CCÜCAKECHI 1:9 - Kemethajüh (N) (Re-editing) Bible (BSI)

⁹ Hi, nthu cünyuwa Johan, Jisu wina nthu gweghe kemeten-kemesha nu kadiyyi wi ben nu kethankehila kekheneng benden. Anyiza jüh nu Jisu cüki pi kekhi ghena hi ghan pi Patmos ayyi-mangkehi wi chia.

CCÜCAKECHI 1:9 Iomraidhean Croise

MATHI 20:23

Jisu na manyi kiza, “Nshinyi na hi kejjü hyi tsü jjüya mehai, isala hi ikwen ajewa nu tavüwa benya thsüle kesa kekissiu nmi. Tsüthu tsüna iBa na thothu ghena kiden theng khe tsüthu jile.”

MARK 10:39

Manyi “Sayamehai le” khineng. Jisu na manyi wi khi, “Nshinyi hi jjü keten hyiwa tsü jjüya mehai nu hi baptaiz sa ketenwa tsü saya mehai,

JOHAN 16:33

Nthu hi wi keben ghena kecca benya thsüle kesalina hi ha pi nthu kizadha. Nthu na ayyi hawi ketizen saben. Isala nthu kempvüza sayalo! Hi ayyi ha miwi khangyadha.

KEKULI 1:15

Ghanan keu seng wi kenondithu anyi meza nu nkwe ghola mehu keben wi Pitor na shagha ajühkhi.

KEKULI 14:22

Manyi ciwi wa kenondithu na kenondi tsentsa wi benya thsüle kesalina mathu satezü nu kechü-kenong nu khi, “Ithu na Anyiza Kadiyyi wi dule kesalina agükeccü kejon saben.”

ROMNYI 8:17

Ithu na ma tsangathu saya kesalina ithu na ma kemihhi pi ma nyithu ghena kiden ketheng tsü ghong yaden, nu ithu Anyiza na pi Khrista ghena kethengwa tsü la ma gweghe ghong yaden; kepaghenanye ithu na Khrista gweghe ketizen kesa ghena ma nyankethang wi la ma gweghe yaben.

ROMNYI 8:25

Isala keujüla ithu na mu nkebenwa tsü nonditen lethu, ithu na kethankehi nu hie yaben.

2 KORINTHNYI 1:7

Tsalina ikhang na nthu wi kaghangwa tsü khiela pakuli meya; kepaghenanye nthu na ikhang gweghe ketizen kesa ti nthu na ikhang gweghe la kekiqa mu yaben kesa ikhang na chüben.

FILIPPINYI 1:7

Nthu na keshüthangla ileben wi benten le! Tsalina hi nthu ghena meshen keten tsüti hi hati kesa-u. Kepaghenanye nthu tsüdila Anyiza pi hi kecü nanketizen wi ha hi gweghe ben, tsüna hi khili atssüzü sa keben wi le kekhen mangla nmila ajühkemehaiwa khi nu tsü satezü keben wi lela.

FILIPPINYI 4:14

Isala nthu na hi agüccü keben wi hi kiqa kecü tsüna mehai ntsawa.

2 THESSALONIKANYI 3:5

Apvüwa na nthu ssi wa Anyiza ketizen nu Khrista na kekheneng keya khukechi cüki tsü chü kayi keyawa salo.

2 TIMOTHI 1:8

Tsalina Apvüwa ghena chüza sa jüghe nsala; nyelela hi Khrista ghena atssüzü sa kebenwa ghena la jüghe nsala. Isala Anyiza na kekhang pi no kecü wi Jühtheü Kemehaiwa ghena nshei ketizen kesa tsü khuyalo.

IBRINYI 10:36

Nthu na Anyiza kemeshenwa tsü saya nu ma jühkhuchi ketheng tsü muya le kesalina kethankehi meyathu yishü.

1 PITOR 5:1

Hi keshenpfü nyi kesü, ajüh pi nthu jawi kemehu keshenpfüthu kizaben. Hi Khrista ketizen kesa chüza kesü, nu nkhe wi anyankethang pi ccüca keten wi ishei la ben. Hi nthu wi khiben,

CCÜCAKECHI 1:1

Lesüshen hana Jisu Khrista pi ccücakechi cüki zhü theng. Pala hathu ha wan sacen keten Anyiza na pi ma maghathu ccücalo pi ma cü; Khrista na tangnyilo kesun pi ma maghawa Johan wi chi nu tsü chüya thsü,

CCÜCAKECHI 1:2

Johan na ma kemu tsüdi pi kizachidha. Hana Anyiza wina kegho ketsijüh nu Jisu Khrista na pi ccücakechi atsentsawa cüki ma khi kechi.

CCÜCAKECHI 1:4

Johan na zhü pi Asia yyi wi Kemehuthu Tagü kecü: Khili kebenwa, kheni na ketenwa, nu ha seng wi gho ketenwa, nu aghamu tagü ma kadipen tu wi ben ketenthu,

CCÜCAKECHI 1:6

nu ithu pi keqhaikedithu kadiyyi sa thsü, nu ma Nyiza Abawa kekuli sa thsü kesawa ya anuphan anyankethang nu kekhang sen keyawa salo, Amen.

CCÜCAKECHI 11:7

Manyi na ketsijüh tsü khisha lethu, ayyiku kedhu wina keshhugho aghangsa tsüna manyi ssikaghashen ben.

CCÜCAKECHI 12:11

Ithu cünyuthu na Khaghanenizzawa jjü nu mathu atsentsawa sheikepi ghena ma miwi khang yadha; nu mathu na mathu kahang khuchi nu shü mvu kesalina.

CCÜCAKECHI 12:17

Tsaseng wi kemanthisa na nzawa miwi lebentsu nu ma shicü kepathu, Anyiza yenkhukechi kina ketenthu nu Jisu na pi ccüca kechi wi jühtsentsa sa ketenthu tsüdi ssikaghashenle bvüa.

CCÜCAKECHI 13:10

Anyi kesü le kesü lela atssüzü kesa-u lethu, atssüzü sa wa metsiben; nu anyi kesü le kesü lela njünnu pang wi keshü-u lethu, njünnu pi süthi metsiben. Hawa ha wi Anyiza nyithu na kethankehi nu jühtsentsa sayalo ciben.

CCÜCAKECHI 14:12

Hawa ha Anyiza nyithu, Anyiza yenkhukechithu nie nu Jisu wi jühtsentsa sa ketenthu na kethankehi yalo ciben.

CCÜCAKECHI 19:10

Hi ma ccü wi qancadu ma kinyile sa, isala ma hi wi khi, “Tsüti nsa lalo, hi la no nu ncünyuthu, Jisu pi ccücakechi atsentsawa tsü ghansen ketenthu tsüdi ti kesa amagha kesü le. Anyiza kinyilo!” Kepaghenanye Jisu pi ccücakechi atsentsawa tsüna atusenjüh-kechüthu kechüchiden.

CCÜCAKECHI 20:4

Tsaseng wi kadipenthu, nu tsüthu miwi donki kebenthu ya nyu jühkaghaten ya kemehai kekhang pi cü ketheng mu. Nu hi Jisu pi ccücakechi nu Anyiza jühtsentsawa tsü pi kekhi ghena nyu mathu pathi kesa ghamuthu la mu. Mathu na aghangsawa tsü nu ma tsikezhü la nkinyi, nyelela mathu na tsü zensu tsü pi mathu tie nyelela mathu kwen wi lela njen pvü. Mathu na kahang wi gho Khrista gweghe amapi hazar kesü kadimi sala kadi sa.

CCÜCAKECHI 3:10

No ijühkina nu kethan-kehikeya ghena anyi kemehai-keteshi ghan-nan le kesa ghena agükeccü ayyi tsüdi miwi gho keten tsü wi hi la no hangsha yaben.

CCÜCAKECHI 6:9

Tsaseng wi Khaghanenizzawa na mechantsi mangawa tsü shachi. Ciwi hi kekinyipen kekhu wi Anyiza jüh khi nu mathu sheikepi wi atsentsa kesa ghena pathi kesa ghamuthu mu.

CCÜCAKECHI 7:14

Hi ma luneng, “Hi nchüle, kediwa. No chüben.” Ma hi kiza, “Anyi hathu ha ketizenkesa qhethiketen kesa wina shhughoya nu ghoben. Mathu na Khaghanenizzawa jjü pi mathu thsümeni satemetha nu mikidha.