CCÜCAKECHI 11:2 - Kemethajüh (N) (Re-editing) Bible (BSI)

² Isala kekinyijjen ameiwa tsü nkitegüla, kepaghenanye tsüthu pi Anyiza nkechüthu cüdha, nu mathu na asha jügha nu keni Anyunuti Kemethawa tsü cüten ben.

CCÜCAKECHI 11:2 Iomraidhean Croise

ZAKECI 79:1

O Anyiza, no nkechüthu na n-yyiwa tsü yayadha le. Mathu no kekinyijjen kemethawa tsü nakhi, nu Jerusalem tsü la yasadha.

ISAYA 48:2

Isala nthu na anyunutiwa wi kahang nyi, nu Israel Nyiza, ma nyan na Apvüwa Kekhang ntsawa tsü nondi tenle kapvü nu khiden.

ISAYA 5:5

Hi hi kemeshentsse lli ghena hati saaden; hi tsü kaghapeng chan sen nu bvüaden, nu aghapeng tsü phegheaden, nu aghangsathu ya tsü dsa nu tsü cütekeda thsüaden .

ISAYA 52:1

Jerusalem, zü nu di neng shaghalo! Anyiza nyunuti Kemethawa, njenkeben thsü mphi yalo! Anyiza nkechünyi na nkhweti jenka wi gho nengya nbendha.

NONKEGÜ 1:10

Ghinyithu na ma nu ma keben-keyeng tsüdi tengyadha. Ma mathu na Kekinyijjen wi duketen mu, Ciwi Apvüwa na Anyiza nkechüthu ya du thsü nten.

EZEKIEL 4:6

No tsü cenya lethu, ajewa khapeghe nu Judah kesami ghena ghanan jügha ketizen saaden — ghanan kesü pi amapi kesü sala mathu kemeten saaden.

EZEKIEL 42:20

tsalina ajjen wikeshonwa tsüna meter 250 meceqe, Ajjen wikeshon tsüna kemetha nu nkemetha ghüdhi kepapa saben.

DANIEL 12:7

Nyilowa na ma kwen keni zanki pi atssan wi chi nu anuphanla benketen Anyiza nyan wina kekishen keti kesü sa. Ma hati khi keben hi zaya, “Tsüna amapi kecheng nu pahan saaden. Anyiza nyithu kemeten-kemesha tsüwa na centhu, pala hathu tsüdi sacen ben.”

DANIEL 7:19

Tsaseng wi hi aghangsa mejüwa kepathu ti nyela qhethiketenkesa, ma lezza ccümezenthu pi ma tsse tsü ghan, ma mighe yhathu pi nkücha, nu tsaseng wi tsüthu miwi cüten kebenwa cüki tsü chüya mvu sa.

DANIEL 7:25

Ma Kekhang ntsawa Anyiza kidhenjüh khi nu Anyiza nyithu pashaben. Ma mathu keccüna yenthu nu akhothu kemiliale kiden, nu Anyiza nyithu na amapi kecheng nu gishü pahan ma kekhang kekhu wi benden.

DANIEL 8:10

Tsüwa tsüna zü pfüpfü pi tang süpahizi, ghotsithu, ssisaya kemehai sa, nu tsüthu pahan pi ayyi wi khala chi, nu tsüthu cüten.

DANIEL 8:13

Tsaseng wi hi tangnyilo kesü na kepawa wi keü keben zaya, “Kemanthi wi kemu tsüthu tsüna matsü khathu waben nu? Kesami pongcawa tsüna khathu atsathangla hhansha kesathu tsü mithon saaben nu? Matsü khathu tang süpahizi nu Kekinyijjenwa tsü cüten benten nu?”

DANIEL 8:14

Tangnyilo kepawa na keluneng hi zaya, “Tsüna 2,300 shitawa nu aghanen kecu saaben, nu tsü tsüwi ahhanshathu la sa nben. Tsaseng wi Kekinyijjenwa tsü saneng yaben.”

SHICÜSI 14:34

Nthu na ghanan jügha ayyi tsü hhainan kewa tsüti ghanan kesü pi amapi kesü sa nu nthu kesami ghena amapi jügha ketizen sa ben. Hi nthu keshun tsü nthu na ma jjügi chüyaben.

MATHI 27:53

Mathu na shagha ashüjjenthu teshi nu Jisu na keshü wina hangneng-keshagha seng wi mathu gweghe Kemetha Nyunutiwa wi wa, nu ciwi anyi kejon na mathu mu.

MATHI 4:5

Tsaseng wi Atsaghang na Jisu ssinu Kemetha Nyunutiwa Jerusalem wi wa nu ma pi Kekinyijjen mili kemisi ntsa wi ben thsü,

MATHI 5:13

“Nthu na ayyi nyi tsüdi ghena amcü ti kesa. Isala amcü na ma kisheng nmila lethu mang la sanu tsü yala sheng neng thsüya nten. Tsüna mangla nyedha, tsalina pi khala nu anyithu na accü pi tsü cütenden.

Luk Zhükechi Jühtheü Kemehaiwa 21:24

Njünnu pi pahan süthi nu kepathu ssinu diyyi tsüdi wi atssüzü sa waben; nu Judah nyi nkenyethu na mathu tsü npi kecu chu Jerusalem cüten ben.

IBRINYI 10:29

Isalethu, anyi Anyiza Tsawa pi ma men nkemi sa, ajjü pi Anyiza Cenkethenjüh sa nu kesami wi ma satemetha ketheng tsü pi lekete sa, nu Aghamu nanketizen then ketenwa tsü khati saben nu? Meshenchilo, ma kemeten-kemesha nkemehai khacu muya qo nu!

CCÜCAKECHI 11:11

Ghanan kecheng nu gishüpahan seng wi Anyiza wina kahang khuchiketen hathakissa na manyi gwo wi du nu manyi shagha; nu manyi mukeyathu tsüdila qhethiketen sa.

CCÜCAKECHI 11:3

Hi kekhang pi hi chüza keni cü nu kesun chiden, nu manyi adhulathsü mphi nu ghanan 1260 Anyiza ketsijüh khiben.”

CCÜCAKECHI 12:6

Nzawa na bvü sen nu Anyiza na ma ghena apen kesü kiden ketheng ayyikeshü wi tsü wa, ciwi ghanan 1260 nyu ma noncca yaben.

CCÜCAKECHI 21:10

Aghamu na dugho imiwi benya, tangnyilowa na hi ssinu ayikha kemisi ntsa kesü miwi ki. Ma Jerusalem, Kemetha Nyunutiwa, tsü tang wi Anyiza wina dugho keten

CCÜCAKECHI 21:2

Nu hi Kemetha Nyunutiwa, Jerusalem ketheüwa tsüna tang wi Anyiza wina dugho keten mu, tsüna shanyili kesü na ma thsümeni kiden-kesha pvü nu ma wubawa metu le keben ti kesa.

CCÜCAKECHI 22:19

Nu keujüla anyi kesüla lesüshen ha wi atusenjüh-kekhi jühthu sen bvü lethu, lesüshen ha wi zhü ketheng Kemetha Nyunutiwa nu kahang chan bi wi tsü Anyiza na ma sheiwa tsü khusen bvüaben.