CCÜCAKECHI 10:3 - Kemethajüh (N) (Re-editing) Bible (BSI)

³ nu ahhai misikhhali ssensitemi kaghamo hhai ti jisha. Ma jisha kechi seng wi atsankeshigü tagü na ghamo pi ma lunengchi.

CCÜCAKECHI 10:3 Iomraidhean Croise

ZAKECI 29:3

Atssükedone wi Apvüwa hhai zaya den; anyankethang Nyiza na ghamo chi, nu ma hhai tsüna atssükedone miwi keheki chi.

KEMETSAJÜH 19:12

Kadimiwa leben ketsu tsüna ssensitemi kesü kaghamo ti, isala ma kenen tsüna aghang miwi akejan ti kesa.

ISAYA 31:4

Apvüwa na hi wi khi, “Aneni kehiethu na magha nu jishaben lela mathu na mangla sa nu ssensitemi na asa ghansen kebenwa tsü pateqhe pi bvü thsüya nben; tsüti Apvüwa Kekhang ntsawa, hi Zion Yikha khwe keben tsü teshi thsüya nben.

ISAYA 42:13

Apvüwa na aghikekhang nyi ti shula kesaliden; ma aghi ghena kidenben nu wa mvuben. Ma aghi thangchi, aghi ghena jishachi; ma ma ghinyi shun nu ma kekhang pi ccüca.

ISAYA 5:29

Süpahithu na ssensitemithu na ghamo nu aghangsathu ghangya nu thola tsü bighi meyala pie bvü keten ti.

JEREMIYA 25:30

“Jeremiya, no hi kekhi jüh tsüdi pi nthangchithu yishü. No anyi hathu wi hati kizalo, ‘Apvüwa na tang wina nu atssan kemisi ntsa wina ghamo chiden. Ma magha pi ma nyithu matang; ma anyi kesü na kemeshentsse ghaceng keben ti jishaben. Ayyi wi anyi tsüdila ma hhai zaben,

EZEKIEL 10:5

Cherubim gisha kebhagha hhai na ameiwa ccühha wi lela zaya. Tsüna Apvüwa Kekhang ntsawa hhai ti sachi.

HOSEYA 11:10

Inyithu na hi khathansha wi mathu ghinyithu wi ssensitemi ti magha khe mathu na hi nieben. Mathu na nishu wiwa na kaghajila hi wi ghoaben .

JOEL 3:16

Apvüwa na Zion Yikha wina ghamo; ma hhai na Jerusalem wina shhugho ben; atssan nu ayyi na kedheggü. Isala ma ma nyithu khwe yaden.

AMOS 1:2

Amos na khi, “Apvüwa na Zion Yikha wina ghamo; Jerusalem wina ma hhai sa chiben. Amouthu na jü wadha, nu Karmel Yikha wi aghang na wengwengdha.”

AMOS 3:8

Ssensitemi kesü na ghamochi lethu thowa na nmessila benya mehai nu? Khathansha wi Kemisintsa Apvüwa na ajühkhi khe thowa na ma ketsijüh pi nthangchi laya mehai nu?

CCÜCAKECHI 14:2

Nu hi tang wi ahhai kesü atssüketi nu atsankeshigü hhai ti kesa tsüna akhwi kechüthu na harp sen nu akhwi sa keben hhai ti zaya.

CCÜCAKECHI 15:1

Tsaseng wi tang wi pala zensu nu amankesa keti mu. Tangnyilothu tagü na adhagha sakhen tagü senden, kepaghenanye tsüthu na Anyiza leben kekha pi ccüca kechi sakhendha.

CCÜCAKECHI 15:7

Tsaseng wi hangben keten ghangsathu mejü ja wi kesü na anuphan nu anuphanla hangben ketenwa Anyiza leben kekha pi pongti chi ketheng suna hikhu tagü tsü pi tangnyilothu tagü cü.

CCÜCAKECHI 4:5

Kadipenwa wina atsancwe, atsankeshigü nu atsanphagha na shhugho. Kadipenwa tu wi anni kecanki tagü na qheben, tsüthu tsüna Anyiza ghamuthu tagü.

CCÜCAKECHI 8:5

Tsaseng wi nyilowa na hankedemvu kemecang hikhu tsü khuya nu kekinyipen wi anni pi tsü pongya, nu pi ayyi wi khalachia. Isanu ciwi atsanshigü, atsanphagha, atsancwe, nu ameghükuju sa.