa keshü ghena ma jjü pi ithu kesami wina ithu hangsha keyawa,

CCÜCAKECHI 11:2

Isala kekinyijjen ameiwa tsü nkitegüla, kepaghenanye tsüthu pi Anyiza nkechüthu cüdha, nu mathu na asha jügha nu keni Anyunuti Kemethawa tsü cüten ben.

CCÜCAKECHI 11:6

Manyi Anyiza jüh khi keben chu atsan khen nu ngho thsülaya kemehai kekhang ben. Manyi na kebvütssü tsüdi pi ajjü ceng; manyi kemeshen wi adhagha katsüha la pi ayyi nyi cüya kemehai kekhang la ben.

CCÜCAKECHI 12:6

Nzawa na bvü sen nu Anyiza na ma ghena apen kesü kiden ketheng ayyikeshü wi tsü wa, ciwi ghanan 1260 nyu ma noncca yaben.

CCÜCAKECHI 13:5

Aghangsa yala kekapvü jühkhi nu Anyiza kimenni thsü, nu asha jügha nu keni kekhang keben saya kemehai pi cü theng.

CCÜCAKECHI 19:10

Hi ma ccü wi qancadu ma kinyile sa, isala ma hi wi khi, “Tsüti nsa lalo, hi la no nu ncünyuthu, Jisu pi ccücakechi atsentsawa tsü ghansen ketenthu tsüdi ti kesa amagha kesü le. Anyiza kinyilo!” Kepaghenanye Jisu pi ccücakechi atsentsawa tsüna atusenjüh-kechüthu kechüchiden.

CCÜCAKECHI 20:4

Tsaseng wi kadipenthu, nu tsüthu miwi donki kebenthu ya nyu jühkaghaten ya kemehai kekhang pi cü ketheng mu. Nu hi Jisu pi ccücakechi nu Anyiza jühtsentsawa tsü pi kekhi ghena nyu mathu pathi kesa ghamuthu la mu. Mathu na aghangsawa tsü nu ma tsikezhü la nkinyi, nyelela mathu na tsü zensu tsü pi mathu tie nyelela mathu kwen wi lela njen pvü. Mathu na kahang wi gho Khrista gweghe amapi hazar kesü kadimi sala kadi sa.