CCÜCAKECHI 11:1 - Kemethajüh (N) (Re-editing) Bible (BSI)

¹ Tsaseng wi pala kitegüji kesü pi hi cü nu hi wi kiza, “Wala Anyiza kekinyijjen nu kekinyipen tsü kitegüya, nu kekinyijjen wi kinyi kebenthu si yalo.

CCÜCAKECHI 11:1 Iomraidhean Croise

ISAYA 28:17

Ajühtsentsa pi ma gi kemthsü ketegüji, nu ketsatan pi kemtong ketegüji saaden.” Aghayi-caghamo sa sengho no maghaki keten milikemesa tsüdila mo pi bvüaden, nu atssüdan na gho nthu na yazishu keben tsü yasa den.

DANIEL 7:27

Ayyi wi kadinyuthu tsüdi kekhang nu keti pi Kekhang ntsawa Anyiza nyithu cüaden. Mathu kadi kekhang na asakhen sa nben, nu ayyi wi kekhang kesenthu tsüdila mathu kekuli sa nu mathu jühkina den.”

2 KORINTHNYI 6:16

Khati nu Anyiza kekinyijjen na Anyiza nkechü tsikezhüthu makesü saya mehai nu? Kepaghenanye ithu na Anyiza hangkebenwa kekinyijjen! Anyiza na ma ketanla hati khiben, “Hi inyithu pi ijjen sa nu mathu jawi hangden; hi mathu Nyiza saden, nu mathu na inyithu saben.”

1 PITOR 2:5

Kahang lonthu ti sa gho nu nthu pi aghamulen wi kekinyijjen kesa wi sen thsülo, ciwi nthu na kemetha keqhaikedithu kekuli sa nu Jisu Khrista wina aghamulen wi keya qo hhanshathu sa pi Anyiza wi chiben.

1 PITOR 2:9

Isala nthu na kessikeya mizza, kadimi keqhaikedithu, kemetha mizzatenti, Anyiza nyithu, Anyiza kekuli amankesathu tsü pi thangchilo kessiya, ma kejang wina nthu cishi pi ma kewegü, amankesa wi chiya kesawa tsü.

CCÜCAKECHI 10:11

Tsaseng hi wi kiza, “No kheneng kuti Anyiza ketsijüh wina mizzatenti, ashicü, ajühjja, nu kadimithu kejon cüki pi nkhichithu yishü.”

CCÜCAKECHI 21:15

Tangnyilo hi ccüneng kebenwa kwen wi suna khhatssü kekitegüji kesü sen nu anyunuti, ajenkathu, nu ma khweti kitegü le saben.